Египет очекува овој месец да добие 1,2 милијарди долари според програмата за финансиска поддршка од Меѓународниот монетарен фонд (ММФ) во вкупна вредност од осум милијарди долари, изјави министерот за финансии на земјата Ахмед Кучук, цитиран од онлајн изданието „Enterprise News“.

Во интервју за програма на ТВ OН, Кучук ги отфрли шпекулациите дека Каиро сака да го зголеми размерот на програмата. Изјавата доаѓа откако на крајот на декември минатата година беше постигнат договор на експертско ниво за долго одложуваниот четврти преглед на програмата и одобрување на следната транша.

„Владата има за цел да собере три милијарди долари од глобалните должнички пазари во првата половина од годинава. Ќе се вратиме на глобалниот должнички пазар со различни емисии за да привлечеме различни типови на инвеститори, но со релативно мал обем“, рече Кучук.

Тој објасни дека приватизацијата ќе помогне и за собирање средства во 2025 година. Според него, три или четири компании, ќе бидат понудени на стратешки инвеститори или на Египетската берза преку иницијална јавна понуда до крајот на фискалната година на крајот на јуни./МИА

Весникот оценува дека во Франција има голема политичка криза, но дека една работа не се сменила, а тоа е дека Париз ќе држи цврста рака и ќе ја засили контролата на своите граници.

Шпанија стравува дека новиот извршен директор на францускиот премиер Франсоа Бајру во голема мерка ќе враќа луѓе од границата, практика која предизвикуваше проблеми во минатото. /МИА

„Седумдесет осуденици се транспортирани вчера“, рече министерот за правда на Конго, Констант Мутамба, а уште 102 затвореници веќе се испратени во затворот Ангенга во северната провинција Монгала.

Затворениците се осудени за вооружен грабеж и локално се познати како „кулуни“ или „урбани бандити“.

Тие се на возраст меѓу 18 и 35 години, се вели во соопштението на Мутамба.

Некои граѓани на Конго ја поздравија мерката како средство за враќање на редот и безбедноста во градовите, додека други се загрижени за ризикот од злоупотреба и кршење на човековите права. /МИА