Свет

И годинава е откажан Октоберфест

Поради пандемијата на коронавирус Октоберфест во Минхен нема да се одржи ниту оваа година, најави премиерот на Баварија Маркус Содер.

„Октоберфест нема да биде возможен ниту оваа година“, рече премиерот на Баварците Маркус Содер по консултациите со градот Минхен.

Содер, исто така, препорача и другите градови во Баварија, кои организираат настани слични на Октоберфест, да се воздржат од организирање прослави и оваа година.

Градоначалникот на Минхен, Дитер Рајтер рече дека одлуката е донесена токму сега затоа што „нема смисла“ да се чека повеќе со оглед на обемните подготовки што ги бара настанот.

„За мене, тоа е многу тешка одлука“, рече Рајтер.

Одлуката за откажување на годинешниот Октоберфест е донесена поради преголемата опасност од ширење на инфекцијата во преполните шатори каде се одржува Октоберфест, и покрај очекувањата дека повеќето граѓани ќе бидат вакцинирани до септември.

Октоберфест годинава требаше да се одржи од 18 септември до 3 октомври. Претходните години, Октоберфест го посетуваа по шест милиони посетители.

Последниот Октоберфест, одржан во 2019 година, остварил приходи од 1,23 милијарди евра за градот Минхен.

Според истражувањето на јавното мислење објавено од весникот „Аугсбургер алгемајне“, 69 проценти од анкетираните Баварци се за неодржување на Октоберфест и оваа година.

Свет

Најмалку 14 лица загинаа во поплавите во Индонезија (ВИДЕО)

Најмалку 14 лица загинаа во поплави и одрони на индонезискиот остров Сулавеси, соопштија денеска локалните власти.

Силниот дожд што паѓа во областа од четвртокот предизвика лизгање на земјиштето во провинцијата Јужен Сулавеси, а беа погодени повеќе од 1.000 куќи, од кои 42 целосно се урнаа.

Екипите за пребарување и спасување ги евакуираат жителите со гумени чамци, изјави портпаролот на Националната агенција за управување со катастрофи, Абдул Мухари.

Македонија

СДСМ: Граѓаните да излезат на 8 ми мај и да гласаат, се работи за иднината на државата

Граѓаните треба масовно да излезат на изборите на 8-ми мај и да гласаат. Се работи за иднината на државата.

Дали ќе следи уште една лоша реприза од тоталитарното владеење на ДПМНЕ како она на Груевски и неговата криминална екипа, или заедно со СДСМ ќе имаме слободна, просперитетна и европска иднина.

Изборот е во рацете на граѓаните.

Со Мицкоски и ДПМНЕ ни следи враќање 20 години назад, изолација, уривање на слободата на медиумите, внатрешни поделби и оддалечување од европскиот пат. Тоа носи сериозни негативни последици кон иднината на Македонија.

СДСМ ги повикува сите граѓани, да излезат на гласање во среда, да го заокружат бројот 1 за претседателскиот кандидат, Стево Пендаровски и за кандидатските листи на СДСМ и Коалицијата за европска иднина.

Да не дозволат враќање на режимот во најава, да гласаат за европска иднина, за европски стандарди и вредности, за држава во која децата ќе сакаат да останат, се наведува во партиското соопштение.

Македонија

ВМРО-ДПМНЕ:ДУИ се обидува да поткупи гласачи дури и во верски објекти, секако одат во опозиција

ДУИ се обидува да поткупува гласачи дури и во верски објекти, залудни сценарија, секако ќе одат во опозиција.

Функционери на ДУИ се забележани дури и во места како Виница, Кочани, Берово, Делчево каде во верски објекти со полицајци се обидуваат да поткупуваат гласачи.

Со ова се обидуваат да освојат голем резултат, мислејќи дека така ВМРО-ДПМНЕ ќе мора да седне со нив, но се лажат.

ДУИ оди во опозиција и со тоа треба да се помират.

Залудно е и полнењето кутии. Примерите кои се нотирани во Липково, не им помогнаа во првиот круг, нема ниту сега во вториот.

Времето кога го купуваа гласот на народот завршува. Време е Македонија да ја вратиме на народот. Македонија повторно твоја!, се наведува во партиското сопштение.