Шоу биз

Хелен Мирен: Меланија ќе ја покаже својата мрачна словенска душа

Актерската легенда Хелен Мирен нема влакна на јазикот и отворено разговара за сите теми од модата, сексот, феминизмот до политиката.

Славната оскаровка, која неодамна го прослави својот 72-ти роденден, ја краси насловната страница на најновото издание на магазинот „Allure” за кој меѓу останатото зборуваше и за стареењето.

„Кога ќе го слушнеме зборот ’антиејџинг“ знаеме дека старееме. Сите сакаме да изгледаме и да се чувствуваме најдобро што можеме“ – изјави Хелен Мирен, која не сака да ја третираат како да има 72 години.

„Страшно се навредувам и навистина сум лута доколку луѓето со мене се однесуваат како да имам 72 години. Мразам кога луѓето стануваат и ми го препуштаат местото. Не, не и не! Не го сакам вашето место! – изјави легендарната актерка, која признава дека денеска и е појасно зошто додека била млада ја сметале за сексапил.

„Во моите дваесетти ми зборуваа дека сум секси. Бев тотално клише, руса коса, гради, струк, а тоа тогаш го мразев бидејќи не беше модерно. Тогаш во мода беа слаби со цигари облечени во црно, а јас никогаш не бев во таа категорија“ – изјави Хелен Мирен и додава дека за неа денес најсексапилни жени на светот се Џесика Честејн и Натали Портман, кои се многу интелигенти што според неа ги прави уште посексапилни.

Во интервјуто Хелен Мирен не бегаше ни од разговорите за политика, поточно за американското семејство Трамп.

Зборуваше и за познатата снимка во која Меланија ја оттурнува раката на својот сопруг, претседателот на САД.

„Го гледам тоа и си мислам таа е една од најмоќните жени на светот бидејќи може да го сруши. Тоа за малку ќе го направеше и тоа само со рака. Јасно му даде до знаење да не ја допира. Знаете, јас сум по потекло од Источна Европа, а ние имаме мрачни души. Ќе видите, таа мрачна словенска душа наскоро ќе се покаже“ – изјави Хелен Мирен, која беше многу поостра спрема ќерката на Трамп, Иванка и нејзината неодамна објавена книга „Women Who Work” (Жените кои работат).


„Нејзината книга нема никакви допирни точки со тоа како повеќето жени живеат, таа им советува да земат малку време за себе за да отидат на масажа. Ма, дајте ве молам“ – коментираше Хелен Мирен, која Трамп го нарече “диносаурус“.

Свет

Полскиот премиер Доналд Туск добил закана по атентатот врз Фицо

Полскиот премиер Доналд Туск денеска изјави дека добил закани по животот непосредно по атентатот врз словачкиот премиер Роберт Фицo.

Туск на платформата Х напиша дека вчера се случувале многу работи, а неговата објава содржи коментар објавен и на социјалната мрежа во кој се вели дека Словаците им дале пример на Полјаците што да прават со Туск доколку одлучи да не ја реализира инвестицијата на голем аеродром во централниот дел на земјата.

Полскиот веб-сајт Wp.pl денеска објави, повикувајќи се на извор од Државната служба за заштита, органот задолжен за заштита на важни личности во Полска, дека заштитата на Туск ќе биде зголемена по атентатот на Фицо, пренесуваат британските медиуми.

Врз Фицо вчера беше извршен атентат кога постар човек го застрела пет пати, по што премиерот беше опериран и сега е во стабилна состојба.

Атентатот врз Фицо предизвика бран од меѓународни осуди и повици за смирување на политичките тензии во Словачка.

Шоу биз

Том Круз на плажа без маица, докторите коментираат за еден детал (ФОТО)

Холивудскиот актер Том Круз деновиве беше на одмор на Мајорка, каде фотографите го снимиле  без маица.

Обожавателите забележаа дека торзото на славниот актер, иако дефинирано, се чини дека е „опуштено“, а некои сугерираат дека опуштената кожа укажува на тоа дека тој бил подложен на естетска хирургија како импланти или липосукција. Пластичните хирурзи и експертите за вежбање зборуваа за потенцијалните причини за изгледот на актерот за Дејли Меил и дека опуштената кожа би можела да биде резултат на липосукција, вели др. Дејвид Хил, пластичен хирург од Чикаго.

Липосукцијата е процедура која вклучува вшмукување на мали површини на масно ткиво од областите на телото каде што се акумулираат наслаги, како што се задникот, колковите, бутовите и стомакот. Вообичаено ако со текот на времето слабеете по природен пат, ќе остане помалку кожа бидејќи тоа е постепено“, вели д-р Хил, додавајќи дека со липосукција кожата нема време да се затегне.

„Не гледам знаци на неправилни контури на неговото тело што би укажале на лоша липосукција, но има зголемена дефиниција на мускулите, што е одраз на претходните фотографии од него кога бил помлад. Ако го правеле тоа, добро го правеле ," додаде.

Меѓутоа, Хауард Собел, хирург по естетска дерматологија во болницата Ленокс Хил во Њујорк, тврди дека не може со сигурност да се каже дали Круз имал липосукција. Опуштената кожа што ја гледаме на сликите, вели тој, е само природен знак на стареење. „Се очекува секој 61-годишен маж да има лабава кожа бидејќи како што старееме, ја губиме еластичноста на кожата“, објасни тој.

„Пределот на градниот кош и пределот под градите, кожата околу ребрата и стомакот многу често први ја губат еластичноста, особено кај мажите“, вели тој. Тој додава дека опуштената кожа е компликација која обично се забележува само кај пациенти кои треба да изгубат многу маснотии, што не е случај со Том Круз.

Круз отсекогаш правел сѐ што може за да го одржи здравиот начин на живот и фигурата, а претходно откри кои физички активности ги користи за да го одржува својот изглед. „Кајак, спелеонирање, мечување, неблагодарна работа, тегови, качување по карпи, планинарење, трчање... Правам толку многу активности“, изјавил тој претходно за Men's Health.

Свет

Белгискиот премиер тужи новинар, кој повикал на негово убиство

Белгискиот премиер Александар Де Кро поднел жалба против новинар од радио кој вчера повикал на негово убиство, објави портпаролот на премиерот Баренд Лејтс.

„Александар Де Кро поднел жалба против водителот кој повикал да биде застрелан“, објави денеска на социјалната мрежа X портпаролот Баренд Лејтс.

Водителот на локалната радио станица Варегем1 вчеравечер се јави за време на неговата емисија за убиство на белгискиот премиер по обидот за атентат врз словачкиот премиер Роберт Фицо.

„Изгледа дека ќе се извлече. Виновникот е уапсен“, изјави водителот чие име белгиските медиуми не го спомнаа за обидот за атентат врз словачкиот премиер.

„На сите оние кои размислуваат да го застрелаат премиерот Алексндар Де Кро, но не се осмелуваат поради обезбедувањето околу него, би им рекол - видете дека тоа е можно. Дури би рекол - напред“, продолжил водителот.

Белгиските медиуми јавуваат дека оваа „несолена шега шокираше многу слушатели“.

Шефот на радио станицата Лудо Даелман изјавил дека се работи за лоша шега, која била лошо протолкувана и тврди дека водителот немал намера да поттикнува насилство.

"Разговарав со него и тој беше шокиран што неговите изјави се толкуваат на тој начин. На крајот на краиштата, комичарите постојано се шегуваат на тој начин", рекол Даелман, а пренесува весникот HLN.

притисни ентер