Голем скок на УКЛО-Битола на ранг листата на универзитетите во Европа

Универзитетот „Св. Климент Охридски“ (УКЛО) - Битола на последното рангирање на Вебометрикс,  светски призната ранг-листа на универзитети, забележа скок од 1.137 места на светско ново. 

Во изјава за МИА, ректорот на УКЛО, проф. д-р Игор Неделковски, истакна дека со видливото искачување за близу илјада и двете места, УКЛО е веќе во првите 20 отсто рангирани универзитети во Европа, односно на 1.114 место од вкупно 6.008 европски универзитети.

-Универзитетот „Св. Климент Охридски“ со новото рангирање е и меѓу првите 12 отсто рангирани универзитети во светот или на 3.569 место од 32.018 вкупно рангирани високо образовни и научни установи во светот. Затоа со големо задоволство сакам да кажам дека во период помеѓу две рангирања УКЛО бележи исклучителен успех на единствените две ранг-листи кои се композитни, бесплатни и ги рангираат сите универзитети од Македонија. Имено, УКЛО се издвојува како второ рангиран според „ЕДУранк“ ранг-листата која покрај научната ја вреднува и едукативната компонента на универзитетот и трето рангиран според Вебометрикс каде се вреднува исклучиво научната компонента, со акцент на научната извонредност. Посебно радува фактот што според критериумот Impact на Webometrics што го мери влијанието во општеството преку реализирани активности и објави на Интернет УКЛО е прво рангиран во државата, истакна ректорот Неделковски.

Големиот скок во рангирањето на УКЛО за раководството на битолскиот Универзитет е големо постигнување и ќе внесе нови импути во развојноста, бидејќи во минатото, УКЛО на конкретните ранг листи беше седмо, па петто рангиран македонски универзитет, посочија од УКЛО-Битола.

Алегри прв тренер кој освоил 1000+ бодови во Серија А

Предводникот на Јувентус, Масимилијано Алегри е првиот тренер кој стигнал до повеќе од 1.000 бода во Серија А.

Јувентус денес на домашен терен славеше над Фросиноне (3:2) во 26. коло од Италијанското фудбалско првенство.

Ова е 301. победа на Алегри на турнирот, со 99 нерешени и 96 порази. Тој има 1.002 бода во Серија А.

Да потсетиме дека Серија А започна во сезоната 1929/30. Пред сезоната 1994/95 во Италија за победа се доделуваа 2 бода, а оттогаш по три.

Масимилијано претходно беше тренер на Каљари, Милан, Сасуоло и Удинезе. /МИА

Украинскиот премиер побара од САД економска помош во износ од 11,8 милијарди долари оваа година

Украина очекува да добие 11,8 милијарди американски долари економска поддршка оваа година, изјави денеска нејзиниот премиер Денис Шмигал.

Киев се соочува со буџетски недостиг од 37 милијарди долари во 2024 година поради двегодишната руска инвазија и се потпира на западните партнери за оваа витална помош.

Шмигал изрази надеж на форумот во Киев по повод втората годишнина од руската инвазија дека американските пратеници ќе ја одобрат долгоочекуваната економска и воена помош.

„Длабоко сме убедени дека САД нема да ја напуштат Украина“, рече тој, мислејќи на помошта од 60 милијарди долари што со месеци беше блокирана во американскиот Конгрес. /МИА

Абас го повтори своето противење на плановите на Израел за операција во Рафа

Абас денеска во разговор со јорданскиот крал Абдула Втори во Аман изјави дека се противи на израелските планови за воена операција во Рафа.

Претседателот на палестинската управа Махмуд Абас денеска во разговор со јорданскиот крал Абдула Втори во Аман изјави дека се противи на израелските планови за воена операција во Рафа, најјужниот град во Појасот Газа, каде што има повеќе од милион Палестинци.

Повеќето од тие Палестинци заминале во Рафа бегајќи од борбите во другите делови на енклавата, објавија медиумите на арапски јазик.

Абас и јорданскиот крал разговараа за последните случувања во војната меѓу Израел и Хамас во Газа, како и за напорите за зголемување на количината на хуманитарна помош за Палестинците во енклавата, особено нејзиниот северен дел.

Во разговорот беше истакната потребата да се дозволи слобода на вероисповед за Палестинците во џамијата Ал Акса за време на претстојниот Рамазан, откако минатата недела беше објавено дека израелската влада размислува да го ограничи бројот на луѓе на кои ќе им се дозволи да влезат, објави Тајмс оф Израел. /МИА

притисни ентер