Технологија

Епл опаѓа веќе трет квартал по ред: Продажбата на Ајфони не оди најдобро

Компанијата Apple го објави резултатот за кварталот од април до јуни, од што произлегува дека приходите на оваа компанија паднале за еден процент на годишно ниво, односно на 81,8 милијарди долари.

За Apple споменатиот квартал претставува трет квартал од фискалната година.

Намалената заработка по акција на Apple се зголеми на годишно ниво за пет отсто, на 1,26 долари по акција, како што е наведено на веб-страницата на компанијата.

- Со задоволство ја информираме јавноста дека во овој квартал бележивме рекорден приход во услужниот сектор. Имаме преку милијарда претплатници, што го поттикна овој раст - изјави шефот на Apple, Тим Кук.

Тој ја истакна и добрата продажба на iPhone телефоните на пазарите во развој.

Според Економист, глобалните резултати од продажбата на iPhone не се толку големи, бидејќи приходите од нивната продажба паднале за 2,4 отсто на годишно ниво.

Овој сегмент е многу важен за Apple - приходите од продажбата на iPhone-и претставуваат речиси половина од приходите на американскиот технолошки гигант.

И покрај тоа, нето добивката на Apple се зголеми за 2,3 проценти на годишно ниво, бидејќи бројот на претплатници на дигитални услуги како што е iCloud порасна за 150 милиони во изминатите 12 месеци.

Шоу биз

Хајди Клум блесна во кожени панталони, привлече внимание со чанта од 26.000 евра

Германскиот супермодел Хајди Клум се појави на снимањето на шоуто „America's Got Talent“ во Пасадена, во кое таа е член на жирито.

51-годишната поранешна манекенка и ТВ водителка се појави во црни кожени панталони, бела маица и црна јакна. Комбинацијата ја комплетираше со црни потпетици, ланче и очила за сонце, а вниманието го привлече со раскошна чанта.

Станува збор за чанта „Hermès“, поточно моделот „Birkin Quadrille“, чија цена се движи од 27.500 до 30.000 долари (24.000 до 26.000 евра).

Да потсетиме, Хајди неодамна позираше на црвениот тепих со колешката од шоуто, актерката Софија Вергара, а со своите изданија мамеа воздишки. Инаку, Хајди е позната и како кралица на Ноќта на вештерките поради необичните костими, а неодамна објави видео во кое покажа дел од костимот за овогодинешната прослава.

Свет

Остин во разговор со Галант ја истакна потребата за дипломатско решение за заканата од Хезболах

Американскиот секретар за одбрана Лојд Остин претходно денеска разговарал со израелскиот министер за одбрана Јоав Галант, соопшти Пентагон.

Остин ја „повтори својата загриженост“ поради ескалацијата на тензиите меѓу Израел и Хезболах, се наведува во соопштението, и ја нагласи вербата на САД во „важноста од постигнување дипломатско решение што ќе им овозможи на жителите безбедно да се вратат во своите домови од двете страни на границата“.

Тој му рекол на Галант дека САД продолжуваат да вршат притисок за договор за ослободување на заложниците и прекин на огнот меѓу Израел и Хамас и ја потврдил посветеноста на САД за безбедноста на Израел. /МИА

Фудбал

Германија поднесе кандидатура за домаќин на женското ЕП 2029 во фудбал

Германија е кандидат за домаќин на Европското првенство во фудбал за жени во 2029 година, соопшти денеска Германската фудбалска федерација (ДФБ).

Претседателот на ДФБ, Бернд Нојендорф изјави дека германската кандидатура е „главен проект“ на федерацијата и дека ќе му даде „дополнителен поттик“ на женскиот фудбал во Германија.

Противкандидати на Германија за организација на завршниот турнир се Португалија, Данска и Шведска.

Европската фудбалска унија (УЕФА) официјално ќе го објави името на земјата домаќин во 2025 година.

Генералниот секретар на ДФБ, Хајке Улрих, ја смета Германија за „сигурен домаќин со одлична стадионска инфраструктура и одлична соработка меѓу градовите домаќини и локалните власти“.

Германија беше домаќин на Европското првенство за мажи во 2024, а го организираше ЕП за жени во 1988 година, во Западна Германија и во 2001 година. /МИА

притисни ентер