Припадници на специјалната полиција ГСГ9 извршиле претрес во становите на косовскиот државјанин Блинор С. и германскиот државјанин Дрилон Г. во Касел и Оснабрик.
Државното обвинителство во Карлсруе соопштило дека луѓето против кои е насочена акцијата споделувале исламистички идеи со сторителот на терористичкиот напад и дека тие поминале извесно време во Виена дружејќи се со Кујтим Ф.
Сознанието дека Блинор С. и Дрилон Г., заедно со други исламски екстремисти од Швајцарија и Австрија, престојувале во станот на Кујтим Ф., произлегуваат од анализата на ДНК пронајдена во станот и на оружјето со кое бил извршен нападот.
„Со оглед на личните врски со извршителот на терористичкиот напад и заедничките радикално-исламистички погледи на светот, можно е Блинор С. и Дрилон Г. да биле свесни за плановите за нападот најдоцна по нивниот престој во Виена и не го пријавиле на властите ", се вели во соопштението на главното државно обвинителство.
Блинор С. и Дрилон Г., наводно, вечерта на атентатот започнале да ги отстрануваат доказите за нивната комуникација со Кујтим Ф. од социјалните мрежи и комуникациските платформи.
Во нападот во Виена загина германски државјанин, а сторителот бил убиен во судир со полицијата.