Дигиталниот автомобил на Ferrari Vision Gran Turismo ја виде светлината на денот. Станува збор за едносед со драматичен изглед, во кој сè е подредено на перформансите, а прототипот е изложен до март следната година во музејот на Ферари во Маранело. Доколку сакате да го возите, ќе можете од 23 декември, кога Gran Turismo 7 доаѓа на PlayStation.
Она што го смислија Флавио Манцони и Ферари Центро Стиле е тешко да се сумира во неколку реченици. Има сè, од историски тркачки автомобили како 330 P3 и 512 S до футуристички детали кои го „редефинираат стилскиот јазик на компанијата“, се наведува во соопштението за печатот.
За разлика од конкуренцијата Порше и Јагуар, Ферари не се реши да има чисто електричен погон.
Централно поставениот 3.0 V6 twin-turbo од 296 GTB сега произведува 1030 КС и 900 Nm, а по него следи хибриден погон со три електромотори и вкупно 326 КС. F1 технологијата и погонот на сите тркала овозможуваат спринт до 100 km/h за помалку од 2 секунди, 200 km/h за помалку од 5 секунди и максимални над 350 km/h.