Тенис

Ѓоковиќ е опериран во клиника во Париз, оштетувањето на менискусот не било многу сериозно

Новак Ѓоковиќ е успешно опериран во Париз, каде му беше оперирано коленото, откако заработи повреда во осминафиналето на Ролан Гарос на мечот со Франциско Серундола.

Првите информации се добри, Новак е успешно опериран, а се покажало дека оштетувањето на менискусот не е толку сериозно како што се мислело, па Ѓоковиќ ќе има време да се опорави за Олимписките игри, објави српски Телеграф.

Речиси сигурно ќе го пропушти Вимблдон и фокусот треба да биде насочен само на Олимписките игри, особено затоа што Новак не би сакал да премине на трева, а потоа повторно на земја со неговото неодамна оперирано колено.

Репортерот на Телеграф ја посети клиниката „Рамзи Санте“, каде е опериран Новак, која се наоѓа во петтиот париски арондисман, во близина на железничката станица Аустерлиц на булеварот Сен Марсел.

Во самата болница, вработените не сакале да дадат дополнителни информации дали Новак се уште е таму на опоравување по операцијата.

Се обиделе да дознаат и кој од лекарите ја извршил операцијата, но од болницата не сакале да одговорат на тоа.

Телеграф дознава дека овој тип на операција на оваа клиника чини од 10.000 до 15.000 евра.

„Рамзи Санте“ има вкупно 465 клиники, имаат 12 милиони пациенти годишно, а имаат 38.000 вработени, што доволно говори за каква империја се работи кога се работи за здравството.

Според некои неофицијални информации, на Новак ќе му требаат околу три недели за да се опорави.

Фудбал

Салах разочаран од Ливерпул

 Еден од најдобрите фудбалери на Ливерпул во последните неколку сезони, Мохамаед Салах, ирази незадоволство од однос на клубот кон него.

-Речиси е декември и не добив никакви понуди за продолжување на соработката. Сум разочаран, повеќе би сакал да бидам надвор од клубот отколку во него. Знаете, јас сум во клубот многу години, нема друг како него. Но, на крајот, тоа е надвор од моите раце. Како што кажав, декември е и сè уште не сум добил ништо во врска со мојата иднина, изјави Салах.

Според англиските медиуми, Ливерпул допрва треба да му понуди нов договор на Салах.

Актуелниот договор на 32-годишниот крилен напаѓач е до крајот на оваа сезона кој викендов беше стрелец на два гола во победата (3:2) над Саутемптон.

Во само 12 натпревари во Премиер лигата оваа сезона, египетскиот интернационалец постигна 10 гола и шест асистенции.

Македонија

ФЗО: Граѓаните да не наседнуваат на лажни пораки пишувани во име на Фондот

Граѓани добиле лажни е-маил пораки во име на Фондот за здравствено осигурување, од ФЗО апелираат да не се наседнува на лажните пораки, за да не бидат злоупотребени лични податоци и трансакциски сметки.

- Фондот за здравствено осигурување на Македонија има сознанија дека се појавија лажни пораки што им се праќаат на граѓани по електронски пат, на е-меил, а како да е од ФЗО. Во лажните пораки, што не се испратени од е-меилот на ФЗО, им се укажува на граѓаните дека, наводно, системот со управување на трансакции на Фондот препознава дека треба да добијат исплата за рефундација на средства по што треба да кликнат на одреден линк, појаснуваат од ФЗО во денешното соопштение.

Фондот им укажува на граѓаните да не наседнуваат на ваквите лажни пораки за да не бидат злупотребени нивните лични податоци и трансакциски сметки, а доколку се во можност, да пријават во Службата за компјутерски криминал во Министерството за внатрешни работи.

- Фондот веќе го пријави случајот во МВР, потенцираат оттаму.

Македонија

Почина владиката Тимотеј

Владиката Тимотеј изминатите неколку дена бил хоспитализиран поради сериозни проблеми со срцето.

Дебарско кичевскиот Митрополит Тимотеј, починал денеска во болница.

Неговото заминување е голема загуба за Македонската православна црква и за верниците, кои ќе го паметат како духовен лидер и посветен пастир.

Митрополит Тимотеј беше роден во 1951 година во Младо Нагоричане, кумановско, со световно име Славе Јовановски.

За архиереј на МПЦ-ОА е избран во 1981 година.

притисни ентер