Здравје

Извештај на ИЈЗ: Овчите сипаници забрзано се шират, тука се и шугата па и сифилисот

За 30 проценти се зголемил бројот на пријавени случаи со овчи или крупни сипаници во однос на Февруари минатата година, а за 7,3 проценти во однос на март мината година, покажува извештајот на Институтот за јавно здравје.

Во однос на заразни заболувања најзастапени се овчите сипаници со 911, а исто така зголемен е бројот на заразени со сфилис, шуга и скаралетина. Исто така во пораст се и ентерколитиси или стомачни вирози.

Матичните педијатри велат дека променливото време високи, па ниски темпетатури како и интензивните контакти помеѓу децата во градинка и училиште е очекувано да има зголемен број на болни. Освен тоа со зголемувањето на бактериските инфекции кои се лекуваат со антибиотици, зголемена е и побарувачката на антибиотици. А по празниците амбулантите преполни се со деца кои имаат висока температура.

Во групата на сексуално и крвно преносливи инфекции регистрирани се 19 заболени луѓе и тоа пријавени се 9 случаи на сифилис, 7 случаи на вирусен хепатитис Б и 3 случаи на хламидија. Во текот на март, пријавени се три нови случаи на ХИВ/СИДА.

Рецепти

„Гответе со Дракче“ - Малиџано

Во петок (26.04.2024) во емисијата гостин ни беше Вики Среброва

Состојки за денешниот рецепт:

2 модри патлиџани

2 - 3 лажици мајонез

100 гр. ореви

10 маслинки

1 главица лук

1 лажица сенф

малку сол и зачини по вкус

Погледнете како се подготвува овој рецепт:

Македонија

Водата во Скопје е безбедна за пиење

Анализите на Секторот за санитарна контрола, направени на 149 примероци од 41 мерни места во градот, во период од 22 до 26 април, покажаа дека водата во Скопје е безбедна за пиење, соопшти ЈП Водовод и канализација.

Секторот за санитарна контрола земал 149 примероци за физичко-хемиска и 149 примероци за микробиолошка анализа на вода за пиење од 41 мерни места во град Скопје и согласно добиените резултати од испитувањата, сите примероци ОДГОВАРААТ на Правилникот за барања за безбедност и квалитет на водата за пиење.

Свет

Неформална дводневна средба на Советот за општи работи на ЕУ

Советот за општи работи на ЕУ (ГАК) денеска и утре ќе одржи неформално заседание, на кое централен настан ќе биде одбележување на 20-годишнината од големото проширување на Унијата на 1 мај 2004 година.

Заседанието ќе започне вечерва со свеченост во Центарот за ликовни уметности „Бозар“ во Брисел со која ќе се одбележи годишнината од приемот на Естонија, Кипар, Малта, Летонија, Литванија, Полска, Словачка, Словенија, Унгарија и Чешка во Европската унија.

Работниот дел од неформалното заседание на ГАК ќе продолжи утре во чии рамки министрите или државни секретари на земјите членки на ЕУ задолжени за европски прашања ќе одржат серија работни сесии на кои ќе разговараат за процесот на проширување, вклучувајќи и за искуствата од проширувањето во 2004 година, за потребата од зајакнување на Унијата, како и инструментите на блокот за заштита на владеењето на правото.

Меѓу другото, предвидено е европските министри да одржат размена на мислења со претставници на земјите кандидати и аспиранти за членство на ЕУ за владеењето на правото во рамките на процесот на проширување.

На заседанието ќе стане збор и за важноста за почитување на владеењето на правото во рамки на Унијата, како и за потенцијални подобрувања на постоечките механизми на заштита на овој принцип и нивната ефикасност.

На состанок европските министри ќе разговараат и за иднината на ЕУ, при што се очекува да разменат мислења за потребните чекори и реформи за зајакнување на капацитетот за дејствување на Унијата.