Тенис

Франција – Белгија 1-1 во финалето на Дејвис купот

По првиот ден на финалето од Дејвис купот резултатот меѓу Франција и Белгија е 1:1.

Белгија поведе во финалето откако Давид Гофин го победи Лука Пуил со 3-0 во сетови (7:5; 6:3 и 6:1 во гемови) за два часа игра.

Резултатот го изедначи „првиот француски рекет“ Жо – Вилфред Цонга, кој без проблеми со 3-0 во сетови го победи Стив Дарси. Притоа на ривалот Цонга му препушти шест гема (6:3; 6:2 и 6:1 во гемови). Мечот траеше 1 час и 45 минути.

Mечот во двојки ќе се одигра утре, а за Франција се пријавени Ришар Гаске и Пиер Уго Ербер, додека за Белгија треба да играат Рубен Белеманс и Јорис де Лор. Селекторите сепак на еден час пред почеток на мечот можат да направат промена.

В недела се предвидени да се играат двата сингл меча, а во првиот ќе играат Цонга против Гофин, кои денеска постигнаа победи.

Финалето се игра на стадионот „Пиер Моро“ во Лил, а го гледаа 25.813 гледачи. /MИА

Забава

Фото:Девојката на екс фудбалер на Барса воодушеви со секси фотографии

Девојката на шпанскиот фудбалер и поранешна ѕвезда на Барселона, Марко Бартра е голем љубител на социјалните мрежи.

Убавата Џесика сега ги воодушеви следбениците на Инстаграм со атрактивни фотографии на која таа е облечена само во минијатурно бикини.

На фотките убавата Џесика Гојкочеа која е манекенка ја покажа својата совршена фигура и на тој начин собра голем број лајкови на социјалните мрежи.

Фудбал

Унион Берлин му врачи отказ на Бјелица

Бундеслигашот Унион Берлин се раздели со тренерот Ненад Бјелица, ден откако клупскиот претседател изрази поддршка на хрватскиот стратег.

Унион загуби со 3-4 на домашен терен од ривалот за испаѓање Бохум во неделата и се наоѓа на еден бод и едно место над плеј-офот за опстанок на два натпревари до крајот на сезоната.

Бјелица седна на клупата на Унион во ноември откако Урс Фишер беше отпуштен по серијата слаби резултати, и покрај тоа што го обезбеди првиот настап во Лигата на шампионите претходната сезона.

Унион соопшти дека клубот на двата завршни натпревари ќе го предводат Марко Гроте, заедно со сегашниот помошник тренер Мари-Луиз Ета, првата жена која предводеше машки тим на натпревар од Бундеслигата.

Свет

Макрон ја поздрави намерата на Кина да се воздржи од продажба на какво било оружје на Москва

Францускиот претседател Емануел Макрон за време на денешната заедничка прес-конференција со претседателот Си Џинпинг во Париз, ги поздрави „намерите на Кина да се воздржи од каква било продажба на оружје“ и „каква било помош за Москва“.

Шефот на француската држава, исто така, ја поздрави „подготвеноста“ на неговиот кинески колега „да ги замоли сите заинтересирани страни“ во различни конфликти на „олимписко примирје“ за време на летните Олимписки игри во Париз.