Свет

Експлозија во израелската амбасада во Стокхолм, пронајдено оружје

Голема полициска акција е во тек во израелската амбасада во Стокхолм. Според информациите, полицијата пронашла оружје и чаура.

„Во областа се слушна експлозија, а ние сме таму и проверуваме“, изјави портпаролката на полицијата Надја Нортон.

Полицијата се наоѓа во израелската амбасада на улицата Страндвеген во Стокхолм со неколку полициски возила, откако дојавата стигнала нешто пред 18 часот вечерва.

Според извештаите на ТВ4 Нихетерн, полицијата се сомнева дека дошло до пукање. Оружјето и чаурата се пронајдени во амбасадата.

Најмалку десет полициски автомобили се на местото на настанот, а областа сега е опколена и кучиња ја пребаруваат областа.

„Постои квалификација за кривично дело, но во овој момент не сакаме да го откриеме“, рече Надја Нортон, додавајќи дека не може да коментира дали има осомничени или дали инцидентот бил насочен кон амбасадата.

Засега не е пронајдено повредено лице. Од полицијата за ТВ4 Нихетерн изјавија дека нема опасност за јавноста, а воедно ги повикаа граѓаните да достават каква било информација.

„Разговараме со сведоци и ги прегледуваме камерите во областа. Доколку некој нешто видел и сака да го сподели со полицијата, ве молиме контактирајте нѐ“, рече Надја Нортон.

Во текот на годината неколкукратно беше зголемено обезбедувањето во амбасадата, меѓу другото, по сомнително пукање во околината и откако беше пронајден опасен предмет.

Во мај, вооружени млади мажи беа уапсени кога сакаа да ја нападнат израелската амбасада. Подоцна, 15-годишно момче беше осудено за тежок прекршок со оружје.

Свет

Авион итно слета поради чуден мирис во кабината, стјуардеса заврши во болница

Стјуардеса на австралискиот Qantas била итно пренесена во болница откако „необичен мирис“ вчера довел до неочекувано пренасочување на летот.

Боингот 737 бил во воздух повеќе од два часа пред да слета на пистата на аеродромот Кингсфорд Смит во Сиднеј, нешто по 21 часот, според податоците објавени на веб-страницата Flight Aware.

Компанијата „Квантас“, која е национална авиокомпанија на Австралија, одговорила за Фокс Бизнис дека чудниот мирис во авионот предизвикал пренасочување на летот.

„Авионот од Сиднеј до Велингтон се врати во Сиднеј откако беа примени извештаи за необичен мирис во кабината“, рече портпаролот.

„Авионот безбедно слета и ќе биде прегледан од инженери пред да се врати во употреба“.

Портпаролот додаде дека стјуардеса била пренесена во болница на лекарски преглед, но не ги откриле нејзините симптоми или здравствената состојба. Патниците и пилотите не биле загрозени.

Наводно, немало чад во кабината и пренасочувањето не било третирано како итно слетување.

Претставник на компанијата додаде дека Qantas работи на обезбедување сместување и алтернативи за патниците погодени од пренасочувањето.

„На патниците ќе им биде обезбедено сместување и ќе бидат пренасочени на следниот достапен лет“, се вели во соопштението.

„Се извинуваме што им го прекинавме патувањето и им благодариме за разбирањето.“

Qantas активно го истражува инцидентот. Засега нема дополнителни информации.

Регион

Жител од поплавената Јабланица: Синот одеше зад мене, кога го однесе бран од три метри (ВИДЕО)

Мухамед Беговиќ од Јабланица го загубил синот во поплавите што рано утринава го зафатија овој град.

Тој за порталот „Аваз“ изјави дека сѐ се случило во рок од 15 минути.

„Во куќата беа син ми, невестата, сопругата, внукот и внуката. Почнавме да излегуваме од дома. Синот одеше зад мене, малку се сврте и дојде голем бран. Веројатно беше три метри. Синот само исчезна. Каде да одам сега? Освен мојот син, другите преживеаја, сите сме згрижени, има каде да спиеме.“

Автомобилизам

Cybertruck е повторно повлечен- Тесла се соочува со нови проблеми

Tesla се соочува со нов проблем на својот футуристички Cybertruck, овој пат поврзан со задната камера, што бара итна поправка.

Овој проблем влијае на 27.000 возила произведени помеѓу ноември 2023 и септември 2024 година, што значи дека практично сите модели на Cybertruck на патиштата ја бараат оваа поправка.

Според извештајот доставен до американската Национална управа за безбедност на сообраќајот на патиштата (NHTSA), проблемот е поврзан со доцнењето во прикажувањето на сликата од задната камера, која може да се појави дури по 8 секунди кога се префрла во рикверц. Ова доцнење може да влијае на способноста на возачот јасно да ја види ситуацијата зад возилото, зголемувајќи го ризикот од судар. Од Тесла наведуваат дека досега немало несреќи, повредени или смртни случаи поврзани со овој проблем.

Tesla најави дека ќе го поправи овој дефект со бесплатно ажурирање на софтверот, но додека тоа не биде достапно, ги советува возачите да ги користат своите ретровизори и да извршат визуелна проверка при возење наназад.

Ова е петто повлекување по ред што влијае на Cybertruck од неговото лансирање во ноември 2023 година, а исто така е најголемо до сега. Претходните повлекувања вклучуваат проблем со капакот на педалот за гас, што може да предизвика несакано забрзување на возилото, како и проблем со преголемиот бришач на шофершајбната што може да откаже.

Иако Tesla се обидува да ги реши овие проблеми со ажурирања на софтверот, оваа серија на повлекувања покренува прашања за доверливоста и квалитетот на Cybertruck. Сепак, компанијата покажа брзина и ефикасност во решавањето на проблемот без потреба од носење на возилото до сервисен центар.

притисни ентер