Живот

Германија се соочува со сериозен недостиг на кадри во областа на социјалните услуги

 Германија се соочува со сериозен недостиг на кадар во областа на социјалните услуги, бидејќи бројот на луѓе на кои им е потребна грижа е речиси двојно зголемен во изминатите години, додека бројот на негуватели расте релативно бавно.

Тоа го објави ДПА, цитирајќи информации дадени од Министерството за труд како одговор на барањето на претставникот на Алтернатива за Германија, Рене Спрингер.

Многу луѓе кои работат во секторот за социјални услуги се имигранти. Во 2022 година околу 30 отсто од работната сила во секторот за нега на стари лица беше од странско потекло, процени Експертскиот совет за интеграција и миграција.

Податоците на германското Министерство за труд покажуваат дека во 2015 г имало 2,9 милиони луѓе кои имаат потреба од нега, а до крајот на 2023 г тие веќе биле 5,6 милиони. Во истиот период, бројот на вработени во болниците и домовите за стари лица пораснал од околу 1,5 милиони на само околу 1,85 милиони, или околу 23 отсто.

Бројките, исто така, покажуваат дека слободните работни места во болниците и домовите за стари лица се пополнуваат подолго, и покрај зголемената невработеност кај медицинските сестри и негуватели.

Според Федералната агенција за вработување, во октомври имало околу 34.000 слободни работни места во социјалните служби.

Свет

Украинското знаме накратко се појави во Астана за време на посетата на Путин

Украинското знаме накратко се појави во Астана за време на посетата на Путин, Казахстан почна истрага.

Казахстанската полиција спроведува истрага за причините за краткотрајното појавување на украинското знаме на голем екран во центарот на главниот град Астана за време на посетата на рускиот претседател Владимир Путин,информира Министерството за внатрешни работи на Казахстан.

Знамето се појавило накратко синоќа, заменувајќи го руското знаме на екран поставен на еден од главните булевари во градот.

Во тој момент, Путин веќе бил пристигнат во Астана. Екранот бил исклучен набрзо потоа, но снимки од настанот беа објавени онлајн.

Министерството изјави дека се разгледуваат сите можни причини, вклучувајќи техничка грешка или хакерски напад.

Според минатогодишна анкета, мнозинството Казахстанци се неутрални во однос на војната меѓу Русија и Украина, но поддржувачите на Украина значително ги надминуваат оние на Русија. Русија е клучен трговски партнер на Казахстан, поради што економските проблеми на Русија често влијаат врз казахстанската економија.

Свет

Волц разгледува идеи за ставање крај на руската

Советникот за национална безбедност избран од Трамп разгледува идеи за ставање крај на руската војна во Украина.

Мајк Волц, идниот советник за национална безбедност на избраниот претседател на САД, Доналд Трамп, разгледува неколку предлози за решавање на конфликтот во Укрина кои вклучуваат прекин на огнот во раните фази од преговорите, јави синоќа телевизијата „Си-Ен-Ен“.

-Деталите на стратегијата сè уште се разработуваат, но функционерите на Трамп веројатно ќе ја поддржат идејата за прекин на огнот во раните фази, додека страните водат преговори, пренесе телевизијата повикувајќи се на информирани извори.

Сепак, се истакнува дека засега е прерано да се зборува за тоа каква е стратегијата за Украина на идната американска администрација. Како што се наведува, Волц разгледува повеќе предлози, вклучително и оние на Кит Келог, кого Трамп го номинираше за свој специјален претставник за Украина.

Келог, заедно со советникот на Трамп, Фред Флајц, во јуни претстави својот план за решавање на конфликтот во Украина според кој прекинот на огнот ќе се базира на тековно заземените линии на фронтот.

Македонија

ВМРО-ДПМНЕ: Арсовска да престане да се крие зад институцијата Град Скопје

Данела Арсовска не само што неуспешно  се справува со градските проблеми, никако да сфати дека не е важна и дека никој не и верува.

Граѓаните на парламентарните избори на 8 мај на Арсовска јасно и дадоа црвен картон.

Секој збор на Арсовска претставува само бесмислена апстракција и празно ветување.

Изгледа дека реформите се случуваат само во нејзината глава, таму автобусите пристигнуваат на време, граѓаните се среќни, а нејзините извинувања звучат искрено. Во меѓувреме, граѓаните продолжуваат да чекаат. Чекаат автобуси. Чекаат решенија. Чекаат да замине.

Арсовска да престане да се крие позади Град Скопје, бидејќи она што е невидливо во оваа нејзина конструкција е тоа што 500 вработени во Град Скопје секој ден се жалат на нејзиното водство.

Град Скопје не е нејзин личен инструмент за утеха на нејзините лични фрустрации.

Ова што го прави Арсовска е само драматизација. Арсовска се уште не може да го разбере главниот проблем – на скопјани им треба функционален и одговорен лидер, а не лидер со политичка импотенција.

Центар за комуникации со јавност на ВМРО-ДПМНЕ

притисни ентер