Документот, што бил достапен исклучиво на јавниот сервис АРД, предвидува оние кои прележале ковид-19да бидат ослободени од ограничувањата според Законот за заштита од инфекции и дека нивното секојдневие ќе биде полесно. Федералната влада веќе се согласила на тоа и за него ќе се дискутира на утрешниот состанок на федералните и покраинските влади.
Документот го цитира заклучокот на Државниот институт за епидемиологија Роберт Кох, кој вели дека вакцинираните против коронавирус и оние кои го прележале ковид-19имаат помалку шанси да заразат други отколку оние кои имаат негативен тест. Затоа, како што е наведено, треба да се воведат ублажувања или ослободувања од некои мерки за оние кои биле вакцинирани и за оние кои го прележале ковид-19.
Исклучоци се планираат кога станува збор за ограничувања во контактите. Ова особено треба да се однесува на институциите како што се домовите за стари лица. Соодветни исклучоци треба да постојат и за ограничувања за излез (полициски час) како и за патувања.
Мерките што не ги нарушуваат толку многу основните права на граѓаните - како што се држење на растојание и носење маска - остануваат валидни за сите луѓе.
Институтот Роберт Кох донел заклучок дека вакцинираните лица не можат да го пренесат вирусот врз основа на прегледите на лица кои биле целосно вакцинирани, две недели по приемот на втората вакцина.
Германската федерална министерка за правда Кристине Ламбрехт за весникот „Ханделсблат“ изјави:
„Доколку се заклучи дека вакцината ги штити не само вакцинираните, туку и другите, тогаш тоа мора да се земе предвид кога станува збор за рестриктивни мерки. Не станува збор за привилегии за вакцинираните, туку за условот на Уставот “.
Таа рече дека „вакцинираните луѓе се прашуваат какви слободи можат да им се вратат. Тоа веќе не е теоретско прашање и затоа политиката мора да даде конкретни одговори на тоа “.
Германскиот министер за здравство Јенс Шпан, кој ја најави оваа можност пред неколку недели, рече дека во дискусиите во Владата се споменува укинување на мерките за самоизолација за оние кои биле во контакт со заразено лице или за оние кои се враќаат од странство и треба да работат десет дена. Олеснување би можело да се обезбеди и кога е потребен негатовен тест како што се кај фризери, поголеми продажни места или ресторани - кога ќе бидат повторно отворени.
„Целосната заштита од вакцината може целосно да ослободи од обврската за тестирање“, рече министерот за здравство.
Исклучоци може да се спроведат многу брзо затоа што е во сила новиот закон за заштита од инфекции. Но, министерот за економија Питер Алтмаер вели дека тоа може да потрае некое време.
„Во моментов околу 20 проценти од граѓаните ја примиле првата вакцина.Не верувам дека олеснувањето може да биде пред јуни или јули“, рече вчера Алтмаер.