Тие не настапиле заедно повеќе од 30 години, но сега се враќаат пред своите фанови. Не се знае точно во каква форма ќе биде новото шоу на Агнета Фалтског (66), Бјорн Улваеус (71), Бени Андерсон (69) и Ани Фрид Лингстад (70), но тоа ќе биде еден вид на поврзување на виртуелна реалност со вештачката интелигенција, што ќе им овозможи на фановите интеракција со легендарниот диско звук на бендот - пишува „Woman`s day“.
Сето тоа ќе се развива во соработка со музичкиот менаџер Сајмон Фулер кој е заслужен за славата која во `90-те ја постигнаа „Spice Girls“.
- Истражуваме нов технолошки свет кој ќе ни овозможи да креираме нови форми на забава и содржини кои претходно сме ги замислувале - вели Фулер.
Ани Фрид Лингстад изјави дека фановите од целиот свет прашуваат дали групата повторно ќе се обедини.
- Инспирирани сме од безграничните можности што ги содржи иднината и среќни сме што сме дел од создавањето на нешто ново и драматично. Временска машина која ја содржи суштината која бевме и сеуште сме - вели таа.
Хитовите на шведскиот бенд не губат од актуелност - никој не може да ги заборави „Waterloo“ , „S.O.S.“ и легендарната „Mamma Mia“ која инспирираше мјузикли на многу театарски сцени....
Ова е нивниот „заразен“ ритам: