Имено, за разлика од лани, кога „Убијци на цветната месечина“ беше на врвот на топ-листите за најдобар филм и режисер, оваа година филмот „Анора“ на Шон Бејкер е на првото место за најдобар филм, додека пак, најдобар режисер е Брејди Корбет за „Бруталист“, според испитаниците.

„Анора“ се појави на 89 од 177-те гласачки ливчиња, со 18 гласови за прво место. За споредба, „Бруталист“ е на место бр. 2, со вкупно 73 гласачки ливчиња, и 18 гласови за најдобар филм.

Гласањето, инаку, оди така што, на листот испитаникот избира од 10 филмови, и ги нумерира според личниот ранг. Филмот означен со 1 добива 10 поени, со 2 добива девет, со 3 - осум поени итн. Ливчето за најдобар режисер беше одреден со рангиран избор од 10 лица, но со еден, два и три поена за три режисери.

„Анора“ (Anora) е американска драма во режија и сценарио на Бејкер, којашто раскажува за класните разлики и односот на општеството кон сексуалните работници. „Бруталист“ (The Brutalist) е 3,5-часовна драма со Адриен Броди во улога на Ласло Тот - еврејски архитект роден во Унгарија, кој се иселил во САД по Втората светска војна. Филмот ја следи неговата 13-годишна борба за повторно воспоставување на неговата кариера, исполнета со експлоатација и лични предизвици, како одраз на сложеноста на американскиот сон.

„Момците од Никел“ (Nickel Boys) - во режија на Рамело Рос, е филмска адаптација на истоимениот роман на Колсон Вајтхед, добитник на Пулицерова награда. Приказната ги следи двете момчиња Елвуд и Тарнер, кои се испратени во училиштето „Никел академија“ во 1960-тите на Флорида, и нивните предизвици како Афроамериканци.

Освен филмаџии од САД, учество во гласањето зедоа и лица од Аргентина, Чиле, Колумбија, Египет, Германија, Индија, Јапонија, Полска, Србија, Јужна Кореја и Турција.

Од место бр. 4 до бр. 10, се најдоа филмовите „Сè што замислуваме како светлина“, „Предизвикувачи“, „Го видов ТВ-сјајот“, „Супстанција“, „Дина: Втор дел“, „Не очекувај премногу од крајот на светот“ и „Тешки вистини“. Најдобар глумец или глумица, според соодветната листа, е Мариен Жан-Баптист која глуми во „Тешки вистини“. /МИА

Познатата хрватска пејачка Јелена Розга синоќа одржа концерт во главниот град на Србија.

На бината русокосата пејачка се појави во секси издание, кратка бундичка и мини здолниште кое ги истакна нејзините долги нозе.

Сексапилната Розга концертот го започна со песната „Циркус“, а во текот на ноќта пееше песни од нејзината повеќедецениска кариера - некои од периодот кога беше во групата „Магазин“, некои свои соло хитови.

- Имам страв од сцената! Се тресам... Многу сум среќна, пресреќна сум, отсекогаш сонував за концерт во Сава центар - изјави 47 годишната Јелена Розга со солзи во очите.

Случајот се однесува на маж (30 години), државјанин на Косово, кој беше хоспитализиран на Клиниката за инфективни болести на УКЦК на 24.12.2024, по враќањето од западноафриканска земја, со симптоми како треска, осип на кожата на лицето и рацете и чешање – соопшти НИЈЗК. Пациентот е во стабилна здравствена состојба, се додава во соопштението.

НИЈЗК ги следеше сите контакти на пациентот и членовите на неговото семејство, на кои им беа дадени препораки за превентивни мерки и контрола на инфекцијата, изјавија од Институтот.

НИЈЗК ги предупредува граѓаните на внимателност, истакнувајќи дека заболените од Mpox обично имаат лесни до умерени симптоми кои траат од две до четири недели и целосно се опоравуваат.

Иако е потребна претпазливост, нема причина за паника, порачаа од Институтот./МИА