Свет

Европската агенција ја испитува безбедноста на вакцината Фајзер за деца од 12 до 15 години

Европската агенција за лекови (ЕМА) објави дека започнале проценка на безбедноста на вакцините на „Фајзер“ и „БиоНТех“ за возрасна група од 12 до 15 години, бидејќи производителите побарале одобрување за таа возраст во ЕУ и САД.

Вакцина за ковид-19 за деца сè уште нема.

Децата се помалку склони кон развој на тешки форми на болеста и нивната вакцинација досега не била приоритет, но тие сочинуваат значителен дел од популацијата и исто така треба да се вакцинираат за да се запре ширењето на болеста, велат експертите.

Европската агенција за лекови денеска објави дека нејзиниот Комитет за лекови за човечка употреба „ќе спроведе забрзана проценка на податоците на компанијата.

Овие податоци вклучуваат резултати од големото тековно клиничко испитување кое вклучува адолесценти од 12 години и постари, според ЕМА.

„ЕМА ќе известува за резултатите од својата проценка, кои се очекуваат во јуни, освен ако не се потребни дополнителни информации“, соопшти агенцијата со седиште во Амстердам.

BioNTech и Pfizer во петокот објавија дека побарале ЕМА да го продолжи одобрувањето за употреба на нивната вакцина во ЕУ на возрасната група од 12 до 15 години, со оглед на тоа што вакцината во моментов е одобрена за лица над 16 години.

Двете компании побарале слично одобрување на почетокот на април и во САД.

Барањето се заснова на резултатите од клиничкото испитување во фаза III, објавено кон крајот на март, кое покажало дека нивната вакцина е „100 процентна ефективна“ во таа возрасна група и дека „генерално добро се поднесува“.

Компаниите имаат намера да бараат одобрување за деца и во други делови на светот.

Живот

Милијардерот Мурдок (92) ќе се жени со поранешната тешта на олигархот Роман Абрамович

Милијардерот Руперт Мардок е фотографиран со неговата свршеница, 25 години помладата Русинка Елена Жукова.

Парот е фотографиран како го шета своето куче, а окото го привлече огромниот веренички прстен на Елена.

Венчавката ќе се одржи во Калифорнија, во Murdoch's Vineyard and Moraga Estate, а на Руперт ова му е шеста свршувачка. Американскиот милијардер и медиумски магнат минатата година се вери со Ен Лесли Смит, но свршувачката траеше само две недели.

Мардок и Жукова беа сликани заедно во август минатата година, откако раскина со поранешната свршеница. Жукова, по професија молекуларен биолог, е мајка на Даша Жукова, поранешната сопруга на рускиот олигарх Роман Абрамович.

Македонија

Владина делегација положи свежо цвеќе на гробот на Гоце Делчев - одбележана 121 годишнина

Владина делегација ја одбележа 121 годишнина од загинувањето на идеологот и синонимот за народна борба за слобода.

Владина делегација предводена од министерката за одбрана Славјанка Петровска заедно со министерката за животна средина и просторно планирање Каја Шукова со положување цвеќе на гробот на Гоце Делчев во црквата „Св. Спас“ во Скопје, ја одбележа 121 годишнина од загинувањето на идеологот и синонимот за народна борба за слобода.

Пред саркофагот на великанот се поклонија и му оддадоа почит и Претседателот на Република Северна Македонија Стево Пендаровски и делегациите на Собранието, на Армијата, на Сојузот на борците, на дипломатскиот кор, на политичките партии како и други почитувачи на делото на Гоце Делчев.

Денес се сеќаваме на големото дело на Гоце Делчев како срцевина на македонската револуционерна и интелектуална борба за македонска држава која е еднаква за сите. Тој се бореше и го положи својот живот за слободна и независна Македонија, неговите идеали и заложби се наша заедничка обврска да продолжиме да градиме демократска и економски напредна земја. Вечен останува споменот на великанот на македонското револуционерно дело и државност Гоце Делчев, соопштуваат од Владата.

Македонија

Лукаревска: Почит на ликот и делото на Гоце Делчев, неговиот аманет е и за идните генерации

Заменик претседателката на СДСМ и носителка на листа во изборната единица 3 од СДСМ и Коалицијата за европска иднина денеска даде изјава за медиуми во која што посочи дека СДСМ оддава почит на ликот и делото на великанот Гоце Делчев.

Заменик претседателката на СДСМ и носителка на листа во изборната единица 3 од СДСМ и Коалицијата за европска иднина денеска даде изјава за медиуми во која што посочи дека СДСМ оддава почит на ликот и делото на великанот Гоце Делчев, а неговиот аманет е за сегашните и за идните генерации.

„Денеска оддаваме почит на ликот и делото на Гоце Делчев. Неговиот аманет е и за сегашните и за идните генерации. Делчев е симбол на единството и државотворноста, се борел за слободна и просперитетна држава. Ние сме тие коишто неговиот аманет ќе треба да го продолжиме во иднина“, рече Лукаревска, се наведува во партиското соопштение.