Во неделата во руската престолнина се регистрирани 7.704 нови случаи, што е најголем број за еден ден од 24 декември. Имало 14.723 инфекции на национално ниво, што е најголем дневен број од 13 февруари.
Градоначалникот Сергеј Собјанин рече дека денеска, бројот на случаи ќе биде поголем од 9000, односно најголем број евидентиран во Москва од почетокот на пандемијата. Во тој град, до почетокот на јуни, бројот на нови дневни случаи бил генерално под 3.000.
"Пристигна новата мутација, нов сој. Таа е поагресивна, потешко е да се опорави од неа, се шири побрзо", рече Собјанин, цитиран од Ројтерс.
"Оваа динамика е сосема неочекувана со оглед на тоа што повеќе од 60% од граѓаните на Москва или се заразиле со коронавирус или биле вакцинирани. Значи, не очекувавме зголемување на бројот на случаи, туку намалување", додаде тој.
Шефот на Службата за заштита, кој исто така бил на состанокот, рече дека бројот на случаи со коронавирус кои се припишуваат на делта варијантата, која за прв пат е идентификувана во Индија, значително се зголемува низ целата земја.