Руското Министерство за одбрана подготвило документ со прогноза за развојот на воената и политичката состојба во светот до 2045 година, кој постои можност преку владите и претставниците на странските земји да се обидат да го пренесат во новата американска администрација, дознава агенцијата Интерфакс-Украина од извор во украинската разузнавачка заедница.

Според извори на агенцијата, Русија со овој документ ќе се обиде да ја промовира идејата за укинување на политичкиот субјективитет на Украина и поделба на нејзината територија на три дела. Руската Федерација планира да инсистира на вклучување на еден од тие делови во веќе целосно или делумно окупираните региони на Украина.

Вториот дел, кој документот го нарекува „проруски државен ентитет“ и го вклучува Киев, предвидува формирање на државен ентитет со проруски власти и руско воено присуство. Третиот дел во документот се нарекува „спорни области“ и ги опфаќа западните региони на Украина. Кремљ верува дека нивната иднина би можела да се решава меѓу Русија и другите соседни земји - Унгарија, Полска и Романија.

Исто така, според документот кој завршил кај украинската разузнавачка заедница, Кремљ предвидува развој на меѓународните процеси преку четири главни сценарија.

Во сценаријата „Формирање мултиполарен свет и поделба на сферите на влијание на водечките актери“ и „Регионализација/хаотизација“ Русија предвидува победа над Украина и развој на ситуација во светот која е прифатлива за Москва. Од друга страна, сценаријата „Доминација на САД и Западот“ и „Стекнување статус на водечка светска сила од Кина“ Русите ги оценија како неповолни, што може да се случи во случај на губење или замрзнување на војната со Украина.

Договорот на шпанскиот тренер би истекол на крајот од оваа сезона, но по потпишувањето на нов, Гвардиола ќе остане во Манчестер 11 сезони.

Тој го презеде Сити во 2016 година и освои 18 трофеи, вклучувајќи шест титули во Премиер лигата и Лигата на шампионите.

"Манчестер Сити ми значи многу. Ова е мојата деветта сезона. Доживеавме толку многу неверојатни моменти заедно. Имам навистина посебно чувство и затоа сум многу среќен што останувам уште две сезони", изјави Гвардиола за веб-страницата на клубот.

Тој го предводеше тимот до четири последователни титули во Премиер лигата, што е рекорд во лигата, како и до тројната круна во 2023 година, односно три трофеи во една сезона - титулата во Премиер лигата, Лигата на шампионите и ФА Купот.

„Го кажав ова многу пати досега, но имам сѐ што еден тренер би можел да посака и го ценам тоа многу. Се надевам дека можеме да додадеме уште трофеи на оние што веќе ги освоивме. Тоа ќе биде мојот фокус“, додаде Гвардиола.

Најдолго остана во Сити како тренер, откако работеше четири години во Барселона и три во Баерн Минхен.

Можно е да мислела дека ништо лошо нема да ѝ се случи, додека со телефон сакала да ги овековечи невремето и брановите кои го зафатија брегот на италијанската населба Камољи, во областа Џенова.

Сепак, жената била во голема заблуда. Додека го снимала невремето, дошол голем бран и ја однел. Снимката е објавена на социјалните мрежи и брзо стана вирална.

За среќа, таа завршила на блиската плажа и очигледно без некои посебни повреди, пренесува Fanpage.it.

Инаку, невремето не го зафати само Камољи, туку и други делови од Италија, каде однесе два рибарски чамци и дел од покрив на училиште, соопштија надлежните.

Агенцијата за заштита на животната средина до петок предупредуваше на невреме со можни бранови и до седум метри, апелирајќи до граѓаните да посветат максимално внимание на себе и на имотот.