Македонија

Ѓоргиев и Димитров се соочија за Гоце Делчев на ТВ гостување

Со умерен оптимизам, но и со очекувања другата страна да го направи неопходниот исчекор, жешката тема Гоце Делчев попладнево е на маса пред мешовитата македонско- бугарска комисија во Софија.

И двете страни признаваат дека седмата средба во низа ја почнуваат со сериозни разидувања. Тоа предводниците на тимовите, Димитров и Ѓоргиев го изложија и во синоќешното соочувањето на Бугарската национална телевизија. За Димитров идентитетот на револуционерот е веќе затворено прашања, за македонскиот колега пак, тема што воопшто не треба да се отвора.

-Има ли место за спор околу ликот и делото на Делчев? Според мене нема, затоа што ние не определивме што бил Гоце Делчев, тој самиот се определил. А, тој се самоопределил како Бугарин? Така е, а сега работа на историчарите е да утврдуваат нешто, а тоа да биде појдовната точка за разбирање на процесите. Нашата желба е да го разгледуваме Гоце Делчев како обединувачка личност од општата историја во контекст на неговото историско време. , изјави Ангел Димитров, претседател на бугарскиот тим од комисијата.

-Работа на Комисијата не е да го утврди идентитетот на Делчев, туку да утврди кои се вредностите на Делчев, кои го прават личност да биде заеднички чествувана. Околу идентитетот на Делчев, во двете историографии секогаш ќе постојат разидувања, барем во догледно време. Сметам дека ќе продолжат тие несогласувања. , вели Драги Ѓоргиев претседател на тимот од македонската комисија.

Вчера на дневен ред пред Комисијата се најдоа спорните делови од бугарските учебници по историја за шесто одделение, кои го опфаќаат доцниот средновековен период. И Ѓорѓиев и Димитров различно го перцепираат напредокот по ова прашање.

-Успеавме да утврдиме неколку генерални препораки, на кои треба да се внимава при пишувањето на учебниците, вели Ѓоргиев.

-Всушност за никакви теми не сме постигнале согласност. Се согласивме за три најопшти точки, а не за нешто поконкретно, вели Димитров.

Во интервјуто, и двајцата историчари изложија различни ставови околу темпото на разговорите. Според Димитров средбите се многу ретки и недоволни. Според Ѓоргиев, пак, интензивирањето на разговорите ќе донесе контрапродуктивност.

Регион

Додик: Ќе побарам од Србија и Вучиќ поддршка за разидување на Република Српска од БиХ

Претседателот на Република Српска Милорад Додик синоќа изјави дека ќе побара од Србија да разбере дека Република Српска мора да оди по патот на одвојување од Босна и Херцеговина, поради Резолуцијата за Сребреница.

Додик рече дека, без разлика што резолуцијата на Генералното собрание на ОН не е обврзувачка, таа ќе биде отфрлена бидејќи нејзината содржина бидејќи ја сметаат за политички мотивирана. Да се биде политички мотивиран на овој начин не придонесува за стабилизација на односите во Босна и Херцеговина, особено за стабилизација и нормализирање на бошњачкиот и српскиот народ, изјави Додик за сараевската телевизија „Фејс“.

„Мислам дека Вучиќ работи добро, дека е одговорен државник на Србија и дека го разбира контекстот во кој секоја осуда на српскиот народ ја затвора можноста за некои идни развојни позиции на самиот народ“, рече Додик.

Претседателот на Република Српска најави дека ќе му предложи на Вучиќ РС и Србија заеднички да ја отфрлат резолуцијата на Соборот на српскиот народ, што ќе се одржи веднаш по гласањето на резолуцијата.

Дoдик најави и дека ќе побара Србија, како меѓународно призната земја и членка на ОН, формално да продолжи да ги оспорува елементите на таа резолуција.

Сакаме Србија да разбере дека треба да одиме по патот на одвојување во Босна и Херцеговина, рече Додик, а на забелешката на новинарот дека бара Србија да ги поддржи во отцепување, тој одговори дека тоа не е отцепување, туку разделување.

На повтореното прашање дали од Вучиќ на Саборот јасно ќе биде побарано да ја поддржи РС во отцепување, тој рече дека немаат план за отцепување, туку дека сакаат да одат на раздвојување.

„Има ентитетска линија... Раздвојување е да ги преземеме сите функции што ги имаме, да обезбедиме пари во буџетот за сите вработени што работат во Министерството за одбрана, да ги повлечеме војниците, да ги повлечеме луѓето што работат во Централната изборна комисија, да прогласиме дека нема да се спроведуваат одлуките на судот и обвинителството и кој и да е орган на Босна и Херцеговина на територијата на Република Српска“, посочи Додик. /МИА

Свет

Австрија домаќин на конференција посветена на системи за автономно оружје

Во Виена денеска почнува дводневна меѓународна конференција за системи за автономно оружје, јави ДПА.

Министерството за надворешни работи испрати покани за конференцијата на тема „Човештвото на крстопат: Автономни системи за оружје и предизвикот на регулативите“ откако експертските разговори под покровителство на Обединетите нации во Женева во последните 10 години не доведоа до разговори на дипломатско ниво.

На форумот се очекува да присуствуваат претставници од околу 130 земји, како и од Обединетите нации, невладини организации и истражувачки институти. Системите за оружје, кои самостојно таргетираат и ангажираат цели користејќи вештачка интелигенција, се во центарот на дискусијата, особено со оглед на конфликтите во Газа и Украина.

На дневен ред се и прашања како што се употребата на технологии за вештачка интелигенција од страна на терористите и опасностите од трка во вооружување со системи за вештачка интелигенција.

Ќе биде подготвен извештај до генералниот секретар на ОН Антонио Гутереш за следната седница на Генералното собрание на ОН. /МИА

Живот

Во ЗОО Скопје се роди двогрба камила

Во Зоолошката градина во Скопје се роди двогрба камила од фамилијата Бактријан.

- Нашето ново бебе. Во фамилијата Бактријан двогрби камили имаме подмладок, оваа преслатка млада дама, која е второ дете на Карло и Мираи. Се роди на 03 април и по краток карантин со мајката, веќе ужива во пролетните сончеви денови, стои во објавата од Зоолошката градина на Фејсбук.

Фото: Фејсбук на ЗОО Скопје