Македонија

Две успешни приказни на млади земјоделци, кои својата иднина ја гледаат во земјава

Бројот на земјдолците се намалува од година во година, особено меѓу младите, но тие што се одлучуваат да се занимаваат со оваа дејност се предводници на развојот и осовременувањето на производството по сите европски стандарди..  

Иван Маркоски од Скопје и Иван Шуклев од Гевгелија од сосема два различна краја на земјава се двајца млади земјоделци кои својата иднина ја гледаат во производството на храна во земјава. Иван Маркоски е трета генерација производители на конзумни јајца и тој сега ја раководи од неодамна пуштена во производство најсовремената живинарска фарма не само во земјава туку и на Балканот со проектирано дневно производство од 120 илјади конзумни јајца на ден во најсовремени европски услови, како за живината така и за вработените.

Маркоски заради својата активна улога како млад земјоделец во развојот на живинарството од своите колеги е предложен и е сега претседател на потсекторката група за живинарство која во министерството дава предлози и насоки кои мерки се важни за ова производство да го задоволи целосно домашниот пазар и полека да се ориентира за извоз. А во извозот пак му нема рамен на Иван Шуклев. Тој по долги години едукација во Словенија од пред неколку години се врати во својата родена Гевгелија за да ја раководи продажбата односно извозот на трпезно грозје од најсовремениот лозов насад во земјава од каде целото грозје е наменето за извоз во големите европски ланци на маркети каде предуслов се прецизни правила за безбедност на производството наменето за свежа продажба.

Одгледувањето на грозјето на насадот на Шуклеви е со најсовремени агротехнички мерки како што се произведува грозје во Шпанија, Италија и Грција бидејќи само така може да се планира извоз на европските пазари и да се постигне нивото на безбедност и следливост на трпезното грозје. Во моментов тој произведува од 1,5 до 1,8 милиони килограми што се годишно по 50 шлепери за извоз а веќе подига и нови 40 хектари современи лозови површини за да ги задоволи се поголемите потреби на Европските пазари.

Со своите успешни приказни овие млади амбасадори на современото македонско земјоделство го трасираат и покажуваат патот на идното производство на храна кое е можно само преку постојани инвестиции, едукација и целосна модернизација по најсовремените европски стандарди.

Фудбал

Мбапе: Реал Мадрид ќе се обиде да победи на сите преостанати натпревари до крајот на сезоната

Напаѓачот на Реал Мадрид, Килијан Мбапе изјави дека е во добра форма и дека ќе даде се од себе за да му помогне на кралскиот клуб да ги добие сите преостанати натпревари оваа сезона.

-Тимот и јас сме во добра форма. Ја започнавме годината одлично, со тежок натпревар против Валенсија, кој успеавме да го добиеме, а сега продолжуваме на другите тестови. Се надеваме дека ќе победиме и ќе одиграме добро. Има многу натпревари, но како што велат во клубот, мора да победиме на сите и ќе се бориме за да го постигнеме тоа, изјави Мбапе, цитиран од официјалниот сајт на Реал Мадрид.

Мбапе беше избран за најдобар играч на тимот во декември.

-Би сакал да им се заблагодарам на навивачите што гласаа за мене, тоа значи многу. Декември беше одличен месец за мене и за тимот бидејќи го освоивме Интерконтиненталниот куп, многу натпревари во лигата и важен натпревар од Лигата на шампионите, изјави Мбапе.

Во декември, Мбапе одигра шест натпревари за Реал Мадрид, постигнувајќи пет гола и давајќи две асистенции. Вкупно, во оваа сезона од шпанското првенство, фудбалерот одигра 16 натпревари, на кои постигна 10 гола и направи две асистенции. Има и шест настапи, два гола и една асистенција во Лигата на шампионите./МИА

Свет

Сирискиот министер за надворешни работи во официјална посета во ОАЕ

Новоназначениот министер за надворешни работи на Сирија, Асад Хасан Ал Шибани, пристигна во Обединетите Арапски Емирати (ОАЕ) како дел од регионална турнеја што ги вклучи Саудиска Арабија и Катар.

Ал Шибани е придружуван од министерот за одбрана Мурхаф Абу Касра и шефот на разузнавачките служби Анас Хатаб. За време на посетата, Ал Шибани изрази надеж за градење на „конструктивни односи“ меѓу Сирија и ОАЕ.

Сириските власти бараат поддршка од земјите од Персискиот Залив за обновата на земјата по повеќе од 13 години војна. Емиратите беа меѓу првите што го поддржаа враќањето на Сирија во Арапската лига во 2023 година. /МИА

Свет

Зеленски: Прво договор со Трамп, потоа преговори со Путин

Украинскиот претседател Володимир Зеленски изјави дека прво сака да се сретне со идниот американски колега Доналд Трамп за да договорат мировен план пред да започнат какви било преговори со рускиот лидер Владимир Путин.

- Прво со Трамп. Ќе се договориме со него како да ја завршиме војната, како да го запреме Путин, изјави Зеленски во тричасовно интервју со американскиот поткастер Лекс Фридман. Тој нагласи дека е „многу важно Европа да има глас“ во овие дискусии.

Зеленски смета дека гаранциите за безбедност на Украина ќе бидат ефикасни само доколку ги обезбедат САД, нагласувајќи: „Без САД, гаранции за безбедност не се возможни. Такви гаранции се потребни за да се спречи руска агресија.“

Украинскиот претседател истакна дека предложил замрзнати руски средства во вредност од 300 милијарди долари да бидат искористени за купување американско оружје, пренесува Укринформ./МИА

притисни ентер