Забава

Фото: Стеф Кари ја тренира повредената рака

Еден од најдобрите кошаркари во НБА лигата, ѕвездата на Голден Стејт Стеф Кари се рехабилитира од скршеницата на раката.

Поради повредата на раката маестралниот плејмејкер на Воините го пропушти Ол Стар викендот во Чикаго, како и поголем дел од сезоната, но сепак го завртел вниманието на јавноста кон себе, но не се некоја фантастична асистенција или погодена тројка туку со фотка.

Кари за време на Ол Старот во Чикаго објави провокативна фотка која со воодушевување е прифатена кај фановите.

Повредениот Стеф ја подигнал во раце сопругата Ајша која е во бикини, а таа го бакнува и лиже по челото.

Судејќи според фотографијата, раката на Кари е во одлична состојба.

-Атмосфера на одмор со мојата една и единствена: Го сакам тоа, напиша Кари во описот на фотката.

Кари дефинитивно одлично го користи слободното време и ужива во друштвото на сопругата Ајша.

Инаку, Кари поради скршеница на левата рака мораше да направи операција.

Неговите фанови коментираат дека ако добро го чувствува телото на Ајша сигурно Стеф брзо ќе го врати и чувството за баскет., по „вака напорни “ тренинзи.

Фудбал

Терзиќ: Можевме да победиме со поголема разлика

Тренерот на Борусија Дортмунд, Един Терзиќ е задоволен од победата над ПСЖ синоќа со 1:0 во првиот натпревар од полуфиналето на Лигата на шампионите, иако смета дека разликата можеше да биде и поголема.

- Ова е заслужена победа, добра тимска игра. Можевме да постигнеме повеќе голови, исто како и тие. Затоа, од моја гледна точка, резултатот не е лош. Многу се движевме, но тоа е неопходно во ваков натпревар. Мора да се стекнеме со право да играме на „Вембли“. За тоа ни треба само реми во реваншот, но секако дека сакаме и да победиме следната недела. Имаме мала предност и добра можност, изјави Терзиќ за сајтот на УЕФА.

Реваншот ќе се игра на 7 мај во Париз.

Другата полуфинална двојка во елитното фудбалско натпреварување е Реал Мадрид – Баерн Минхен (2:2 прв натпревар). /МИА

Тенис

Синер: Морав да се повлечам од турнирот во Мадрид

Италијанскиот тенисер Јаник Синер објасни зошто решил да се повлече од турнирот во Мадрид.

Во четвртфиналето на Мастерсот требаше да игра со Канаѓанецот Феликс Оже-Алиасим, кој сега автоматски се пласираше во полуфиналето, каде што ќе игра со победникот од двојката Данил Медведев - Јиржи Легечка.

- Многу е тажно да го пропуштам мојот следен натпревар овде во Мадрид. Колкот ме мачи оваа недела и болката постепено се влошува. Следејќи ги советите на лекарите, решивме дека е подобро да не играме понатаму. Во текот на следните неколку дена ќе спроведам други тестови и ќе ги следам советите на специјалистите за закрепнување. Ви благодарам за поддршката, напиша Синер на социјалните мрежи.

Оваа сезона 22-годишниот Италијанец освои три турнири - Австралија опен, како и турнирите во Ротердам и Мајами. /МИА

Свет

Блинкен го повика Хамас да се согласи за примирје за да им помогне на луѓето во Газа

Хамас соопшти дека ќе одговори „во многу краток период“ на предлогот.

Највисокиот американски дипломат Антони Блинкен го повика Хамас да го прифати планот за примирје во Газа и покрај израелското предупредување дека армијата ќе продолжи да се бори против палестинската милитантна група по каков било прекин на огнот.

Посредниците предложија договор за примирје со кој би се запреле борбите на 40 дена и би се размениле заложници.

Хамас соопшти дека ќе одговори „во многу краток период“ на предлогот.

„Хамас треба да каже „да“ и треба да го заврши тоа“, рече Блинкен синоќа додека беше во Израел на својата седма турнеја на Блискиот исток од почетокот на конфликтот во октомври.

Тој подоцна додаде: „Ако Хамас всушност тврди дека се грижи за палестинскиот народ и сака да види итно олеснување на неговото страдање, треба да го прифати тој договор“. /МИА