Култура

Фестивалот „Денови на комедија“ по 27-ми пат во НУЦК „Трајко Прокопиев“ Куманово

Овогодишен лауреат на меѓународниот театарски фестивал „Денови на комедија“ Куманово е актерот Сашко Коцев, соопштија на денешната прес-конференција од Националната установа Центар за култура „Трајко Прокопиев“.

Годинава по 27-ми пат ќе се одржи традиционалниот меѓународен фестивал „Денови на комедија“ на кој ќе бидат изведени единаесет комедии од театри од државата и соседните Бугарија и Србија.

-Фестивалот ќе почне на 24 септември со велешки театар, следуваат охридкиот, театарот од Враца, од Врање, ќе настапи театар комедија, тетовскиот, театар од Плевен, ќе игра и албанската драма од Куманово. Публиката ќе има можност да ги проследи и штипскиот театар, театарот од Ниш. Во вторник фестивалот го затвора кумановскиот театар со новата претстава која ја подготвуваме „Ноќ спроти Водици“ во режија на Срѓан Јанаќиевиќ, изјави директорот на НУЦК, Сашо Тодоровски.

Новина е што годинава се поканети и ќе настапат и студенти од факултетите. Билетите ќе се продаваат неколку дена пред отпочнување на фестивалот.

Лауреатот Коцев кажа дека е чест што ја добива наградата особено од фестивалот од градот од каде што потекнува. За него, лауреат звучи импозантно.

-Јас сум раснел со овој фестивал кој е од 1997 година. Токму на овој фестивал беше претставата „Декамерон“ од битолски театар после која јас зацртав дека нема да бидам друго во живото освен она што сега го работам-актер. Не ја гледам работата низ награди. Изненаден бев. На свое тло, во своја средина е потешко да добиеш награда. Излезен сум од овој театар и публиката ми вели дека немам ништо одиграно и е во право. Дел бев од овој театар до 2006/7 ме врзуваат драги спомени, рече Коцев.

И тој очекува редици при влез на претставите како и секоја година. За него убавината на фестивалите е што публиката коментира по секоја претстава.

-Потешко е кога ќе добиеш награда, признание, публиката очекува натпросечни изведби, трката со себе е најтешка, вели Коцев.

Членовите на Советот на фестивалот одлучија наградата „Васил Иљоски“ која се доделува за особен придонес во театарската уметност да му припадне на актерот Сашко Коцев. Александра Михајловска, актерка кажа дека фестивалот е симбол на Куманово, а Коцев е симбол на Куманово насекаде го презентира градот.

-Едногласно ја донесовме одлуката. Во однос на возраста, сакам да напомнам дека ова не е класична награда за животно дело, туку е награда за особен придонес во комедиографијата, за придонесот во фелата, театарската уметност. Кариерата на Коцев зборува за него, кажа Михајловска.

Изминативе шест години лауреати на Фестивалот беа Љубица Гојковиќ, Ѓорѓи Андов, Илија Струмениковски, Стојна Костовска, Благоја Чоревски и Коле Ангеловски. Оваа 2024 година Советот на Фестивалот одлучи наградата Васил Иљоски која се доделува за особен придонес во театарската уметност особено во делот на комедијата.

Свет

Трамп сакал да ѝ ја купи косата на непозната девојка и ѝ понудил милиони (ВИДЕО)

Новоизбраниот американски претседател Доналд Трамп ѝ понудил на непозната девојка да ѝ ја купи косата и ветил дека за тоа ќе ѝ плати „милиони долари“.

Претходно на социјалните мрежи се појави видео од Трамп како вози количка за голф, а потоа застана покрај црна тинејџерка со бујни локни и изрази восхит од нејзината коса.

„Ми се допаѓа оваа девојка. Ми се допаѓа нејзината коса. Ја сакам нејзината коса. Ќе ти ја купам косата, ќе ти платам милиони“, рекол Трамп.

После тоа, тој ја поканил девојката малку да седне до него во количката за голф, разменил неколку зборови со неа, се фотографирал, а потоа си заминал сам, пренесува британски Телеграф.

Британскиот весник наведува дека косата на Трамп, „како и многу други работи“ била предмет на некои контроверзии.

Мајкл Волф, автор на книгата „Fire and Fury: Inside the Trump White House“, рече дека портокалово-русата коса на новоизбраниот претседател е оригинална, но дека Трамп направил „хирургија за намалување на скалпот“.

Тоа е болна процедура која вклучува повлекување на делови од скалпот со влакна и елиминирање на ќелавата точка.

Неодамнешниот биографски филм на Трамп „The Apprentice“ содржи сцена која ја прикажува оваа постапка.

Деталите од постапката прва ги откри поранешната сопруга на Трамп, Ивана, за време на бракоразводната постапка.

Според книгата на Хари Херт III, „Изгубениот магнат“, Трамп не бил задоволен од резултатите од операцијата.

Се вели дека Трамп имал повеќе процедури од тогаш, трошејќи, според познатиот пластичен хирург Гери Мотики, 160.000 долари за одржување на косата.

Пластичниот хирург од Њујорк, Гери Линкоу, исто така сугерира дека политичарот можеби имал најмалку пет трансплантации на коса.

Шоу биз

Фановите на Тејлор Свифт бесни: Билетите од 16 долари се препродаваат за неколку илјади

Тејлор Свифт неодамна објави нови билети за нејзините последни три датуми на нејзината турнеја Ерас, која ќе се одржи во Ванкувер.

Цената на тие билети е 16 канадски долари (11 евра), бидејќи се седишта зад сцената, но некои ги препродаваат по значително повисоки цени.

Ова е првпат во нејзината кариера да се нудат билети за концертот на Тејлор зад сцената. И не само тоа, туку ова е убедливо најниската цена на билет за кој било нејзин настап, а камоли за еден како дел од турнејата Ерас, која предизвика невидена лудило низ светот.

Препродавачите сепак решија да ја искористат можноста да заработат дополнителни пари, што ги налути фановите на Тејлор. На некои места, билетите за Ванкувер се продаваат за повеќе од 2300 канадски долари (скоро 1600 евра).

„Препродавачите ги купуваа сите“, „Треба да забранат препродажба на билети. Цената сега е страшна“, „Како може билетите за Тејлор од 16 долари без поглед на сцената да се продаваат за повеќе од 700?“, напишаа разочарани обожаватели на пејачката.

„Вие љубители што купивте билети за 16 долари и сега ги препродавате за над илјада долари“, „Билетите се купени и веќе се на сајтовите за препродажба“, „Има еден куп од нив на StubHub за илјада долари “, продолжија други.

На некои не им било гајле ни што билетите се за седишта зад сцената, пишувајќи дека не им пречело да не видат ништо. Ова не е прв пат обожавателите на Тејлор од Канада да западнат во неволја.

Претходно на социјалните мрежи се прошири приказната за Мел Кеог од Отава, која купила 28 билети за концерт во Торонто на кој сакала да оди со пријателите и семејството. Меѓутоа, подоцна се покажало дека билетите што ги платила ги немало.

Таа го купила во август, но никогаш не ги добила билетите. Нејзиното семејство на тој начин изгубило 22 илјади канадски долари (речиси 15 илјади евра), додека нејзините соседи изгубиле над три илјади канадски долари (нешто повеќе од две илјади евра).

Фудбал

Навивач го донел черепот на дедо му на стадион за да „го гледа“ освојувањето на пехарот

Фудбалот е повеќе од живот во Аргентина, а тоа го видовме за време на финалето на Копа Судамерикана, каде Расинг победи против бразилски Крузеиро со 3:1 и по 36 години освои пехар во еден од јужноамериканските купови.

Финалето се одигра во Асунсион на стадионот „Џенерал Пабло Рохас“, а сите имаа можност да видат што го прави фудбалот најубавата споредна работа на светот.

За многу Аргентинци тоа е и најважното нешто на светот.

Имаше неверојатни сцени, како се тресеа трибините од песната и скокањето на навивачите на тимот од Авељанеда, а една од нив остави посебен впечаток.

Во Асунсион дошол со черепот на својот дедо, кој бил голем фан на Расинг и кој му ја пренел љубовта кон клубот.

- Расинг е мојата љубов, а дедо ми е мојата љубов. Ова е мојот дедо Валентин Агилера, тој беше навивач на Расинг до смрт - рекол навивачот кој во рацете имал череп што го бакнувал.

притисни ентер