Руските воздухопловни власти „не одобрија на време“ два лета закажани за во денеска наутро, кои мораа да бидат откажани вчеравечер, се вели во соопштението на Министерството во изјавата добиена од Франс Прес.
„Поради практиката на реципроцитет, Германија “не даде одобрување“ за летовите на руските компании, што доведе до откажување на линиите обезбедени од Аерофлот и С7.
„Веднаш штом ќе се добијат одобренија за летовите на „Луфтханза “, летовите на руските компании ќе бидат одобрени“, додава Министерството.
На прашање од АФП, Луфтханза соопшти дека очекува „наскоро да бидат одобрени„ други патнички летови кон Русија планирани за јуни “.
Ниту министерството ниту компанијата не ја изнеле причината за блокадата.
Два лета на Ер Франс и еден на Австриан ерлајнс, подружница на Луфтханза, биле откажани минатата недела затоа што Русија не одобрила промена на трасата за заобиколување на белорускиот воздушен простор.
Големите европски авиокомпании ја заобиколуваат поранешната советска република откако авион на Рајанер, кој што летал од Атина до Вилнус беше запрен и насилно слетал во Минск, од каде беше истоварен и уапсен политички противник на претседателот Александар Лукашенко.
„Причината за откажувањето на летовите на „ Ер Франс“ беше чисто техничка“, рече портпаролот на Кремљ.
„На летовите меѓу Европа и Русија им е дозволено да користат одредени воздушни коридори. Ако компанијата сака да ја смени рутата, мора однапред да се договори за ова со Русија", соопшти европското тело за контрола на летање, Еуроконтрол.