Свет

Европарламентот усвои измени на Законот за дефорестација

Европскиот парламент денеска со 371 глас „за“, 240 „против“ и 30 „воздржани“ ги усвои измените на Регулативата на ЕУ за заштита на шумите од уништување, со кои се предвидува одлагање на стапувањето во сила на некои од нејзините одредби.

Првично беше предвидено примената на овие одредби да важи од крајот на годинава, но сега тие за големите и средни компании ќе стапат во сила од 30 декември 2025 година, а за микро и малите претпријатија од 30 јуни 2026 година.

Законот за дефорестација има за цел да гарантира дека производите што се продаваат во ЕУ не се добиени со обесшумување на земјиште. Измените беа предложени по скратена постапка, откако некои членки на ЕУ, изразија загриженост дека земјите кои не се членки на Унијата, како и некои трговци и оператори не ќе може да ги почитуваат овие правила доколку тие почнат да се применуваат од крајот на 2024 година.

Се проценува дека дополнителното време што им се дава на компаниите ширум светот со одлагањето на целосната примената на Регулативата, ќе спречи непречено спроведување на нејзините правила од самиот почеток без поткопување на целите на законот.

Европратениците усвоија и неколку други амандмани на Регулативата предложени од политичките групи, со кои се воспоставува нова категорија земји „кои не претставуваат ризик“ за уништување на шумите, покрај веќе постојните три категории на држави од „низок“, „стандарден“ и „висок“ ризик за дефорестација. Земјите како ќе бидат дефинирани како „без ризик“ за уништување на шумските површини, би се соочиле со значително помалку строги барања. Комисијата е задолжена оваа класификација да ја заврши до 30 јуни 2025 година.

За да стапат во сила, денеска усвоените измени во ЕП ќе треба да бидат одобрени и од Советот на ЕУ.

Организацијата на ОН за храна и земјоделство (ФАО) проценува дека во периодот меѓу 1990 и 2020 година биле уништени 420 милиони хектари шума, површина што е поголема од територијата на ЕУ. Според проценките, производите што се продаваат во ЕУ „се одговорни“ за околу 10 отсто од глобалното уништување на шумите. Над две третини од ова отпаѓа на палминото масло и сојата.

Регулативата за заштита на шумите од уништување, која стапи во сила на 29 јуни 2023 година, има за цел да ја зајакне борбата против климатските промени и загубата на биодиверзитетот преку спречување на уништувањето на шумите, поврзано со потрошувачката на производи од какао, кафе, палмово масло, соја, дрво, гума, јаглен и хартија.

Свет

Жена се породила среде аеродром во Мајами, тебало да отпатува (ВИДЕО)

Необична сцена е снимена на меѓународниот аеродром во Мајами.

На неименувана патничка ѝ пукнал водењакот, па родила среде терминалот за поаѓање.

Надлежните служби биле повикани да интервенираат, околу 17:00 часот, а кога дошле лекарите, на жената веќе ѝ помогнале припадници на царината, полицијата и обезбедувањето.

По некое време жената родила машко дете. На објавената снимка ја гледаме како лежи и во раце држи бебе, завиткано во ќебе.

Таа и детето биле пренесени во блиската болница, но други детали не се соопштени за да се заштити нејзиниот идентитет, пишува Њујорк пост.

Македонија

За неизвесноста при секој искачен врв, промената на името и руинираното здравство

Академик Д-р Сашко Кедев, гостин во Само Интервју

Поенти:

- ЏПС има да, но, во тие услови не може секогаш оптимално да се користи, при неуспесите најмногу учиме, успехот не’ учи но несонено повеќе учиме од не успехот

- Анапурна е врз каде луѓе најмногу загинуваат од лавини

- Над 8000м во тие тешки услови на хипоксија мисловниот процес е намален и не ретко некој може да заспие во такви услови.

- Колку одиме повисоко, толку подлабоко ги гледаме работите, соочувајќи се со ризиците и зоната на смртта ни овозможуваат личен раст

- Преспанскиот договор е потпишан од луѓе што можеле тоа да ги направат, но имало политичари кои пак не ни помислувале тоа да направат.

- Да не забораваме како завршија потписниците на Преспанскиот договор и како тој беше донесен

- Ако го изгубиме моментумот и останеме анестезирани, ќе го помине животот, не смее да се случи екскурзија како пред 7 години.

- Науката нема етнички предзнак, за мене не е прифатливо да правиме Академија врз основа на партиска програма.

- ФЗОМ ако не превземе соодветна контрола ќе колабира.

- Есенцијално е да се зачува афтономијата во болниците, треба да се намали администрацијата.

- Немам амбиции, но би сакал да ги споделам моите искуства од праксата.

- Не би сакал помош, искачувањата самостојно ги организирам, треба заеднички да го подигнеме нивото на оптимизмот меѓу народот.

Живот

Пронашол тајна соба зад ѕидот на куќата на дедо му, се шокирал кога видел за што служела

Необична приказна од Reddit предизвика големо внимание пред неколку години, а сега повторно се појави на интернет.

Неименуван млад човек опишал како пронашол „тајна соба во куќата на неговиот дедо“ и бил шокиран кога сфатил за што служи.

Дедо му се вселил во куќа на село, а на гости му дошол внукот.

„Бев во друштво со роднина кога почнавме да се шегуваме, а тој случајно ме турна до ѕидот. Ударот направи дупка, што беше големо изненадување“, опишал тој.

Тогаш сфатил дека се работи за преграден ѕид кој „крие“ помала просторија, пренесува Mirror.

„Заедно со дедо ми го срушивме ѕидот и најдовме соба полна со необични контејнери, големи светилки и книги за хортикултурата“, додаде тој.

Тој признава дека бил возбуден, но побелел од шок кога видел книга за одгледување марихуана.

„Не најдовме скриен влез, па беше јасно дека некој едноставно ја заѕидал просторијата“, заклучил тој.

[Serious] People who have found a secret room or space in their house: How long did you live in the house before you found it and what was in it? What was the eventual outcome of finding the room?
byu/reptilesni inAskReddit

Бројни корисници ја коментирале објавата прашувајќи дали повикале полиција и ги известиле за сѐ.

„Очигледно ја заѕидале собата пред да ја продадат куќата. Така криеле докази за одгледување марихуана“, верувало едно лице.

„Кутиот дедо мораше да се преправа дека првпат ја гледа собата“, се пошегувал друг.

Не биле дадени други детали за необичното откритие, но индивидуалните корисници ги споделија своите искуства.

„Во куќата што ја изнајмил пријател, „недостасуваше“ простор помеѓу задниот ѕид од спалната соба и гаражата. Подоцна ја најдовме иверицата со шарки и сфативме дека зад неа има просторија покриена со фолија и со приклучоци за светилки“, открило едно лице.