Остин ја „повтори својата загриженост“ поради ескалацијата на тензиите меѓу Израел и Хезболах, се наведува во соопштението, и ја нагласи вербата на САД во „важноста од постигнување дипломатско решение што ќе им овозможи на жителите безбедно да се вратат во своите домови од двете страни на границата“.

Тој му рекол на Галант дека САД продолжуваат да вршат притисок за договор за ослободување на заложниците и прекин на огнот меѓу Израел и Хамас и ја потврдил посветеноста на САД за безбедноста на Израел. /МИА

Претседателот на ДФБ, Бернд Нојендорф изјави дека германската кандидатура е „главен проект“ на федерацијата и дека ќе му даде „дополнителен поттик“ на женскиот фудбал во Германија.

Противкандидати на Германија за организација на завршниот турнир се Португалија, Данска и Шведска.

Европската фудбалска унија (УЕФА) официјално ќе го објави името на земјата домаќин во 2025 година.

Генералниот секретар на ДФБ, Хајке Улрих, ја смета Германија за „сигурен домаќин со одлична стадионска инфраструктура и одлична соработка меѓу градовите домаќини и локалните власти“.

Германија беше домаќин на Европското првенство за мажи во 2024, а го организираше ЕП за жени во 1988 година, во Западна Германија и во 2001 година. /МИА

Директорот на службата, Роналд Роу, денеска им изјави на новинарите дека некои агенти биле премногу опуштени додека го обезбедувале собирот во Батлер, што довело до „прекршување на безбедносните протоколи“. Тој нагласи дека тие вработени во агенцијата ќе одговараат за својата непрофесионалност.

Обидот за атентат на Трамп на 13 јули предизвика жестоки критики за службата што го обезбедува претседателот и другите високи функционери, што на крајот резултираше со оставка на поранешната директорка. На критичарите им е нејасно како осомничениот успеал да стигне до покривот со директен поглед на бината каде што поранешниот претседател го држел својот говор.

Во атентатот беше оштетен дел од увото на Трамп, еден од присутните беше убиен, а други двајца беа повредени. Безбедносните сили го убиле 20-годишниот напаѓач. Во меѓувреме, Тајната служба објави дека се „срами“ од нејзиното нарушување на безбедноста.

Властите го истражуваат и вториот обид за атентат врз Трамп, кој се случи во неделата на Флорида. Во тој случај, Тајната служба успеала да го уапси напаѓачот, а републиканскиот кандидат не бил застрелан. Роу нагласи дека Трамп има исто ниво на заштита како претседателот Џо Бајден и демократската противкандидатка Камала Харис на претстојните ноемвриски избори.

Извор: Индекс.хр