Македонија

Издадена е шестата еврообврзница во висина од половина милијарди евра

Македонија ја издаде шестата еврообврзница од половина милијарда евра, со рок на достасување од 7 години и каматната стапка 2,75 проценти.

Еврообврзницата се издава за враќањето на домашни долгови,за подобрување на ликвидноста на пазароти со цел да се ослободат повеќе пари во стопанството, преку кредити, што ќе значи и поголем поттик, реализација на најавените инвестиции и позитивен економски раст, вели ресорниот министер.

Со ова Македонија за првпат изврши предвремен откуп на постоечка еврообврзница, платена е 1/3 од еврообврзницата од 270 милиони евра, издадена во 2015-та година која достасува во декември 2020-та со каматна стапка од 4,875%. Покрај каматните заштеди,се намалува долгот кој достасува во 2020 година и се намалува ризикот од рефинансирање, објаснуваат од финансии.

Ниската камата е постигната како одраз на високата доверба кај меѓународните инвеститори за перспективите на македонската економија.

Македонија претходно издаде пет еврообврзници во вкупна вредност од 1,5 милијарда евра, а половина милијарда беа камати.

Годинава доспеваат обврски од вкупно 370 милиони евра, 200 милиони на домашниот и 170 милиони евра на странскиот пазар.

Фудбал

Челси повторно тргнува по Виктор Осимен

Фудбалскиот клуб Челси е заинтересиран за напаѓачот на Наполи и нигериски репрезентативец Виктор Осимен, објавија денеска италијанските и британските медиуми.

Осимен (25) е член на Наполи од 2020 година, а со клубот од Неапол има договор до 30 јуни 2026 година, а минатото лето интерес за него покажаа Пари Сен Жермен и Барселона.

Италијанските медиуми пренесуваат дека претставници на Челси започнале преговори со раководните лица на нигерискиот напаѓач, како и со раководството на Наполи.

-Воспоставени се контакти помеѓу Челси и Наполи. Оттаму планираат да му платат на Осимен меѓу 80 и 90 милиони евра и да го испратат Ромелу Лукаку и уште еден помлад играч во Наполи, тврди извор близок до челниците на „сините“ за „Скај Спортс“.

Осимен со Наполи ја освои титулата во Серија „А“, а оваа сезона одигра 29 натпревари и постигна 16 голови.

Италијанските медиуми потсетуваат дека претседателот на Наполи, Аурелио де Лаурентис неодамна изјавил дека планира да го продаде Осимен, бидејќи нигерискиот напаѓач ја одбил понудата за продолжување на договорот до јуни 2028 година.

Живот

Фатена чудна кинеска банда: Фалсификувале монети од две евра?!

Чудна банда кинески фалсификатори е фатена во Шпанија, која правела лажни монети од две евра.

Ова е чудна идеја на фалсификаторите бидејќи во Европската Унија најчесто се фалсификуваат банкноти од 50 и 20 евра, што е и логично - тие се најобични банкноти, и има многу мали шанси некој да ги земе под микроскоп. од банкноти од 100 или 200 евра, пренесува Дојче веле.

Со помош на Европол, шпанската полиција во Толедо разби синџир фалсификатори на пари кои фалсификувале половина милион „висококвалитетни“монети од две евра.

Полициската акција е опишана како „најважната“ против фалсификувањето на пари во Европа во последните 10 години.

Уапсени се 10 кинески државјани, а шпанската полиција соопшти дека ги бркала шест години. Се вели дека монетите се исклучително тешки за следење.

Монетите немаат холограми и безбедносни печати како хартиените пари. Но, повторно имаат доволно карактеристики што тешко се копираат.

Кошарка

Во Италија тврдат: Димитријевиќ ќе биде ново засилување на Олимпија Милано

Познатиот италијански новинар Андреа Калцони во ексклузивна вест денеска вели дека нашиот најдобар кошаркар и актуелен член на Уникс Казан, Ненад Димитријевиќ, својата кариера ќе ја продолжи во Олимпија Милано.

– Ненад Димитријевиќ ќе биде второто засилување (после Џош Небо) за следната сезона. Договор на три години за македонскиот плејмејкер, објави новинарот на социјалните мрежи.

Станува збор за клуб кој редовно настапува во Евролигата, а сезонава во регуларниот дел заврши на 12-тото место.

Популарниот Нено сезонава покажува одлични игри во дресот на рускиот клуб и беше избран за МВП во регуларниот дел на сезоната.