Македонија

Јанчев: Kавадарчани да бидат максимално дисциплинирани во мерките против коронавирусот

Градоначалникот на Кавадарци, Митко Јанчев, на попладневната прес-конференција упати апел до кавадарчани да бидат максимално дисциплинирани и да не се групираат, бидејќи постои епидемиолошки ризик.

Како што информира, Кризниот штаб на денешниот состанок го задолжи Јавното претпријатие „Коѓуналец", утре на пазарен ден да постави редари на сите влезови во пазарот, кои ќе го регулираат протокот на луѓе на пазаришниот простор.

Редари да има и на влезовите во парковите, кои ќе укажуваат на одлуката на Владата за забрана за движење во вакви и слични места. Еден од заклучоците се однесува на времено затворање на рекреативните игралишта поради пандемијата.

-Се задолжува Јавното претпријатие „Паркинг" да постави свои вработени во близина на супермаркети, банки и пиљари за да помогнат во одржувањето на дистанца меѓу луѓето, соопшти градоначалникот, и упати апел до сопствениците на вакви објекти, исто така да ангажираат дел од своите вработени, да одржуваат ред и да повикуваат на растојание помеѓу оние кои чекаат да влезат во таквите објекти.

Јанчев потсети на забраната за движење во шумските површини која ја донесе Министерството за земјоделство, шумарство и водостопанство. Повика движењата во селата да бидат само во нивниот атар. Апелираше во овој период да не се палат плевел, меѓи и лозови гранки.

-На сите колективни згради што имаат контејнери подалеку од 50 метри, ќе им бидат дополнително поставени контејнери, соопшти Јанчев потсетувајќи дека и во полициски час ќе биде отворен кол центарот на општината на бројот 13300, на кој можат да се јават за решавање на различни проблеми.

Тој рече да не паничат граѓаните кои не успеале навреме да ги обезбедат сите намирници за наредните неколку дена, бидејќи во општината аптеки, маркети и ресторани ќе продолжат да вршат достава на порачки, до домовите на кавадарчани./МИА

Фудбал

Челси повторно тргнува по Виктор Осимен

Фудбалскиот клуб Челси е заинтересиран за напаѓачот на Наполи и нигериски репрезентативец Виктор Осимен, објавија денеска италијанските и британските медиуми.

Осимен (25) е член на Наполи од 2020 година, а со клубот од Неапол има договор до 30 јуни 2026 година, а минатото лето интерес за него покажаа Пари Сен Жермен и Барселона.

Италијанските медиуми пренесуваат дека претставници на Челси започнале преговори со раководните лица на нигерискиот напаѓач, како и со раководството на Наполи.

-Воспоставени се контакти помеѓу Челси и Наполи. Оттаму планираат да му платат на Осимен меѓу 80 и 90 милиони евра и да го испратат Ромелу Лукаку и уште еден помлад играч во Наполи, тврди извор близок до челниците на „сините“ за „Скај Спортс“.

Осимен со Наполи ја освои титулата во Серија „А“, а оваа сезона одигра 29 натпревари и постигна 16 голови.

Италијанските медиуми потсетуваат дека претседателот на Наполи, Аурелио де Лаурентис неодамна изјавил дека планира да го продаде Осимен, бидејќи нигерискиот напаѓач ја одбил понудата за продолжување на договорот до јуни 2028 година.

Живот

Фатена чудна кинеска банда: Фалсификувале монети од две евра?!

Чудна банда кинески фалсификатори е фатена во Шпанија, која правела лажни монети од две евра.

Ова е чудна идеја на фалсификаторите бидејќи во Европската Унија најчесто се фалсификуваат банкноти од 50 и 20 евра, што е и логично - тие се најобични банкноти, и има многу мали шанси некој да ги земе под микроскоп. од банкноти од 100 или 200 евра, пренесува Дојче веле.

Со помош на Европол, шпанската полиција во Толедо разби синџир фалсификатори на пари кои фалсификувале половина милион „висококвалитетни“монети од две евра.

Полициската акција е опишана како „најважната“ против фалсификувањето на пари во Европа во последните 10 години.

Уапсени се 10 кинески државјани, а шпанската полиција соопшти дека ги бркала шест години. Се вели дека монетите се исклучително тешки за следење.

Монетите немаат холограми и безбедносни печати како хартиените пари. Но, повторно имаат доволно карактеристики што тешко се копираат.

Кошарка

Во Италија тврдат: Димитријевиќ ќе биде ново засилување на Олимпија Милано

Познатиот италијански новинар Андреа Калцони во ексклузивна вест денеска вели дека нашиот најдобар кошаркар и актуелен член на Уникс Казан, Ненад Димитријевиќ, својата кариера ќе ја продолжи во Олимпија Милано.

– Ненад Димитријевиќ ќе биде второто засилување (после Џош Небо) за следната сезона. Договор на три години за македонскиот плејмејкер, објави новинарот на социјалните мрежи.

Станува збор за клуб кој редовно настапува во Евролигата, а сезонава во регуларниот дел заврши на 12-тото место.

Популарниот Нено сезонава покажува одлични игри во дресот на рускиот клуб и беше избран за МВП во регуларниот дел на сезоната.