ЕК ќе одвои 1,8 милијарди евра за хуманитарна помош за 2024 година

Европската Комисијата усвои првичен годишен хуманитарен буџет од повеќе од 1,8 милијарди евра за оваа година.

Во услови на зголемена потребна од хуманитарна помош ширум светот, при што се проценува дека таа им е неопходна на речиси 300 милиони луѓе, Европската Комисијата усвои првичен годишен хуманитарен буџет од повеќе од 1,8 милијарди евра за оваа година, соопшти денеска портпаролот на ЕК за хуманитарна помош и кризен менаџмент Балаш Ујвари.

Од овие средства, како што јави дописникот на МИА од Брисел, околу 115 милиони евра ќе бидат насочени кон Југоисточна Европа и европското соседство, приоритетно за справување со последиците на руската агресија врз Украина, како и за финансирање проекти за тековните потреби на земјите од Западниот Балкан и реонот на Кавказот и за надминување на ефектите од минатогодишните земјотреси во Сирија и Турција.

Ујвари најави дека од вкупната хуманитарната помош на Европската комисија во 2024 година, речиси 470 милиони евра ќе бидат распределени на Блискиот Исток и Северна Африка за покривање на екстремните хуманитарни потреби во Газа, за палестинските цивили, како и за потребите поврзани со конфликтите во Сирија, Либан, Јемен и соседните земји.

- Речиси 200 милиони евра се наменети за решавање на последиците од присилното раселување, недостигот на храна, акутната и хронична неухранетост, природните опасности и епидемиите во Сахел - Буркина Фасо, Мали, Мавританија и Нигер, Централноафриканската Република и басенот на езерото Чад - Чад, Камерун и Нигерија, кои се поттикнати од конфликтите, несигурноста и климатските промени, нагласи Ујвари.

[Два лета од Бриндизи треба да полетаат денеска и утре со 55 тони производи донирани од ЕУ за Светската програма за храна. Дополнително, следната недела од Букурешт треба да полетаат уште три]

Дополнително, околу 346 милиони евра ќе бидат наменети за поддршка на лицата погодени од долгорочните вооружени конфликти и екстремни временски услови во Источна и Јужна Африка, меѓу кои и во Судан, Јужен Судан, Уганда, Мадагаскар, Мозамбик, Џибути, Етиопија, Кенија и Сомалија.

Хуманитарна помош од 186 милиони евра ќе бидат одвоени за помош на најранливите популации во Јужна Азија и на Пацификот, насочени главно кон хуманитарниот одговор во Мјанмар, Бангладеш и Филипините, како влијанието на климатските промени во регионот.

Вкупно 111,6 милиони евра ќе бидат одвоени за Централна и Јужна Америка и Карибите, како одговор на влијанието на кризите во Венецуела и на Хаити, хуманитарните последици од вооружениот конфликт во Колумбија, како и на насилство во Централна Америка, Мексико и Еквадор и на честите природни опасности.

Околу 315 милиони евра се резервирани за одговор на итни случаи и непредвидени хуманитарни кризи кои може да се појават во текот на годината, а над 98 милиони евра ќе бидат посветени на активности, иновативни проекти и политички иницијативи, како на пример на повеќегодишните програмски партнерства и зголемување на капацитетот за реакција.

По повод одлуката, комесарот за управување со кризи Јанез Ленарчич, посочи дека Европската комисија ќе продолжи да финансира хуманитарни акции за поддршка на најранливите категории лица независно во кои дек на светот и да се наоѓаат.

[Еврокомесарот за хуманитарна помош, Јанез Ленарчич, повика сите страни во јеменскиот конфликт да дозволат пристап за хуманитарната помош во оваа земја, Европската Комисија денеска одржа соста]

- Како што влегуваме во 2024 година, јазот помеѓу хуманитарните потреби и расположливите ресурси продолжува да се зголемува. Во исто време, потребите за финансирање се многу високи, бидејќи конфликтите се множат и климатската криза се влошува. Во 2023 година, јазот во финансирањето достигна ново рекордно ниво, бидејќи не беа обезбедени ниту 40 отсто од потребните 56,7 милијарди американски долари, изјави Ленарчич.

Според него, во вакви услови, ЕУ ќе продолжи да се залага и да ја мобилизира меѓународната заедница „колективно да го надмине овој алармантен јаз во финансирањето“.

- Во исто време, ќе продолжиме проактивно да придонесуваме за зајакнување на меѓусекторската соработка, особено со развојните актери, за да се изгради локална отпорност за да се обезбеди спас за оние на кои им е потребна и да се ослободи што е можно повеќе луѓе од зависноста од помош, додаде Ленарчич.

Тој потенцира дека во 2023 година над 91 отсто од придонесите за хуманитарна помош доаѓаа од само 20 донатори, меѓу кои првите тројца, вклучително и Европската комисија, обезбедија 58 проценти од глобалното хуманитарно финансирање.

- Оваа глобална заедничка одговорност не може да ја преземе само Европа. Ова е неодржливо. Затоа, од суштинско значење е меѓународната заедница да најде побалансиран и праведен начин за финансирање на хуманитарната помош, во согласност со можностите на секоја поединечна земја, заклучи Ленарчич.

Европската комисија од 1992 година има обезбедено хуманитарна помош во над 110 земји, помагајќи им на милиони луѓе ширум светот секоја година.

Реконструирана спортската сала во скопското училиште „Кузман Јосифовски - Питу“

 Завршена е реконструкцијата на училишната спортска сала во ООУ „Кузман Јосифовски - Питу“ во Општина Кисела Вода. 

Градоначалникот Орце Ѓорѓиевски денеска го посети реновираниот објект, каде е поставена нова ПВЦ подлога и е извршено молерисување на целиот простор.. Со обновата на спортската сала се заокружува целосната реконструкција на ова училиште, информираат попладнево од Општина Кисела Вода.

- Минатата година беше променета кровната конструкција, поставена нова термоенергетска фасада, изграден лифт за децата со посебни потреби, пристапни рампи, специјални тоалети и паркинг - места за овие лица, сензорна соба, со што ова е првото целосно инклузивно училиште во Скопје, пишува во соопштението на локалната самоуправа.

-Ова училиште, претставува вистински одраз на нашата стратегија за унапредување на образованието и поддршка на развојот на нашите најмлади, поддршката на инклузијата и на лицата со посебни потреби, како и стимулирањето на развојот на спортот и подобрување на физичката активност кај децата, се додава во соопштението.

Во изминатите две години, како што наведуваат од Општината, целосно се реконструирани и спортските сали во ООУ „Невена Георгиева - Дуња“, „Партенија Зографски“, а започната е и изградбата на спортската сала во Пинтија, во склоп на училиштето „Рајко Жинзифов“.

-Вложувавме и во изградба на спортски терени во училиштата, па така ООУ „Круме Кепески“ доби ново фудбалско и детско игралиште, повеќе наменско и кошаркарско игралиште во „Партенија Зографски“, спортски терени во „Кирил Пејчиновиќ“, култната „Славија“ стана модерен спортски комплекс, изградивме спортски центар во Пинтија, во Потстаница, спортско рекреативен центар во Дупки, во Оксиген и така натаму. Продолжуваме понатаму, бидејќи ова е насока кон која ќе се движиме и во периодот што е пред нас, вели градоначалникот Ѓорѓиевски.

Вучиќ: Тајван е Кина и секогаш ќе ја има поддршката од Србија

Претседателот на Србија, Александар Вучиќ, во интервју за „China Media Group“ во Белград изјави дека Тајван е територија на Кина и дека Кина секогаш ќе ја има поддршката од Србија, без разлика што прави на тој план, јави дописникот на МИА од Белград.

- Од вас зависи што, кога, како ќе го направите тоа. Точка. За нас тоа е Кина, тоа е политика на Србија, и тоа ќе биде наша политика во иднина. Тоа е ваша територија, ваш народ, а вие сте суверена нација, вие сами носите одлуки. И секогаш ќе ја имате поддршката од српскиот народ. Тоа е тоа, нагласи Вучиќ и додаде дека никогаш нема да го промени ставот за Кина.

Вучиќ ја демантираше таканаречената „теорија на кинеската должничка замка“ и се заблагодари на Кина што го поддржува развојот на Србија преку иницијативата „Појас и пат“.

Во однос на договорот за слободна трговија меѓу Кина и Србија, кој беше потпишан во октомври минатата година, претседателот на Србија рече дека е убеден дека овој документ ќе донесе безброј нови можности за Србија и дека ќе биде подеднакво корисен за Кина, но и од поголемо значење за Србија.

- Договорот ќе отвори огромен пазар за земјоделски производи, како што е квалитетното српско вино. Во исто време, ќе можеме да увезуваме кинески производи по пониски цени. Се повеќе кинески компании и обични луѓе ќе доаѓаат кај нас за соработка помеѓу компании и размена на кадри, отворајќи нови врати за развој на Србија, рече Вучиќ.

На новинарско прашање дали може да каже нешто повеќе за иницијативата на Си Џинпинг што тој ја поддржа, а која се однесува на иницијативата за глобален развој, иницијативата за глобална безбедност и иницијативата за глобална цивилизација, Вучиќ одговори дека за тоа разговарал со унгарскиот премиер Виктор Орбан.

Тогаш, како што додаде, и двајцата констатирале дека 15 години слушаат „глупави приказни од Брисел за влошување на ситуацијата во Кина“ и сето тоа време таа има постојан раст од пет до шест проценти, и констатирале дека тоа влошување никогаш нема да се случи.

Од друга страна, како што додаде претседателот Вучиќ, истакнаа дека растот во Европа е меѓу нула и еден процент и потоа се чудеа како воопшто можат да се измерат со Кина.

- И затоа се држам до моите кинески пријатели, бидејќи верувам дека знаат што прават, прават подобри планови, прават подобри програми и имаат нешто што на сите ни недостасува. Вашите луѓе се поупорни, имаат тигарско око кое ние Европејците веќе го немаме. И се обидувам да земам дел од таа енергија, дел од тој ентузијазам, дел од таа амбиција да ја донесам во мојата земја, рече Вучиќ. /МИА

Ултрасите на ПСЖ нема да го исвиркуваат Мбапе иако тој си заминува од клубот

Најжестоките навивачи на Пари Сен Жермен, нема да го исвиркуваат Килијан Мбапе. Се очекува 25-годишниот фудбалер да му се приклучи на Реал Мадрид како слободен играч на крајот од сезоната. 

ПСЖ и Мбапе заеднички ќе го објават заминувањето веднаш штом напаѓачот потпише договор со Мадрид.

Застапниците на Килијан успеа да воспостави односи со влијателни лидери на париската навивачка група, па нивниот однос кон напаѓачот е прилично мек.

„Collectif Ultra Paris“ (CUP) побара да не се исвиркува Мбапе и да не се реагира на било кој начин на информациите за можно заминување на играчот, барем до официјалното соопштение.

Покрај тоа, навивачите можат да организираат свеченост во чест на напаѓачот на крајот на сезоната.

Мбапе постигна 244 гола за ПСЖ - тој е најдобар стрелец во историјата на клубот. /МИА

притисни ентер