Други спортови

Ивчевски испушти место на подиумот на трките во Бугарија

Тројца македонски мотоциклисти настапија на трките од „Гран При Бугарија 2013“ одржани викендов на патеката Долна Митрополија крај Плевен, а најуспешен од нив беше Слободан Ивчевски кој за малку не успеа да се искачи на подиумот.

Ивчески, како што јави МИА, го освои чевртото место на вториот натпревар од Европскиот и отворениот Источно-Европски шампионат во супермото. Тој водеше голема борба за третото место со романскиот претставник Сорин Траистару, но само четири секунди го делеа од досега неговиот најголем успех во оваа конкуренција.

Убедлив победник во двете возења беше домашниот натпреварувач Ангел Каранјотов пред сонародникот Александар Георгиев.

Во генералниот пласман Каранјотов води со максимални 100 бодови, а Ивчески е четврти со 68 бодови.

Искусниот Сашо Николов продолжи со одлични настапи во рамките на отворениот Источно-Европски шампионат на кружни патеки.

Во конкуренција на 19 натпреварувачи во класата до 1000 ссм супербајк, Николов го освои 5.место.

Победата му припадна на Александар Ленев од Бугарија. Победата му припадна на Александар Ленев од Бугарија кој во фотофиниш за помалку од секунда беше побрз од Дејан Радуловиќ од Србија.

Радуловиќ сепак останува водечки после 3 натпревари со освоени 70 бодови, а нашиот претставник се проби на 5.место со 24 бодови. а нашиот претставник се проби на петтото место со 24 бодови.

Игор Спиров освои нови седум поени со 9.место во класата до 600 ссм супербајк.

Победник беше уште еден домашен мотоциклист, Паскал Дичев.

Во генерален пласман водечки е Фуркан Јерилмаз од Турција со 53 бодови, а Спиров е десетти со 15 бодови.

Македонија

На Денот на македонскиот јазик велиме: СДСМ го заштити и го унапреди македонскиот јаазик

На Денот на македонскиот јазик со гордост велиме: СДСМ го заштити и го унапреди македонскиот јазик

Со многу посветеност, труд и ентузијазам СДСМ ги исполни заложбите за заштита и унапредување на македонскиот јазик.

На Денот на македонскиот јазик сите со гордост велиме: СДСМ го заштити и го унапреди македонскиот јазик.

Сонот и аманетот на Блаже Конески се исполнети, владата предводена од СДСМ успеа да се избори за македонски јазик признат и потврден од сите.

Македонскиот јазик е на исто рамниште со сите јазици во Унијата. Македонскиот јазик во ЕУ, признат и потврден, еднаш, засекогаш.

Направивме историски исчекор, со сите 27 членки го потпишавме првиот документ со Европската унија на официјален македонски јазик, чист, без фусноти, без ѕвездички и додавки.

Службите на ЕУ вработуваат преведувачи за македонски јазик.

Со Законот за употребата на македонскиот јазик, СДСМ направи вистински потфат во унапредувањето на јазикот.

Од овој Закон произлегуваат многу важни иницијативи, меѓу кои и стипендирање ученици од четврта година средно образование и на додипломски, магистерски и докторски студии, со што се прави голем исчекор кон мотивирање на младите за проучување на македонскиот јазик.

Се отвораат нови работни места за лектори во институциите. Се преземаат конкретни и суштински чекори за македонскиот јазик, за негова заштита.

На предлог на СДСМ денешниот ден е прогласен за ден на македонскиот јазик, во чест на 5 мај 1945 година кога првата влада на Народна Република Македонија ја усвоила азбуката на македонскиот јазик како официјално писмо.

СДСМ чувајќи го македонскиот јазик, како наша посебност, како наша татковина, ја зајакнува државноста и темелот на македонскиот идентитет.

Скопје, 05.05.2024

СДСМ

Македонија

Честитка по повод празникот Воскресение Христово - Велигден од претседателот на ВМРО-ДПМНЕ

Поучени од христијанските начела, да си ја сакаме државата, да го сакаме ближниот, да направиме се утре да биде подобро од денес.

Честитка по повод празникот Воскресение Христово - Велигден од претседателот на ВМРО-ДПМНЕ Христијан Мицкоски

Дозволете ми од мое лично име и од име на ВМРО-ДПМНЕ да го честитам големиот христијански празник, Христово Воскресение - Велигден, на сите верници.

Христовото Воскресение му покажа на човекот колку Бог го сака, и дека беше спремен да биде распнат за спасението на човештвото. Љубовта на Бога кон човека е неизмерна.

Воскресението е потврда дека надежта секогаш ќе победи, човековата волја, љубов и верба можат да допринесат за поубав свет.

Поучени од христијанските начела, да си ја сакаме државата, да го сакаме ближниот, да направиме се утре да биде подобро од денес. Промените кои доаѓаат да ги запечатиме со силна победа, за догодина да славиме Велигден со многу поголеми насмевки на задоволство како нација.

Христос Воскресе! За многу години Велигден!

Со почит,

Христијан Мицкоски

претседател на ВМРО-ДПМНЕ

Центар за комуникации на ВМРО-ДПМНЕ

Свет

Русија распиша потерница и за командантот на копнените сили на Украина, Пављук

Министерството за внатрешни работи на Русија синоќа распиша потерница за командантот на копнените сили на Украина, Александар Пављук.

Министерството вчера распиша потерница и по претседателот на Украина, Володимир Зеленски и поранешниот претседател, Петро Порошенко.

По Пављук е распишана потерница поради „кривично дело“, но не е прецизирано за кое кривично дело, јавија руските медиуми.

На 11 февруари, Пављук беше назначен за командант на копнената армија, а пред тоа беше прв заменик - министер за одбрана на Украина.

притисни ентер