Според него предвидените се сите процедури што треба да се преземе дури и при појава на покачена телесна температура кој некое дете во градинката. Според Филипче со овие процедури приоритет е зачувувањето на здравјето на децата.

„На последниот состанок на Комисијата за заразни болести зборувавме и за алгоритмот како би постапувале кога би се појавило некое дете со покачена телесна температура. Во таа смисла, имавме заеднички состанок со сите директори на Центрите за јавно здравје во државата. Да се знае како ќе биде комуникацијата помеѓу градинката, центарот за јавно здравје, матичниот педијатар и како ќе се известуваат и по кој алгоритам и кои родители, на кои деца во истата група или на другите, согласно проценетиот ризик од епидемиологот. Така да, сме размислиле и сме дискутирале и расчистиле дилемите за сите аспекти во однос на почетокот на работата на градинките.- Венко Филипче министер за здравство

Според министерот за здравство Филипче останува уште само на владина седница да се донесе соодветна одлука по предлог на Министерството за труд за точниот датум за почеток на работат за кој смета дека ќе биде во септември. За почетокот на училишната година, Филипче истакна дека комбинираниот модел е засега решение со кое би се избегнало сценариото на заболени деца. Целта е сите ученици да бидат во училниците, заради тоа што физичкото присуство со предавањата нема алтернатива. Он лајн наставата е само една можност а враќањето во училишните клупи се планира да се прави постепено. За одвивање на онлајн настава од Финки има најава дека се работи на платформа наменета за 300 илјади корисници која очекуваат да биде готова до 15 септември. Оваа унифицирана национална платформа предвидено е да има двонасочна комуникација, наставниците лесно ќе можат да држат онлајн час, да објавуваат наставни материјали и да поставуваат домашни задачи. Преку оваа платформа ќе може да се следи настава и од мобилен телефон но за да се напише домашна, полесно да се чита и да се решаваат тестови ќе биде потребен наједноставен компјутер без некои големи карактеристики.