Се верува дека тоа е најголемиот бубрег досега отстранет од еден пациент во Индија. За споредба, бубрезите обично тежат помеѓу 120 и 150 грама.
Пациентот страдал од автозомно доминантно полицистично заболување на бубрезите, што резултира во раст на цисти на тој орган, јави Би-Би-Си.
Хирургот вклучен во операцијата рече дека големите бубрези се честа појава кај пациенти кои страдаат од споменатата болест.
Докторот Сачин Катурија од болницата „Сер Ганга Рам“ во Њу Делхи појасни дека лекарите генерално никогаш не отстрануваат орган, освен ако има симптоми на инфекција и внатрешно крварење, бидејќи тие сè уште вршат дел од функцијата за филтрирање во организмот.
Во случајот со оперираниот пациент, се развила инфекција која не реагирала на антибиотици и големината на бубрезите му го отежнала дишењето.
Досега, рекордната тежина на бубрезите е забележана во Гинисовата книга на рекорди со тежина од 4,5 кг, но некои медицински списанија изнесуваат податоци за бубрег отстранет од американски пациент со тежина од 9 кг и уште една операција во Холандија, со тежина од 8 , 7 кг.