Свет

Италија до 2024. ќе го укине дигиталниот данок

Италијанската влада ќе го укине дигиталниот данок до 2024 година, рече министерот за економија Даниеле Франко, наведувајќи временска рамка за укинување на давачката што треба да го замени новиот глобален данок.

„Дигиталните даноци никогаш не се најдоброто решение“, нагласил Франко, откако претседавал со состанокот на министрите за финансии и гувернерите на централните банки на 20 -те водечки економии на Г -20 во Вашингтон.

На состанокот, финансиските службеници го поддржаа предлогот за измена на глобалниот даночен систем и воведување минимален глобален данок од 15 проценти за профитот на мултинационалните компании со глобални приходи од повеќе од 20 милијарди евра и оперативна маргина на профит од повеќе од 15 проценти.

Предлогот бил детално прикажан во преговорите под покровителство на Организацијата за економска соработка и развој (ОЕЦД) и е прифатен од 136 земји.

Исто така, било договорено земјите да ги делат даночните права на мултинационалните компании со обемен меѓународен бизнис, а промените предвидуваат постепено усогласено укинување на дигиталните даноци воведени од некои земји и забрана за воведување нови слични давачки.

Не е одреден конкретен рок за укинување на постојните дигитални даноци.

„Очекуваме земјите да ги укинат даноците што еднострано ги воведоа до 2024 година“, рече италијанскиот министер на прес -конференцијата по состанокот.

Американските власти претходно неделава рекоа дека Вашингтон, со оглед на разговорите за укинување на дигиталните даноци, повеќе нема да мора да наметнува реципрочни тарифи за земјите што ги вовеле, вклучувајќи ги Италија, Франција, Велика Британија, Шпанија, Австрија, Индија и Турција.

Свет

Властите во Хјустон повикаа на евакуација поради огромните поплави (ВИДЕО)

Се предвидува дека во Хјустон, Тексас, ситуацијата со поплавите ќе се влоши, еден ден откако силно невреме го зафати регионот, а властите ги предупредија жителите во ниските области на градот да се евакуираат пред очекуваните големи поплави.

Според прогнозата на метеоролозите, количината на врнежи од 2,5 до 7,6 сантиметри на метар квадратен вечерва ќе доведе до големи поплави.

Во Хјустон вчера околу 20 луѓе беа спасени од поплавеното подрачје, вклучително и оние кои се качиле на покривите на своите домови.

Локалните власти соопштија дека неколку стотици згради се во опасност од поплави, како и дека наставата во училиштата е откажана, а некои патишта се затворени поради поплави.

Обилните дождови со недели го зафатија Тексас и делови од американската сојузна држава Луизијана, а делови од југоисточниот дел на Тексас, северно од Хјустон, се поплавени.

Тенис

Надал ги демантираше гласините за пензионирање по Ролан Гарос

Шпанскиот тенисер Рафаел Надал ги демантираше гласините дека неговиот настап на претстојниот Ролан Гарос ќе биде последен во неговата кариера.

Рекордерот по освоени Гренд слем титули во Париз (14) и оваа сезона има намера да се бори за трофејот во француската престолнина, но поради проблеми со повредите, некои медиуми побрзаа да го пензионираат што е можно поскоро.

Но, тоа воопшто не му се допадна на Надал, па по поразот од Јиржи Лехечка во Мадрид се наврати на медиумите и изјави дека се уште нема намера да се пензионира. Особено не во Париз, каде летово би можел да се најде како член на олимпискиот тим на Шпанија.

-Мојот сон е последен пат да се натпреварувам на Олимписките игри. Никогаш не реков дека мојата кариера ќе заврши на Ролан Гарос, јасно подвлече Надал за шпанскиот канал „Мовиестар“.

Рафаел Надал моментално е 512. играч во светот, има 37 години и сезонава забележа три победи и два порази. Во текот на својата блескава кариера оствари биланс од 1.071 победа и 222 порази. На врвот на светската АТП листа стигна во 2008 година, додека во текот на кариерата освои 92 титули и нешто повеќе од 130 милиони долари на турнири.

Македонија

Облачно време со локален дожд и северен ветер

Времето денеска ќе биде променливо облачно, наместа со повремени врнежи од дожд. 

Ќе дува умерен, а долж Повардарието и во источните делови, повремено засилен ветер од северен правец. Минималната температура ќе биде во интервал од 4 до 11, а максималната ќе достигне од 14 до 21 степен.

Во Скопје, ќе биде променливо облачно со повремени врнежи од дожд. Ќе дува умерен ветер од северен правец. Минималната температура ќе се спушти до 8, а максималната ќе достигне до 19 степени.

Во текот на ноќта и изутринава времето е претежно облачно, наместа со повремени врнежи од дожд. Дува слаб до умерен ветер од северен, а во Пелагонија повремено засилен ветер од западен правец кој во Битола достигнува брзина до 45 km/h.

Најмногу дожд во изминатото деноноќие има наврнато во Крива Паланка 20 литри на метар квадратен, во Штип 15, во Берово 12, во петровец - Скопје и во Охрид 9, во Демир Капија 7, во Претор 5, во Велес и Кавадарци 4, во Струмица и Гевгелија 3, во Виница и Лазарополе 2 и во Битола и Куманово еден литар на метар квадратен.

Синоптичарите за утре и за понеделник најавуваат претежно сончево и потопло време. Во вторник, локално ќе има изолирана појава на пороен дожд и ретки грмежи. Под влијание на нов влажен бран, в среда и четврток на повеќе места ќе биде нестабилно со пороен дожд и грмежи, локално во форма на невреме.

притисни ентер