Македонија

Директорот на АХВ,Атанасов реагира по соопштението на Трипуновски за нивната средба

Дополнителниот заменик министер за земјоделство, шумарство и водостопанство Цветан Трипуновски не може да ја прикрие својата неспособност со ширење лаги и манипулации.

Целосно се невистинити и шпекулантски информациите што ги изнесе по нашата средба завчера. Покажа и дека нема елементарни познавања за политиките и постапките што се преземаат при пасивен и активен надзор на болестите, посебно на африканската свинска чума, изјави денеска директорот на Агенцијата за храна и ветеринарство (АХВ), Зоран Атанасов.

Атанасов на прес-конфернција попладнево напомена и дека кога дошол на функцијата директор во АХВ, наследил хаос и индиции за нетранспарентно работење. За разлика од времето кога со Агенцијата раководеше ВМРО-ДПМНЕ, денес, потенцира тој, оваа институција е максимално транспарентна, а јавноста е навреме запознаена со евентуалните опасности од појава на болести.

– Инспекциските служби будно ја следат состојбата. Пасивниот надзор се спроведува согласно донесените акти, а на секоја пријава од граѓани, ветеринари или институции за некаков сомнеж, веднаш се излегува на терен за да се преземат соодветни мерки, рече Атанасов, демантирајќи ги искажувањата на Трипуновски.

Досега, информира Атанасов, е постапено по неколку пријави за пронајдени мртви диви свињи во регионите на Крива Паланка, Свети Николе, Куманово и Водно. По направените анализи за африканска чума, добиени се негативни резултати. Атанасов потсети и дека во октомври лани на граничниот премин Деве Баир беше спречен внес на пратка со свинско месо која по спроведените анализи покажа дека е позитивна на вирусот.

Според директорот на АХВ, со појавата на болеста во регионот, мерките за контрола значително се засилија. И покрај оценките на соседните земји дека и кај нас ќе се појави африканска свинска чума, досега тоа не се случи.

– Реализирани се 225 контроли со кои е утврдено дека постојат 97 одгледувалишта со висок ризик во земјава. Од нив, кај 67 е спроведена депопулација, а во моментов има 29 одгледувалишта со висок ризик, подвлече Атанасов.

Тој најави и дека за оваа година веќе се обезбедени потребните средства за активен и пасивен мониторинг на болеста.

Во однос на микрочипирањето на домашните миленици за кои Трипуновски исто така се осврна во соопштението по средбата, Атанасов рече дека заклучно со 17 февруари годинава се чипирани вкупно 81.021 миленик, 77.559 кучиња, 3.461 мачка и една ласица.

Атанасов соопшти и дека по доставениот налог од АХВ за контрола на бездомните животни, добиени се 61 програма од општините. Притоа, 37 се одобрени, а 24 се вратени на доработка. Одобрени се, додаде, и 14 прифатилишта за бездомни животни.

– Само да потсетам дека до јуни 2017 година имаше нула поднесени и одобрени програми од општините, а од осум одобрени прифатилишта, две не беа во функција. Исто така, претходното раководство на АХВ во 2016 година чекаше болеста јазлеста кожа кај говедата да почне да се шири и беснее, дури потоа ја извести јавноста иако сите научни институции предупредуваа на опасноста уште во 2015 година, потенцира директорот на АХВ./МИА

Живот

„Највалканиот човек на светот“ 60 години не користел вода и сапун (ВИДЕО)

Во октомври 2022 година, медиумите ја објавија смртта на Аму Хаџи, кој беше познат како „највалканиот човек на светот“, во Иран.

Оваа „титула“ ја заслужил затоа што не се капел шест децении, а за последен пат ги затворил очите на 96 години.

Аму секогаш бил покриен со прашина и пепел, живеел во колиба направена од чакал, но бил виден и како спие во дупки што ги ископал самиот.

Еден новинар опишува дека „изгледал како карпа“ и дека се вклопувал во околината поради тоа колку бил валкан и сив, пренесува LadBible.

Непосредно пред неговата смрт, мештаните успеале да го убедат конечно да се избања. Се разбира, двата настани не се причинско-последично поврзани, бидејќи Аму починал од старост.

Се поставуваат прашања зошто 60 години избегнувал вода и сапун. Се верува дека страдал од аблутофобија, односно „постојан неоправдан страв од капење или миење“.

Наводно се плашел дека ќе се разболи ако се исчисти, односно дека водата и сапунот предизвикуваат болести.

Зборувајќи за фобијата која е поизразена кај децата, па кај жените, па дури потоа кај мажите, д-р Сива Лечор од клиниката „Толедо“ рече:

„Аблутофобијата е исклучително ретка. Во моментов почесто го гледаме кај постарите лица. Обично кај луѓе кои имале трауматски искуства во минатото“, објасни д-р Лечор.

Локалните новинари со години се обидувале да добијат информации за неговото минато и што го навело Аму да води ваков начин на живот. Вистината никогаш не била откриена.

Живот

Мајка си го фрлила болниот шестгодишен син во река полна со крокодили, таткото барал да го убие

Мајка го фрлила својот болен шестгодишен син во река полна со крокодили кои го растргнале, откако сопругот и татко на момчето ѝ рекле да се ослободи од него бидејќи малото момче било родено со физички маани.

Овој страшен настан се случил во Индија.

Како што пренесува „Дејлимејл“, Савитри Кумар (26) се скарала со сопругот Рави Кумар (27) кој ѝ наредил да се ослободи од малото дете кое тешко зборувало.

Таа го земала својот син додека спиел и го фрлила во блискиот канал полн со крокодили. Случајот, како што пренесува „The New Indian Express“, се случил во Утара Канад, област на западната индиска држава Карнатака.

Полицијата навела дека сопругот ѝ се пожалил на сопругата зошто таа родила дете со неизлечива мана. Сведоците кои ја виделе мајката како го фрла синот во каналот веднаш повикале полиција која почнала да трага по момчето. Потрагата набрзо била завршена поради темнината, а неговото осакатено тело било пронајдено во реката во неделата наутро.

Малото момче се здобило со страшни повреди и му била одгризана едната рака. Полицијата верува дека телото го растргнале неколку крокодили. Наредена е обдукција за да се утврдат точните причини за смртта.

Полицијата за локалните медиуми потврдила дека е покрената истрага за убиството и дека двајцата родители се уапсени.

Свет

Расте бројот на жртви во катастрофалните поплави во Бразил, спасените гладуваат (ВИДЕО)

Спасувачите се обиделе да ги евакуираат луѓето затрупани од разорните поплави низ јужната бразилска држава Рио Гранде до Сул, при што 90 лица се мртви, а очајните преживеани се обидуваат да дојдат до храна и основни потреби.

На периферијата на градот Елдорадо до Сул, 17 километри од главниот град на државата Порто Алегре, многу луѓе кои ги напуштиле своите домови спиеле покрај патот и изјавиле за Ројтерс дека се гладни. Цели семејства заминале пеш, носејќи работи во ранци и колички за пазарење.

„Немавме храна три дена и само што го добивме ова ќебе. Јас сум со луѓе кои воопшто не ги познавам, не знам каде е моето семејство“, рече млад човек кој се претставил како Рикардо Јуниор.

Поплавите ги отежнале спасувачките напори, при што десетици луѓе се уште чекаат да бидат евакуирани со чамец или хеликоптер од погодените домови. Мали чамци ги преполнија поплавените улици во потрага по преживеани.

Агенцијата за цивилна заштита на земјата соопшти дека бројот на загинати се искачил на 90, додека уште четири смртни случаи се истражуваат, а 131 лице се водат како исчезнати, додека 155.000 луѓе останале без покрив над главата.

Обилните дождови кои почнаа минатата недела предизвикаа излевање на реките, потопувајќи цели градови и уништени се патишта и мостови.

Во Порто Алегре, град со 1,3 милиони жители на реката Гуаиба, улиците во центарот на градот се под вода.

Жителите на Порто Алегре се соочија со празни полици во супермаркетите и затворени бензински пумпи, додека продавниците ја ограничија продажбата на минерална вода. Градот користел камиони за доставување вода до болниците и засолништата.

Поплавите ги погодија и службите за водоснабдување и електрична енергија, со повеќе од 1,4 милиони погодени луѓе, според Цивилната заштита на Бразил.

Речиси половина милион луѓе останале без струја во Порто Алегре и околните градови бидејќи компаниите за електрична енергија го прекинале снабдувањето со поплавените населби од безбедносни причини. Националниот оператор ОНС соопшти дека поради обилните дождови се исклучени пет хидроцентрали и далноводи.

Бразилскиот претседател Луис Инасио Лула да Силва изјави дека степенот на штетата ќе се знае само кога водите ќе се повлечат. Тој вети федерална помош за државата за она што се смета за најлоша климатска катастрофа.

Економистите на JPMorgan предвидоа дека влијанието на поплавите врз бразилската економија ќе биде удар за растот на БДП и маргинален пораст на инфлацијата, главно поради повисоките цени на оризот, кој главно се произведува во Рио Гранде до Сул.

Покрај уништувањето на критичната инфраструктура, обилните дождови и поплавите ги потопија житните полиња и загина добиток, прекинувајќи ја жетвата на соја и стопирани се работите во неколку погони за месо.

Пристаништето Рио Гранде работи нормално. Главното пристаниште за извоз на жито не е погодено од порастот на нивото на Лагуна дос Патос, во која се влева надојдената река Гуаиба.

Сепак, главните пристапни патишта не се проодни, што ја отежнува испораката на жито до пристаништето бидејќи камионите мораа да направат голем заобиколување, велат извозниците.

притисни ентер