Во земја во која европските супер- автомобили се омилени кај богаташите, направен е првиот локален таков автомобил.
Екстравагандниот автомобил со ознака Ајлани Дракума е инспириран, очекувано, од Ламборџини.
Основачот на компанијата Бешар Ајлани најавил дека неговиот првенец Дракума ќе биде произведен во ограничена количина од 99 примероци. Дракума е остварување на сонот на Ајлани да направи ново Пагани, а првиот дизајн е направен уште пред пет години.
Арапскиот „ѕвер“ на тркала во себе има ист мотор како кај Бугати Вејрон супер спорт, 8.0 литарски со 1.200 коњски сили.
Шасијата е направена од карбон влакна а вратите се отвораат во стил на „змејски крилја“, ни за сега овој автомобил е прикажан само со затворени врати. Нема ниту фотографии од ентериерот, сите стакла на премиерата во Дубаи биле затемнети, што најверојатно значи дека произведувачот веројатно се уште не ја завршил внатрешноста на возилото.