Живот

Гуан Пабло Ескобар: Татко ми не е херој или пример за успешен човек

 Хуан Пабло Ескобар, познат и како Себастијан Марокин, е писател, архитект, дизајнер, предавач, но и син на еден од своевремено најбараните од силите на редот и Законот и најбогатите луѓе во светот, Пабло Ескобар. 

Во дијалог со слушателите Хуан зборува за своето животно искуство, за раното детство исполнето со моќ и изобилство од најсурово насилство.

- Без сомнение, презимето Ескобар носи многу негативна конотација поради насилните постапки на татко ми во минатото. Меѓутоа, денес, и секој ден последниве 30 години, се будев бирајќи мир. Затоа верувам дека оваа приказна, и покрај нејзиниот огромен мрачен товар, може да ни донесе многу позитивни лекции. Имав необична привилегија да бидам син на Пабло Ескобар. Тој ми беше одличен татко. Имам илјадници писма што ми ги напиша давајќи ми разни совети коишто ме охрабруваа да се образувам, да бидам добар човек, да останам далеку од сè што е лошо, вели синот.

Неговиот татко, Пабло Ескобар, некогаш седмиот најбогат човек на светот, е инспирација за бројни книги, филмови, сапунски опери, цртани... Сепак, Ескобар - синот вели дека не е љубител на продукции засновани на ликот и делото на неговиот татко.

- Она што не го прифаќам е тоа што ваквите емисии често го прикажуваат како херој, а тоа може да ги збуни младите луѓе, и тие да мислат дека неговите активности се рецепт за успех, појасни Хуан Пабло.

Посетувајќи досега над 40 земји во светот, тој говори за добрите и лошите страни на татко сѝ, а едно од позанимливите негови јавни настапи е она со Хорхе Лара - син на министерот за правда Родриго Лара Бониља, чие убиство го нарачал Пабло Ескобар.

- Не можам да мразам личност која претрпела последици од една земја, рече тогаш Лара, мислејќи на Хуан Пабло.

Ескобар синот, пак, вели дека лично разговарал со околу 150 семејства - жртви на насилството на неговиот татко.

- Не сум сретнал некој кој го одбил моето барање прошка во име на татко ми. Ова ме охрабрува да верувам дека мирот не е утопија и дека навистина може да се постигне, вели Хуан Пабло.

Тој потсети дека лично сè уште трпи последици од криминалното минато на својот неславен татко.

- Чекам 14 години и не можам да се вратам во Колумбија и да ги посетам жртвите на татко ми. Сè уште сум во егзил, но и покрај сè, горд сум што избегнав да станам „помладата верзија“ на татко ми, додаде Хуан Пабло.

И книгата на Хуан - „Мојот татко Пабло Ескобар“ раскажува за нивните животи, сосе сите сложени односи што синот ги има со неговата мајка и сестра сѝ. /МИА

Македонија

Сообраќајот се одвива непречено, по претежно влажни коловози

Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

СЕЗОНСКИ РЕЖИМ НА СООБРАЌАЈ: Патниот правец Охрид – Ресен, преку националниот парк Галичица од 01.04.2024 е пуштен за сообраќај за сите видови возила со вкупна тежина до 3.5 тони.

РАБОТИ НА ПАТ:

Времена измена на режим на сообраќај на регионален пат Р1101 делница Прилеп - Битола заради интезивирање на градежни активности во врска со проект "Санација на трупот на патот кај мост на река Шемница на Државен пат Р1101 км 85+903, делница Прилеп - Битола", и тоа од 27.03.2024 ќе има целосно затворање на делницата.

На 26.03.2024 година од 14.15 часот извршена е времена измена на режимот на сообраќајот на делницата од автопатот 300м после надвозник „Маџари“ до клучка „Белви“ за време на поправка и рехабилитација на државен пат А1/А2 делница Скопје-Куманово (десна коловозна лента) каде што со ветикална сообраќајна сигнализација во должина од 200м сообраќајот се канализира и успорува од левата (за претекнување) сообраќајна лента во средната (за возење) сообраќајна лента за да потоа во должина од 1500м целиот сообраќај ќе се одвива по сообраќајната лента за претекнување (левата), а средната и сообраќајната лента за принудно запирање ќе бидат затворени за сообраќај.

Од 18.03.2024 г. има измена на режимот на сообраќај на државниот пат Р1101, делница Прилеп – Битола, заради интезивирање на градежните активности во врска со проект Санација на патот, кај мост на река Шемница.

Започнувајќи од 11.12.2023 год. ќе биде изменет режимот на сообраќај на магистралниот пат A3, делница Прилеп - Битола поради изведување на геотехнички истражувања на коловозот. Времениот режим на сообраќај ќе се одвива согласно одобрен сообраќаен проект. Времениот режим на сообраќај е со важност од 6 месеци, односно се до завршување на градежните работи.

Започнувајќи од 05.12.2023 год. е изменет режимот на сообраќај на државен пат A2, делница Тетово - Гостивар во двата правци на движење поради изведување на геотехнички истражувања на коловозот. Времениот режим на сообраќај ќе се одвива согласно одобрен сообраќаен проект. Времениот режим на сообраќај е со важност од 6 месеци, односно се до завршување на градежните.

Oд 24.11.2023 година од 16:00 часот режимот на сообраќајот на делницата од автопатот А-1, Куманово – ГП „Табановце“поточно кл.Куманово-кл.Кр.Паланка, десната сообраќајна лента за присилно запирање и застанување ќе биде затворена за сообраќај во должина од 500м, додека сообраќајот ќе се одвива по сообраќајната лента за возење и претекнување.

ГД Гранит АД Скопје известува дека согласно ново издаденото одобрение за времен режим на сообраќај поради изведување на градежни работи на Автопат А4, делница ГП "Блаце" - Скопје (клучка "Стенковец") Подделница 1 – од 08.11.2023 г. постоечкиот локален пат до с. Блаце од магистраниот пат А4 пред граничниот премин ќе биде затворен, а пристапот до с.Блаце ќе биде обезбеден по привремен пат пред граничниот премин, согласно поставената сообраќајна сигнализација. Останува и претходно воспоставениот времен режим на сообраќај согласно кој на 2 км пред граничниот премин "Блаце" на местото на изведување на градежните работи сообраќајот се одвива по двонасочен режим на сообраќај (со два нови кружни тека) и поставена соодветна сообраќајна сигнализација.

На 07.11.2023 година од 13:00 ч. извршена е времена измена на режимот на сообраќајот на делницата од Автопат А1, Пeтровец – Катланово - рехабилитација со проширување на автопатот А1 (лево и десно коловозот во двата правца) во должина од 6000 м, сообраќајот ќе се одвива по новоизградената коловозна лента (Катланово - Петровец) двонасочно, со вертикално поставена сигнализација, додека коловозната лента Петровец - Катланово ќе биде затворена за сообраќај.

Oд 24.10.2023 година ќе се започне со реконструкција на регионалниот пат 1301 (Охрид-Свети Наум). Сообраќајот ќе се одвива непречено и ќе биде регулиран со содветна сообраќајна сигнализација.

ГД Гранит АД Скопје известува дека согласно издаденото одобрение за времен режим на сообраќај на Автопат А4, делница ГП "Блаце" - Скопје (клучка "Стенковец") Подделница 1 - проширување на постоен пат А4 од ГП "Блаце" до с. Блаце до ниво на автопат и изградба на дел од автопат со клучка за поврзување со локален пат до с. Блаце, на 2км пред Граничниот Премин "Блаце" од 06.10.2022 г. на местото на изведување на градежните работи се одвива нов времен двонасочен режим на сообраќај (со два нови кружни тека) со поставена соодветна соорбаќајна сигнализација. Сообраќајот се одвива континуирано без застој. Препорака до возачите за прилагодена брзина на движење и почитување на поставената сообраќајна сигнализација.

Oд 11.9.2023 г. воспоставен е времен режим на сообраќај во тунелот на патниот правец Блаце – Скопје, поради изведување на градежни работи – санација на тунелот. Поставена е светлосна сигнализација со наизменично пропуштање на возилата.

БИОН ДОО Тетово известува дека од 20.05.2023 година на патниот правец "Државен пат А3, делница: Буково - Охрид, подделница Буково - влез во Охрид" ќе има измена на времениот режим на сообраќај поради изведување работи што се предвидени на објектот "Поставување на сообраќајна сигнализација и опрема на државен пат А3, делница Буково - Охрид, подделница Буково - влез во Охрид". Режимот ќе биде според сообраќајниот проект. Работите на објектот се предвидени да завршат на 29.02.2024.

Од 14.06.2023 година почнува проектот „Санација на трупот на патот Р1303, делница Македонски Брод – Прилеп, премин Барбаpос. Сообраќајот на овој патен правец ќе се одвива непречено со ограничување на максимална брзина до 30 км/час.

Поради изведување на градежни работи (реконструкција на коловозот) на патниот правец Подмоље – Охрид на магистралниот пат А3, сообраќајот ке биде пренасочен преку регионалниот пат Р-1208. Работите започнуваат на 09.6.2023 г., а на местото ќе биде поставена соодветна сообраќајна сигнализација.

Почнувајќи од 06.03.2023 г., на автопатот А1, делница Петровец – Катланово, започнуваат градежни активности поради што има изменет режим на движење на возилата. Сообраќајот се одвива непречено и се препорачува внимателно пристапување.

Поради изведување на работи на експресниот пат од Градско до Дреново на државен пат А1, делница Велес-Неготино, ќе се применува времена измена на режим на сообраќај. Времениот режим ќе се применува во двата правци на автопат Е-75. Сообраќајот ќе се одвива непречено, со брзина од V=80km/h во зона на градилиште. Режимот ќе се применува се до целосна изградба на новата клучка Градско.

На патниот правец Градско - Прилеп се изведуваат градежни активности и затоа препорачуваме внимателно возење и прилагодена брзина на движење.

На патниот правец Кичево - Охрид, поради градежни работи на повеќе делници, сообраќајот се одвива со девијации. Поставена е соодветна сообраќајна сигнализација и затоа препорачуваме строго почитување на истата и прилагодена брзина на движење.

Авто мото сојуз на Македонија

Регион

Вучиќ се поклони пред споменикот на деветтемина млади,кои лани загинаа во масакр во Мало Орашје

Претседателот на Република Србија Александар Вучиќ положи цвеќе во спомен-паркот во Мало Орашје на местото на убиството на Немања Стевановиќ, Лазар Миловановиќ, Марко Митровиќ, Александар Миловановиќ, Никола Милиќ и Петар Митровиќ.

„Со најдлабока почит им оддавам почит на невините жртви на бесмислениот поход кој зад себе остави очај, тага и пустош. Како родител чувствувам огромна болка за изгубените животи и го споделувам страдањето на семејствата кои останаа без нивното највредно богатство, без нивните деца, ветувам дека државата нема да дозволи криминалот да остане неказнет, ​​победата на злото над правдата и злосторствата над човештвото, напиша претседателот Вучиќ на својот официјален Инстаграм.

Да потсетиме, во селата кај Младеновац и Смедерево, на 4 мај пред една година се случи масакр во кој загинаа девет лица, а 12 беа ранети, главно млади луѓе. Две жртви на Урош Блажиќ биле малолетни. Најмладиот имал 14, а најстариот 25 години. Некои од ранетите се уште не се целосно закрепнати, а еден од нив претрпел трајни последици - квадриплегија и останал целосно неподвижен, објави Телеграф.

Свет

Најмалку 14 лица загинаа во поплавите во Индонезија (ВИДЕО)

Најмалку 14 лица загинаа во поплави и одрони на индонезискиот остров Сулавеси, соопштија денеска локалните власти.

Силниот дожд што паѓа во областа од четвртокот предизвика лизгање на земјиштето во провинцијата Јужен Сулавеси, а беа погодени повеќе од 1.000 куќи, од кои 42 целосно се урнаа.

Екипите за пребарување и спасување ги евакуираат жителите со гумени чамци, изјави портпаролот на Националната агенција за управување со катастрофи, Абдул Мухари.

притисни ентер