Пирели одлучи на календарот за 2017 година да биде во знакот на наградени актерки.
На страниците на новиот календар на Пирели ќе се најдат славните актерки Никол Кидман, Пенелопе Круз и Лупита Нјонг. Пред фотографот на Пирели, Петер Линдберг позираа и Ума Турман, Кејт Винслет, Алисиа Викандер, Џулијан Мор, Џесика Частин , Робин Врајт и Хелен Мирен.
Германскиот фотограф Петер Линдберг по трет пат е фотограф за еден календар на салвниот Пирели.
-Овој календар е многу значаен поради тоа што веќе нема голотија и не сте под притисок дека мора да направите нешто со своето тело. Убавината денес е навистина извртена од комерцијални причини, по што луѓето мислат дека е убаво она што го гледаат на рекламите и во списанијата, се тоа се ретуширани убавици, изјави Линдберг.
Популарните актерки се фотографираа на локации во Берлин, Лондон, Лос Анџелес, Њујорк и на други места.
Инаку првиот календар на Пирели е објавен во далечната 1963 година.