Случајот бил пријавен во полиција, а заканувачот е уапсен и се товари со кривично дело загрозување на сигурноста, велат од МВР за Канал 5 ТВ. Од денеска општината, поради безбедносни причини е под клуч и нема да им биде на располагање на граѓаните, а до кога вратите ќе бидат затворени во соопштението не е наведено... Канал 5 се обиде да добие повеќе одговори од градоначалникот Ибраими, но тој не одговори на нашите повици...
-Од безбедносни причини општинската управа нема да работи од 25.05.2023 година(четврток) до нова одлука за која навремено ќе бидете информирани. Втор пат е нарушена безбедноста на на вработените во општинската администрација и на градоначалникот, па таквата одлука и против наша волја и желба беше неизбежна – Стои во соопштението на општината.
Политичките конфликти во општината не смеат да го загрозуваат живеењето на граѓаните, упати остра критика министерот Спасовски, велејќи дека станува збор за нерасчистени сметки кои немаат врска со општината...
-Сите тие работи кои што се случуваат во Арачиново, се работи кои што мора да си ги расчистуваат меѓу себе, зошто? Затоа што меѓусебните конфликти лица кои што ги имаат од иста политичка проминенција, лица со исти интереси и т.н. - Тие должничко доверителски односи кои што ги имаат, внатре, во наводници би рекол должничко доверителски односи од секаков аспект со тоа што располагаме како полиција ќе мора да ги расчистат и да покажат дека приоритет се граѓаните на Арачиново, мене ми е жал што се враќа повторно општината во некое време во кое што немаше никаква функционалност и не се решаваат ниту еден од проблемите кои што се на граѓаните...
Градоначалникот Ибраими и лани во септември пријави во полиција дека бил физички нападнат од неколку лица, тврдејќи дека напаѓачите биле предводени од член на семејството на поранешниот градоначалник Ајвази, бидејќи, како што тогаш изјави не ги реализирал нивните лични и деловни барања да поставува директори на основни училишта без никакви законски критериуми...