За Влада, Парламент, градоначалници на над 60 општини и во главниот град Белград– Србија денеска гласа на споени избори, вонредни парламентарни, покраински и локални. Сите партии кои учествуваат се надеваат на добри резултати и победа, но анкетите од изминатиот период покажуваат дека и овојпат бројките се во корист на актуелната владејачка структура, предводена од претседателот Александар Вучиќ. Тој утрово застана во ред со останатите граѓани и чекаше околу половина час за да стигне до гласачките кутии.
„Очекувам добра излезност, очекувам убедлива победа. Се надевам дека сите учесници во изборната трка рационално, сериозно и одговорно ќе се однесуваат, иако не сум сигурен во тоа. Србија во следниот период ќе има многу важни работи да реализира, многу да направи. Кога велам убедлива победа, верувам дека листата „Србија не смее да застане“ ќе биде блиску до апсолутно мнозинство или ќе го има апсолутното мнозинство.“
„Пред се очекувам денешните избори да поминат во мирна и демократска атмосфера. Исто така потенцирам дека ова се многу важни избори затоа што Србија се наоѓа во еден одлучувачки период, кога на дневен ред ќе се најдат најважните теми од национално и државно значење и многу е важно Србија да е политички стабилна.“
Опозицискиот блок го предводи поранешниот градоначалник на Белград Драган Ѓилас кој ја води листата насловена „Србија против насилството“. Токму во главниот град кадешто годинава се одржуваа масовните протести по двете повеќекратни убиства, опозицијата има поголеми шанси за разлика од централно ниво. Меѓу кандидатите за градоначалници има и Македонец од Битола, адвокатот Тома Фила, од партијата на Дачиќ.
„Секогаш велев, не само во изборниот молк, дека луѓето мора да излезат да гласаат за иднината на своето семејство и своите деца. Може сум оптимист, но јас никогаш не се натпреварував за да изгубам.“
„Јас не сум некој кој вообичаено инсистира и повикува да се гласа за одредена листа или за мене конкретно или за листата на која сум јас, затоа што мислам дека луѓето се доволно паметни и зрели да гласаат за својата иднина и за своите деца.“
Инаку темата Косово беше често споменувана во предизборната кампањ - опозицијата го обвинуваше Вучиќ дека се откажал српска територија, додека претседателот уверуваше за непропустливост на притисоците.. Откако косовската Влада одви да се отворат избирачки места во српските средини на Косово, Србите оттаму со организиран превоз пристигнаа во Србија рано утринава да гласаат на парламентарните избори, во пограничните градови Куршумлија, Тутин, Рашка и Врање..
На овие избори право на глас имаат околу 6,5 милиони гласачи, а очекувањата се дека конечните резултати ќе се знаат до Нова Година.. Рокот за формирање на Собранието според српското законодавство е 30 дена, а за формирање на Влада 90 дена, што значи дека формално победниците ќе ги преземат позициите напролет.