Поранешната претседателка на Врховниот суд на Црна Гора, Весна Меденица денеска е осудена на шест месеци затвор, бидејќи сторила кривично дело злоупотреба на службената положба во врска со поранешниот судија на Основниот Суд на Рожаје, Милосав Зекиќ.

Адвокатот на Меденица ја најави жалбата.

Специјалното државно обвинителство поднесе обвинителен акт против Меденица во кој се товари дека незаконски и без знаење на членовите на Судскиот совет донела одлука и го архивирала предметот на судијката од Основниот суд во Рожаје.

Во образложувањето на пресудата, судијката наведе дека во конкретниот случај Меденица смислено му помогнала на Зекиќ да оствари корист, бидејќи била должна да го извести Судскиот совет за претставката на граѓаните кои укажувале дека судијата незаконски прима пари.

Меденица во завршните зборови побара ослободителна пресуда бидејќи, како што рече, обвиненијата против неа немаат фактичка основа./МИА

„Амнести интернешнл“ (Amnesty International) на платформата Икс сподели видео и повика на итно ослободување на жената, за која тврди дека била „насилно уапсена на 2 ноември, откако ја соблекла облеката во знак на протест против навредливото спроведување на задолжителното превез од страна на безбедносните службеници“.

Специјалната известувачка на Обединети нации за Иран, Маи Сато на Икс во саботата објави дека „внимателно ќе го следи овој инцидент, вклучително и одговорот на властите“.

Идентитетот на жената сè уште не е познат, но портпаролот на Универзитетот Азад изјави дека таа страдала од „ментално растројство“ и е пренесена во „психијатриска болница“.

Иранска добитничка на Нобеловата награда за мир, Наргес Мохамади, која моментално е во затвор во Иран, издаде соопштение во кое истакнува дека е сериозно загрижена за случајот.

- Жените ја плаќаат цената за пркосот, но ние не потклекнуваме пред на сила, истакна Мохамади.

Таа додаде дека студентката која протестираше на Универзитетот го претворила своето тело во симбол на непокор и побара нејзино ослободување и крај на насилството врз жените.

Во меѓувреме, иранските медиуми објавија видео од маж со заматено лице, кој тврди дека е поранешен сопруг на жената и ја замоли јавноста да не го споделува видеото поради нејзините две деца.

Според некои објави на социјалните мрежи жената при апсењето припадниците на моралната полиција ја претепале до смрт.

Голем број Иранци на социјалните мрежи наведоа дека чинот на жената бил намерен протест и го прикажаа дел од движењето „Жена, живот, слобода“ (Women, Life, Free), кое се спротивставува на задолжителното носење на хиџаб. /МИА

Министерството за трговија на Кина, според сопствените зборови, со жалбата сака да ги заштити развојните интереси на индустријата за електрични возила и смета дека високите царини на Европската унија се пример за трговски протекционизам, пренесува Блумберг.

„Кина смета дека конечната одлука на ЕУ за мерките против субвенционирање нема фактичка и правна основа, дека ги прекршува правилата на Светската трговска организација и претставува злоупотреба на трговските правни лекови“, се вели во соопштението на портпаролот на кинеското министерство.

Официјален Пекинг ја повика Европската унија „да се соочи со своите грешки и веднаш да ги исправи своите незаконски практики“.

Европската комисија одлучи, по неколкумесечна истрага и преговори со кинеската страна, да воведе царини за увоз на електрични возила произведени во Кина, кои стапија на сила на 31 октомври и ќе важат во следните пет години, пренесуваат медиумите. /МИА