Македонија

Граѓани се жалат дека во некои продавници вработените не носат заштитни маски и ракавици

Претставките се доставени и по нив постапуваат инспекциските служби на АХВ.

До Одделението за заштита на потрошувачите при Агенција за храна и ветеринарство (АХВ) последните три дена се поднесени девет претставки чии наводи се однесуваат на актуелната состојба со корона вирусот и непочитувањето на некои од донесените мерки на Владата.

Како што велат од АХВ за МИА, потрошувачите во претставките алармираат дека во некои продавници вработените не носат заштитни маски и ракавици, не го ограничуваат влезот на потрошувачи во продавниците, не спроведуваат добри хигиенски пракси, несоодветно и нехигиенски ја вршат дистрибуцијата на леб, а алармираат и за продажба на производи со поминат рок на употреба.

Претставките се доставени и по нив постапуваат инспекциските служби на АХВ.

-Имаме доволен број инспектори за навремено спроведување на редовните и засилените инспекциски контроли. Како одговорна институција за безбедноста на храната до граѓаните упатуваме апел да купуваат храна исклучиво во објекти кои се регистрирани и одобрени од страна на Агенцијата за храна и ветеринарство и кои ги исполнуваат условите за хигиена дефинирани со Законот за безбедност на храната и прописите кои произлегуваат од него, да внимаваат на личната хигиена и да ги почитуваат мерките за заштита од вирусот КОВИД 19. Операторите со храна, пак, да одржуваат високо ниво на хигиена во објектите за производство и продажба на храна, на транспортните средства и да вршат нивна редовна дезинфекција, истакнуваат од АХВ.

До Одделението за заштита на потрошувачите при Агенција за храна и ветеринарство од почетокот на годинава до денес се поднесени вкупно 94 претставки. /МИА

Шоу биз

Софија Вергара откри што мисли за пластичните операции: Ќе направам се што ќе ми падне на памет

Таа исто така призна дека до сега ќе оперирала многу ситници на себе да не бил нејзиниот напорен распоред како актерка.

Софија Вергара отворено проговори за пластичната хирургија и откри дека планира да ја направи секоја процедура што ќе и текне.

Ѕвездата од „ Modern Family“ изјави дека сè уште не поминала под нож, но наскоро планира да оди кај хирург.

- Ќе направам секоја пластична операција што ќе ми падне на ум кога ќе почувствувам дека сум подготвена - изјавила актерката за списанието „Allure“.

Признала и дека до сега ќе оперирала многу ситници на себе да не бил нејзиниот напорен распоред како актерка.

- Посакувам да имав повеќе време за такви работи, одамна ќе бев оперирана, но не можам да си дозволам да се опоравам неколку недели поради природата на мојата работа - додаде таа.

Признала и дека е голем љубител на ботоксот, но не сака импланти. Смета дека на нејзини години тоа нема смисла.

Извор: Аваз

Технологија

Дали GTA VI доаѓа на компјутер?

Што велат креаторите?

„GTA 6“ е една од ретките игри што ја заобиколува платформата за компјутер.

Тоа не е ништо ново, бидејќи сите „GTA“ игри во последните 23 години беа објавени прво на конзоли, а дури подоцна на компјутер.

Иако се верува дека тоа ќе биде случај со „GTA 6“, „Rockstar“ не сака да го потврди тоа, па даваат малку чудни објаснувања од матичната компанија „Take-Two Interactive“.

Еве што имаше да каже шефот на издавачката куќа на неодамнешната конференција:

„Гледајте, би рекол дека немањето најава не е нешто што е врежано во камен, затоа што единственото нешто што може да се случи по изоставуање на најавата е самата најава. Или продожљување на непостоењето на најавата, верувам дека и тоа може да се случи“.

„Не ми се чини дека ништо од тоа е врежано во камен. Но, „Rockstar“ има пристап до платформи какви што сме виделе претходно и ќе има повеќе најави во догледно време. Верувам дека вистинската стратегија за нашиот бизнис е да бидеме таму каде што потрошувачите се, и ние секогаш сме ги прифаќале сите места каде што се, на секоја платформа каде што има смисла, одредено време“, додаде тој.

Отприлика - ќе има верзија за компјутер, но се уште не сакаат да признаат.

Извор: Б92

Автомобилизам

Светска премиера: „VW Golf GTI Clubsport“

„Volkswagen“ ја претстави новата, подобрена „Clubsport“ верзија на моделот „GTI“.

Овој автомобил има 2.0-литарски четирицилиндричен мотор кој испорачува 296 КС и е еден од најмоќните автомобили со погон на предните тркала на пазарот во моментов.

Максималниот вртежен момент е 400 Nm, а „100“ достигнува за 5,6 секунди - тоа е само 0,2 секунди побавно од конкурентната „Honda Civic Type R“.

Максималната брзина на „Clubsport“ е 267 km/h во пакетот „Race“, а стандардно 250 km/h. Остана без мануелен менувач, па сега има само седумстепен автоматски. Воопшто не постои рачна опција.

Овој модел се одликува со нов софтверски пакет, а како и претходната „Clubsport“, оваа верзија е малку пониска од стандардната „GTI“.

Што се однесува до надворешноста, предниот браник е уникатен, а има и огромен заден спојлер. Значката „VW“ е осветлена, додека фаровите се редизајнирани и може да се вградат со „VW IQ Light LED“ светилки.

Внатрешноста е збогатена со 12,9-инчен инфозабавен систем и 10,2-инчен дигитален инструмент табла, кој работи на најновата верзија на оперативниот систем „MIB“ на германскиот бренд.

Извор: Б92

притисни ентер