Свет

Хорор на Божиќната парада во Висконсин, САД,пет загинати, 40 повредени, возило влета во толпа

Хорор на Божиќната парада во сојузната држава Висконсин. 

Хорор на Божиќната парада во сојузната држава Висконсин. Од славеничка за миг се претвори во сцена на ужас откако возач на теренски автомобил со голема бризина влета во толпа народ. Пет лица загинаа, а над 40 се повредени кога возило влета помеѓу луѓето кои што учествуваа на славеничката парада.

Локалните власти во Ваукеша соопштија дека меѓу прегазените имало и деца. Полицијата не знае дали нападот е поврзан со тероризам. Во обид да се спречи газењето на луѓето еден од полицајците пукал врз луѓето.

По несреќата на социјалните мрежи станаа вирални десетици видеа каде се гледа како црвен џип преминува две ниски барикади и со голема брзина се движи низ главната улица. На едно од нив се гледа и како полицаец се обидува да го запре возилото со пукање во него, на друго пак како девојче за влакно е избегнато да биде уште една од жртвите на разбезнетото возило.

Има „жртви“ и над 20 повредени луѓе кога возило удри во преполна божиќна парада во Ваукеша, изјави началникот на локалната полиција Ден Томпсон, наведувајќи дека било пронајдено „осомничено возило“ и оти властите идентификувале лице кое можеби стои зад инцидентот. Останува нејасно дали случката има поврзаност со тероризам.

Свет

Берлин бесплатно ја нуди вилата на нацистичкиот министер Гебелс

Властите на Берлин бесплатно нудат вила, некогаш во сопственост на министерот за пропаганда на Хитлер, Џозеф Гебелс.

Тие се надеваат дека ова ќе стави крај на децениската дебата за тоа дали зградата треба да се пренамени или срамни со булдожери и да им се даде пространото место на селата северно од германската престолнина.

„Ние нудиме секој што сака да го преземе седиштето да го земе како подарок од покраината Берлин“, изјави вчера во државниот парламент берлинскиот министер за финансии Стефан Еверс. Берлин постојано се обидуваше да им го отстапи местото на федералните власти или на покраината Бранденбург, каде што се наоѓа вилата, наместо да продолжи да плаќа за одржување на комплексот, кој стана обраснат и занемарен.

Еверс не прецизира дали приватни лица ќе можат да ја преземат вилата. „Ако повторно не успееме, како во изминатите децении, тогаш Берлин нема друга опција освен да го изврши уривањето за кое веќе се подготвивме“, посочи тој.

Гебелс, еден од најблиските сојузници на Хитлер, ја изградил луксузната вила во 1939 година на шумско место со поглед на езерото Богензе во близина на градот Вандлиц, околу 40 километри северно од Берлин.

Шефот на пропагандата живеел во Берлин со сопругата и шесте деца, а вилата ја користел за забави на нацистичките лидери, уметници и актери, но наводно и како љубовно гнездо за тајни афери, пишува Асошиетед прес. По војната, локацијата накратко била користена како болница, а потоа преземена од младинското крило на Источногерманската Комунистичка партија.

По обединувањето на Германија во 1990 година, сопственоста на локацијата е вратена на сојузната држава Берлин. Оттогаш, местото стана атракција за патниците. Гебелс се вратил во Берлин во последната фаза од Втората светска војна. Тој и неговата сопруга се убиле себеси и нивните деца со капсули со цијанид во бункерот на Хитлер додека советските трупи се приближувале.

Свет

Орбан со чудна порака по повод 20 години во ЕУ: Ние сме на граница меѓу војна и мир

По повод 20-годишнината од влезот на неговата земја во Европската унија, унгарскиот премиер Виктор Орбан даде интервју во кое донекаде ги нападна креаторите на актуелната политика во Брисел.

Како што пренесува порталот „Унгарија денес“, Орбан дал интервју за Радио Кошут и емисијата „Добро утро, Унгарија“.

„Кога Унгарија стана членка на Европската унија пред 20 години, не очекуваше дека ќе има некои радикални промени во овој блок“, започна премиерот и продолжи:

„Високиот претставник на Европската унија за надворешна политика и безбедност тврди дека војната од големи размери не е фантазија, додека Полска веќе наведува дека војната нема дипломатско решение. Европа си игра со оган, ние сме на граница меѓу мирот и војната“.

Унгарија со големо мнозинство го поддржа пристапувањето во ЕУ во 2003 година, а пристапните преговори беа финализирани на 1 мај следната година. Во тоа време Орбан беше голем противник за влез на Унгарија во Унијата. Сега премиерот тврди дека повеќе не е во национален интерес на земјата да биде дел од Европската унија.

„Кога се приклучивме, не очекувавме дека ќе бидеме принудени да примаме мигранти од други делови на светот или дека ќе ни вршат притисок затоа што ги заштитивме семејните вредности и дека бракот е дефиниран како врска меѓу маж и жена. Не очекувавме дека европските лидери ќе го водат континентот кон војна наместо кон мир“, рече Орбан.

Тој ги повика Европејците да гласаат на претстојните избори за Европскиот парламент за партиите кои поддржуваат мирно решение на војната во Украина, вклучувајќи ја и владејачката партија Фидес.

„Ако значителен број членови на Европскиот парламент се за мир, тогаш можеме да ја вратиме Европа од работ на бездната“, смета тој.

Пред да влезе во ЕУ, Унгарија стана членка на НАТО во 1999 година. Во март оваа година, американскиот амбасадор во Будимпешта го обвини Орбан дека ја поткопува поддршката на Алијансата за Украина и дека е на страната на Русија.

Забава

Сите се воодушевени од новиот имиџ на Ријана: Како некој може да биде толку убав? (ВИДЕО)

Новите фотографии од Ријана го обиколија светот.

Пејачката блесна на промоцијата на новите производи на нејзиниот бренд Fenty Beauty во Лос Анџелес. Таа носеше фустан во кремова боја, а најмногу внимание привлече нејзината коса која сега е во боја на мед. Фановите се во транс.

„Таа е најубавата жена“, „Со такво лице може да владее со светот“, „Не старее“, „Оваа Ријана да се прогласи за најубава жена што живеела на планетата“, „Дива“, Таа е нереална“, „Како може некој да биде толку убав?“, „Оваа боја одлично ѝ стои“, се само дел од коментарите на Твитер.

притисни ентер