Македонија

Герасимовски: ООУ „Св.Кирил и Методиј“ добива нова и целосно опремена сензорна соба

Златните славејчиња ги израдуваа децата.

Општина Центар и Рамстор Македонија денеска организираа предновогодишен настан кадешто Златните славејчиња и Дедо Мраз ги израдуваа најмладите, децата во социјален ризик од основните училишта во Општина Центар, првачињата од ООУ „Св. Кирил и Методиј“ и лицата со Даунов синдром од здруженијата „Трисомија 21” и „Доза среќа”.

Градоначалникот Горан Герасимовски истакна дека голема е честа што заедно се собрани да подарат радост, среќа и насмевки на најмладите во пресрет на новогодишните празници.

„Среќен сум што заеднички организиравме една предновогодишна забава во која дечињата уживаа на песните на Златните славејчиња, играа и пееја создавајќи спомени што ќе ги носат со себе во новата година. Голема благодарност до менаџментот на Рамстор Македонија којшто е пријател на општината во поддршка на образовни проекти. Во новата 2025 година, со финансиска поддршка на овој трговски центар, ООУ „Св. Кирил и Методиј“ ќе добие нова и целосно опремена сензорна соба. Со оваа инвестиција, создаваме подобро инклузивно образование во Општина Центар и подобри услови за развој на нашите деца. Ви благодарам и Ви посакувам среќна и успешна 2025 година за сите!“, рече Герасимовски.

Во своето излагање, тој се заблагодари на генералната директорка на трговскиот центар, г-а Даниела Адемоска и јавно и додели признание за досегашната соработка и реализираните проекти.

Со почит,

Општина Центар

Македонија

Петрушевски: Груби и ДУИ се криеја зад Албанците за да крадат, а СДС знаеше и молчеше

Груби и ДУИ се криеја зад Албанците за да крадат, а СДС знаеше и молчеше за да владеат.

Груби и ДУИ ги злоупотребуваа Албанците.

Додека Груби крадеше, ДУИ ги лажеше Албанците дека се бори за нив, а всушност со секој поминат ден беше причина повеќе тие исто како и Македонците да си заминуваат од државата.

Груби и ДУИ никогаш не беа ниту за Албанците, ниту за Македонците, туку за џебот на поединци.

СДС знаеше за криминалот на Груби, го толерираше од две причини: Прво, затоа што му се приклучи, и второ затоа што така се држеа на власт.

Груби и ДУИ знаеја дека во никоја друга комбинација нема да можат така да крадат и го држеа СДС на власт.

Коалицијата СДС и ДУИ беше брак од интерес за грабеж на Македонија.

СДС и денес продолжува да одработува за Груби, смислувајќи разни приказни.

Реалноста е дека тие го создадоа Груби, овозможија да краде и ја ограбија здружно државата. Тоа сите го знаат.

Наместо да се брукаат со пресконференции, да излезат и да го повикаат да се врати, а потоа да им се извинат на граѓаните.

БРАНЕ ПЕТРУШЕВСКИ, ПРАТЕНИК НА ВМРО-ДПМНЕ

Центар за комуникации на ВМРО-ДПМНЕ

Свет

Во Азербејџан е ден на национална жалост во спомен на жртвите од вчерашната авионска несреќа

Во Азербејџан денеска е ден на национална жалост во спомен на жртвите од вчерашната несреќа на патничкиот авион „Ембраер 190“ на „Азербејџан Ерлајнс“ во казахстанскиот град Актау на Каспиското Море.

Во тек е истрага за причините за несреќата, во која животот го загубија 38 од вкупно 67 лица во авионот, пренесува ДПА.

Националните знамиња на Азербејџан се спуштени на половина копје во земјата во знак на жалост, а културните настани закажани за денеска, како и сите настани во театрите и концертните сали се откажани.

Авионот летал од Баку кон главниот град на руската автономна република Чеченија - Грозни, а поради магла таму бил пренасочен преку главниот град на друга република на Руската Федерација - Дагестан, Махачкала.

Според државната авиокомпанија на Азербејџан, 37 од патниците биле Азербејџанци, 16 - руски државјани, шест - Казахстанци и тројца - државјани на Киргистан.

Kахастанските медиуми наведуваат дека жртвите се од Азербејџан, Русија и Киргистан. Девет патници од Русија, меѓу кои и едно дете, се во тешка состојба. Тие се пренесени во Москва.

„Би било погрешно да се шпекулира пред да излезе заклучокот на истражителите за причините за авионската несреќа“, изјави денеска портпаролот на Кремљ, Дмитриј Песков.

Свет

Tajланд се приклучува во БРИКС како земја партнер

Тајланд ја прифати поканата да стане земја партнер на БРИКС и се надева дека во наредниот период ќе се приклучи во организацијата како полноправна членка, соопшти денеска Министерството за надворешни работи на земјата.

Портпаролот на министерството на прес-конференцијата рече дека Тајланд на 31 октомври добил официјална покана да стане партнер на БРИКС од претседавачот на таа организација, Русија, а дека на 24 декември на седницата на владата било одлучено да се позитивен одговор на таа покана.

Како што наведе, истиот ден тајландскиот министер за надворешни работи испратил писмо до рускиот колега во кое ја изразува согласноста на Тајланд да се приклучи на БРИКС како земја партнер.

Според портпаролот, Тајланд се надева дека ќе го подобри нивото на односите со земјите-членки на организацијата, со цел да ги подобри можностите за развој на сопствената економија.