Формула

Хамилтон: До крајот на сезоната ќе ми обели косата

Луис Хамилтон, актуелниот светски шампион во Формула 1, верува дека Ред Бул на следните трки може да биде дури и побрз од неговиот Мерцедес.

Хамилтон славеше на првата трка сезонава во Бахреин, но со многу среќа бидејќи Макс Верстапен од Ред Бул беше побрз во квалификациите и во поголемиот дел од трката. За Мерцедес ова е прв пат во последните осум години да изгуби пол позиција на првата трка од сезоната.

Британскиот возач ја најави една од највозбудливите сезони во последните неколку години. Последен пат Хамилтон имаше вистински ривал во борбата за титулата во 2016 година, а тоа беше во тоа време неговиот тимски колега Нико Розберг.

"Многу сум возбуден и пресреќен со навивачите, среќен сум што сите се возбудени од борбата за титулата. Мислам дека тоа е нешто што навивачите го посакуваа долго време. Со брзината што ја има Ред Бул, може да биде уште повеќе пред нас, но ќе работиме напорно за да се обидеме да останеме близу до него во таа борба “, рече Хамилтон, најавувајќи големи дуели со Верстапен и тимскиот колега Валтери Ботас.

"Се надевам дека ќе имам многу неизвесни трки со Макс и Валтери. Има многу трки до крајот, дури 22! Ќе ми обели косата до крајот на оваа сезона ..."

Фудбал

Модриќ и Начо се изедначија со Бензема и Марсело по бројот на трофеите со Реал Мадрид

Лука Модриќ и Начо се изедначија за најмногу трофеи во историјата на Реал Мадрид со клупските легенди Карим Бензема и Марсело. Хрватскиот играч за врска и шпанскиот дефанзивец синоќа го освоија 25-от триумф во Примера.

Даниел Карвахал веќе има 24 награди со тимот на „кралевите“, а тој, Модриќ и Начо имаат шанса да додадат уште еден вреден трофеј пред крајот на сезоната. Во среда на стадионот „Сантијаго Бернабеу“ претстои полуфиналниот реванш во Лигата на шампионите со Баерн Минхен, откако „белиот балет“ ремизираше 2:2 на првиот меч во Баварија. Друга славна личност во белиот дрес - Тони Крос - има 22 трофеи.

Самиот Модриќ уште еднаш испиша историја за Мадрид со тоа што стана најстариот играч за „Лос Бланкос“ во лигашки натпревар во победата од 3-0 над Кадиз со 38 години и 238 дена, со што го надмина претходниот рекорд на Ференц Пушкаш од 38 години и 233 дена.

На социјалните мрежи кружи уште еден љубопитен факт за хрватската легенда на Реал - на 27 години го напушти Тотенхем со 0 трофеи во колекцијата, додека сега, 12 години подоцна, веќе има 25 со Мадрид.

Македонија

Мицкоски: Христовото Воскресение е многу значаен ден, да се обединиме, да се сплотиме..

Христовото Воскресение е многу значаен ден, да се обединиме, да се сплотиме како народ и како нација.

Ќе ми дозволите да го честитам на сите православни христијани овој голем ден, значаен дел, Христовото Воскресение. И да им посакам хармонија, спокој, ним и на нивните семејства.

Истото сакам да го посакам на сите граѓани во Македонија, насекаде во светот без разлика на верската припадност.

За нас православните христијани Христовото Воскресение е многу значаен ден и во име на тоа дозволете денеска да уживаме во мирот, во спокојот.

И да се обединиме, да се сплотиме бидејќи како народ и како нација тоа ни е потребно во деновите, месеците, и годините кои што следат.

Христијан Мицкоски, претседател на ВМРО-ДПМНЕ

Центар за комуникации на ВМРО-ДПМНЕ

Фудбал

Чави по поразот од Жирона: Можеби ни недостасува зрелост

Тренерот на Барселона, Чави Ернандез даде свое мислење по вчерашниот натпревар против Жирона. Барса го загуби каталонското дерби со 2-4 и на тој начин Реал Мадрид ја обезбеди титулата во Ла Лига на четири кола до крајот.

-Ја загубивме контролата врз играта поради огромните грешки, кои се неприфатливи на ова ниво. Вакви работи се случуваат цела сезона и не чинат вредни бодови. Можевме да победиме, но грешките што ги направивме се покажаа како одлучувачки. Ни недостигаше ефикасност и во нападот, а тешко е да се добиваат такви натпревари. Мораме да промениме многу работи за да се бориме за титулата следната сезона. Можеби ни недостига зрелост. Повеќето од нашите играчи се доста млади. Ќе ги донесеме вистинските заклучоци и ќе ги исправиме нашите слабости, нагласи Чави по мечот.

Тој му честиташе на Реал Мадрид за титулата.

-Собраа најмногу бодови и затоа се шампиони, додаде тренерот на Барселона.