Свет

Двајца членови на Нобеловиот комитет си поднесоа оставка

Двајца надворешни членови на Нобеловиот комитет си поднеле оставка откако изнеле критики на сметка на шведската академија.

Писателот Кристофер Леандор навел дека дава оставка на членството во Комитетот затоа што, како што образложил, нема ниту време ниту трпение да чека тоа тело да се реформира.

Тој, меѓутоа, напоменал дека неговата одлука не е поврзана со одлуката на Комитетот да додели Нобелова награда за 2019 година на австрискиот писател Питер Хандке.

Шведската книжевничка и критичарка Гун- Брит Сундстром од друга страна како причина за поднесување на оставка го наведува токму доделувањето на Нобелова награда на австрискиот писател Питер Хандке.

Таа во соопштението навела дека од образложението за доделувањето на наградата на Хандке може да се заклучи дека книжевноста е над политиката, истакнувајќи дека таа не се согласува со тој став.

Хандке е критикуван поради прикажување на Србија како жртва за време на балканските војни и присуствување на погребот на поранешниот југословенски претседател Слободан Милошевиќ.

Фудбал

Баерн Минхен подготвува огромна сума за Френки де Јонг

 Раководството на Баерн Минхен ќе се обиде да го привлече играчот од средниот ред на Барселона, Френки де Јонг, пренесе „Скај“.

Шефовите на баварците за него подготвиле 75 милиони евра.

Минатото лето Барселона сакаше да го продаде Френки Де Јонг поради финансиски проблеми, но играчот од средниот ред сепак остана во тимот.

Се наведува дека раководството на тимот од Минхен веќе стапил во контакт со претставниците на Де Јонг за да ги дознаат условите на самиот играч.

Барселона би била подготвена да го продаде холандскиот репрезентативец во договор со слични финансиски параметри.

За Барселона најголем проблем е високата плата и поради финансиски проблеми на лето ќе мора повторно да продава играчи.

Живот

Светска програма за храна на ОН-Луѓето во Газа се соочени со „целосно гладување“

Светска програма за храна на ОН: Луѓето во северниот дел на Појасот Газа се соочени со „целосно гладување“.

Шефицата на Светската програма за храна на Обединетите нации (ОН), Синди Мекејн, предупреди дека луѓето во северниот дел на Појасот Газа сега се соочени со „целосно гладување“.

Таа за ТВ мрежата NBC изјави дека е тешко за гледање и дека катастрофалната ситуација се шири кон југ.

„Има гладување, целосно гладување на север и се шири кон југ. Тоа е ужас“, изјавила Синди Мекејн, пренесува Си-Ен-Ен.

Таа додаде дека нејзината организација бара прекин на огнот и непречен пристап до Газа со цел да испорача хуманитарна помош.

Живот

Папата им го честиташе Велигден на православните христијани

Поглаварот на Римокатоличката црква, папата Франциск денеска им го честиташе Велигден на православните христијани и верниците од источните цркви кои го слават според јулијанскиот календар, пренесе Ватикан њуз.

- Со најтопли чувства упатувам честитки до браќата и сестрите од православните цркви и некои источни цркви кои денеска го слават Светиот Велигден според јулијанскиот календар. Нека воскреснатиот Господ ги исполни сите заедници со радост и мир и да ги утеши оние кои поминуваат низ искушенија, рече папата на крајот од традиционалната неделна миса на плоштадот Свети Петар во Ватикан.

Во својата проповед пред неделната молитва, папата повторно повика на молитви за жртвите од поплавите во Бразил, како и за мир во Украина, Израел и на палестинските територии.

притисни ентер