Македонија

Екс премиерот Груевски ќе чека нов термин за отслужување на казната затвор

Експремиерот Никола Груевски ќе чека нов термин да се јави во затворот во Шутка за извршување на двегодишната затворска казна, која му беше досудена за набавката на луксузниот Мерцедес.

Според упатниот акт, тој требаше најдоцна до денеска да се пријави во затворот, но поради поднесените жалби до Кривичниот суд за одложување на затворската казна терминот се пролонгира.

Од Судот велат дека рокот за поднесување на жалбите истекува денеска, а досега почнале да пристигаат поединечните жалби на сите адвокати од тимот на Груевски, а се чека и личната жалба од него, по што ќе почне да тече рокот од три дена во кој Кривичниот совет ќе треба да одлучи дали ќе го одложи издржувањето на казната.

Ова е предвидено во членот 91 од Законот за извршување на санкциите.

Имајќи го во предвид членот 91 од Законот за извршување на санкциите значи дека Кривичниот совет по жалбите на Груевски мора да одлучи најдоцна до понеделник, но одлуката може биде донесена и утре. Во случај доколку тие ги одбијат жалбите, експремиерот ќе мора да оди во затворот во Шутка.

Каква одлука и да биде донесена, Груевски ќе може да се жали и до Врховниот, откако предметот ќе биде комплетиран во Кривичниот суд. Меѓутоа, овој процес нема да го одложи евентуалното влегување во затвор на експремиерот.

Како можна опција од вчера се актуелизираше и алатката за помилување со која може да располага претседателот Иванов. Ова се наметна по вчерашниот протест за “Правда за Груевски” кој се одржа пред Кривичнит суд, во кој демонстрантите побараа од претседателот да го запре, како што велат, политичкиот прогон.

Премиерот Заев денеска не сакаше да го коментира барањето на демонстрантите, рече дека не верува оти ќе се случи амнестија.

Вчера собраниската Комисија за мандатно-имунитетни прашања донесе одлука за одземање на мандатот на Груевски, но најавите на двете опозициски пратенички групи дека ќе гласаат „против“ на пленарната седница, која ќе се одржи утре, укажуваат на тоа дека нема да има двотретинско мнозинство за Груевски да остане без пратеничката функција.

Фудбал

Варан го напушта Манчестер јунајтед

Варан е дел од Манчестер Јунајтед од 2021 година, кога дојде како засилување од Реал Мадрид.

Дефанзивецот Рафаел Варан е подготвен да го напушти Манчестер Јунајтед на крајот од сезоната кога ќе му истече актуелниот договор, а клупското раководство е сè поблиску до одлука да му дозволи на 31-годишниот фудбалер да си замине како слободен играч на лето, пренесува денеска Би-Би-Си.

Варан е дел од Манчестер Јунајтед од 2021 година, кога дојде како засилување од Реал Мадрид.

Тренерот на Јунајтед, Ерик тен Хаг, вчера изјави оти се надева дека дефанзивецот ќе биде подготвен за настап за денешниот домашен натпревар против Барнли во 35. коло од Премиер лигата.

Јунајтед е шестопласиран на табелата во Премиер лигата со 53 бодови.

Регион

Брнабиќ: Во следните 48 часа ќе има седница на која Вучевиќ ќе предложи министри

 Во следните 48 часа ќе има седница на која Вучевиќ ќе предложи министри за новата влада.

Претседателката на Собранието на Србија, Ана Брнабиќ, денеска изјави дека очекува во следните 48 часа, седница на Претседателството на Српската напредна странка, на која нејзиниот претседател Милош Вучевиќ би презентирал кого предлага за министри во новата Влада.

Рокот за нејзино избирање во Собранието е 6 мај, така што ќе работиме следната недела, изјави таа, пренеесе Бета.

Според неа, Србија ја чекаат големи и тешки битки за националниот интерес и претстои „тежок мај“.

Свет

Протестите во кампусите на универзитети во САД против војната во Газа продолжија

Протестите во кампусите на универзитети во САД против војната во Газа продолжија, професорите ги поддржуваат студентите.

Студентите кои протестираат против војната меѓу Израел и Хамас на универзитетите низ САД денеска ветија дека ќе продолжат со демонстрациите, а професорите ги осудија претседателите на универзитетите кои повикаа полиција да ги отстрани демонстрантите од кампусите.

Додека Универзитетот Колумбија продолжува да преговара со пропалестинските демонстранти, советот на универзитетот во петокот усвои резолуција за формирање работна група за истрага на раководството на администрацијата, која минатата недела ја повика полицијата да ги евакуира студентите, што резултираше со застој и повеќе од 100 приведени.

Полицијата привела околу 100 луѓе денеска наутро во обид да го расчистат пропалестинскиот протестен камп на Нортистерн Универзитетот во Бостон поради антисемитски навреди, соопштија од НВУ.

Акцијата беше преземена откако демонстрантите кои прибегнаа кон „вирулентни антисемитски навреди, вклучително и „Убиј ги Евреите“, ја преминаа границата“, се вели во соопштението на универзитетот на Х.

Иако универзитетот постојано поставуваше, а потоа ги одложуваше роковите за отстранување на кампот поставен од демонстрантите, универзитетот испрати е-пошта до студентите во петокот вечерта во која се вели дека враќањето на полицијата во кампусот во овој момент би било контрапродуктивно, јавија американсккте медиуми.

притисни ентер