Димоски ја прими наградата „23 Октомври“

Македонскиот идентитет е втемелен во македонскиот јазик и кирилицата

На поетот, есеист и преведувач Славе Ѓорѓо Димоски денеска му беше врачена државната награда „23 Октомври“ за долгогодишно остварување во областа на културата и уметноста.

Димоски одбележува два јубилеја, 65 години од раѓањето и 45 години творештво. Неговата поезија е преведена на над 35 јазици на сите континенти. Автор е на шест книги за деца и четири книги со есеи, а превел над триесетина книги на поети од словенското јазично подрачје. Застапуван е во сите антологии на македонската поезија објавени во Македонија и низ светот по 1982 година. Наградуван е со повеќе домашни и меѓународни награди и признанија, меѓу кои „Браќа Миладиновци“, „Антево перо“, „Ацо Шопов“, Гран при интернационал (Романија), „Сергеј Есенин“ (Русија),... Двапати е добитник и на највисокото охридско признание „Св. Климент - Патрон на Охрид (2000 и 2012). Основач е и долгогодишен раководтиел на фестивалот „Поетска ноќ во Велестово“.

Како што истакна Димоски во обраќањето откако му беше врачена наградата, македонскиот идентитет е втемелен во македонскиот јазик и кирилицата. Јазикот и писмото, рече, се еден од нашите идентитетски столбови.

-Ако поетот замолчи, ќе замолчат и душата и јазикот, а душата на нацијата е и јазикот, порача Димоски.

Според него, поетскиот јазик не е конкурентен на денешниот потрошувачки свет, бидејќи доаѓа од сакралните проблесоци на исконско постоење и цврсто се држи на стожерот на опстојувањето.

-Јазичната политика е во темелот на националната политика. Најзначајниот елемент на културната политика е дека македонскиот идентитет е втемелен во македонскиот јазик и кирилицата. Јазикот и писмото се еден од идентитетските столбови на сите нас. Ако поетот замолчи ќе замолчи и душата на јазикот. А душата на нацијата е и јазикот. На крај ја примам оваа награда во името на оваа вечна земја. На мојата вечна земја. Вечноста и бог се едно исто. Нашата Република е мала но огнена. Таква била Крушевската Република, таква била асномската република, таква е и оваа република денес. Толку ни ги стеснале границите што нема простор за друго име освен за Република Македонија, истакна Димоски.

За него, државната награда „23 Октомври“ е една од најзначајните во земјава.

-Преку основањето на Македонската револуционерна организација на овој ден во 1893 година во Солун, па преку Илинденското востание 1903-та и најважниот документ „Крушевскиот манифест“ кој подоцна се преточи во асномските определби за слободна Македонија и „8 Септември“ конечно Република Македонија да биде слободна самостојна држава, е континуитет кој на највисоко ниво ги изразува слободарските идеи и идеали на македонскиот народ. Јас доаѓам од сферата на литературата и ракувањето со зборовите. Токму Македонската револуционерна организација ја собра тогашната македонска интелигенција, токму во неа се поставени и темелите на идниот стандардизиран македонски јазик, токму од нејзините пазуви се изнедри златната книга „За македонцките работи“ во која К.П.Мисирков го постави фундаментот на идниот современ македонски јазик, потенцира Димоски.

На конкурсот за „23 Октомври“ пристигнале 25 пријави, но Одборот со тајно гласање одлучил државната награда да му припадне на Славе Ѓорѓо Димоски.

Врачувањето, традиционално, се одржа во Кристалната сала на Собранието на Република Северна Македонија.

Државната награда „23 Октомври“ се доделува за долгогодишни остварувања во областа на науката, културата, образованието, заштитата на државните интереси и промоција на државните приоритети, вредности и културно-историското наследство од јавен интерес на Република Северна Македонија.

Силјановска Давкова за одлуката за помилување

Се водев од тоа дека во првиот случај не го знам ни името како беше да бидам искрена делото е, пресудата е 1 година и 3 месеци и делото се однесува на поседување неовластено поседување на оружје и на 5 куршуми. Тоа е делото.

Силјановска Давкова во изјават за ТВ 21 денеска даде одговор зошто ја донела одлуката за помилување на десет осуденици, која опредизвика контроверзии во јавноста..

Во изјава дадена по свечената академија „Завет што обврзува”, претседателката Гордана Сиљановска Давкова за последните помилувања изјави „личностите се навистина интересни во негативна смисла на зборот тоа е факт сега гледам јас“.

-Околу помилувањата прво јас кога ја конституирав комисијата за помилување која е составена од врвни експерти во оваа област и познавачи реков дека ќе ја почитувам нивната работа. Мислам дека кога се даваат коментари се заборава на што. Значи вие делото го анализирате така? Пред се делото. Кога се работи јас веќе и имињата не ги знам да бидам искрена меѓутоа кога јас ги потпишав овие одлуки по што се водев? Се водев од тоа дека во првиот случај не го знам ни името како беше да бидам искрена делото е, пресудата е 1 година и 3 месеци и делото се однесува на поседување неовластено поседување на оружје и на 5 куршуми. Тоа е делото. Веројатно тие се воделе по ова. Да личноста знам која е таа личност но лично јас зборувам за работата на комисијата. Кај вториот случај се работи за дело кое е врзано со насилство или на некоја наплатна станица некоја тепачка и казната е 6 месеци. Веројатно тие се воделе од ова заменувајќи ги обете кај првата е година и три месеци значи кога ги замениле овие казни со условна од три години, да личностите се навистина интересни во негативна смисла на зборот тоа е факт сега гледам јас тоа, но јас велам дека тие се воделе од конкретните дела. Претпоставувам дека има начин значи да се санкционира бидејќи да било делото членство во злосторнички здруженија и јас не знам какви опасни веројатно поинаку би било. Значи јас почитувам знаење, јас потпишувам одлуки меѓутоа јас велам дека никогаш директно нема да се мешам во работата на комисијата, точно е дека го имам последниот збор но мора да се има ова во предвид, изјави претседателката Силјановска Давкова.

македонската претседателка вчера донесе одлука за помилување на десет лица и тоа поранешниот градоначалник на Битола, Владимир Талески, Шенол Маслани, брат на познатиот Шенки Версаче, Акиф Рваманоски, член на наркокланот „Барон“, и Марјан Ефремов, првоосомничен во аферата „Шпион“

Свечена академија по повод 23 октомври под слоганот „Завет кој обврзува“

Под слоганот „Завет кој обврзува“, во Музејот на македонската борба за самостојност се одржа свечена академија по повод 23 октомври - Денот на македонската револуционерна борба.

На свечената академија се обрати премиерот Мицкоски.

Свечената академиоја ја следеше Јана Јосифоска.

Јана какви пораки упати претседателот на Владата, Мицкоски

Во видеото погледнете го целиот извештај.

Фон Дер Лајен на четиридневна турнеја низ западниот Балкан, утре престојува во Скопје

Претседателката на ЕК Урсула Фон дер Лајен утре на еден ден ќе допатува во посета на Македонија, во рамки на нејзината  четиридневна туреја низ Западен Балкан.

Претседателката на ЕК Урсула Фон дер Лајен утре на еден ден ќе допатува во посета на Македонија, во рамки на нејзината четиридневна туреја низ Западен Балкан, со фокус на евроинтегративниот пат на земјите и планот за раст на ЕУ од 6 милијарди евра. Таа во Скопје ќе се сретне со претседателката на државава Гордана Сиљановска Давкова и премиерот Христијан Мицкоски со кого ќе има и заедничка прес-конференција. Според дел од аналитичарите Фон Дер Лајен ќе даде поттик за забрзување на реформите, но сепак не очекуваат дека нејзината посета може да го откочи евроинтегративниот процес на земјава, условен со уставните измени.

-Знајќи дека самата ЕК зависи од поддршката на државите членки верувам дека таа не би направила никаков чекор без да ги исконсултира повлијателните држави членки а кога се работи за нас да направи и претходни консултации и со со соседна Бугарија. Сметам дека доколку ЕК суштински сака да покаже дека проширувањето е на нејзината агенда и ќе треба да направи еден порешителен чекор напред и да предложи еден механизам со кој државите членки ќе немаат можност да ги блокираат државите кандидати благодарение на некакви билатерлални прашања,- Васко Наумовски – Поранешен амбасадор.

-Не верувам дека ќе има конкретен предлог оти тие не се даваат ад хок, треба претходно да се работи многу да се искоординира процесот, но веројатно ќе има насоки убедувања во таа насока значи ќе биде една скала погоре од тоа што е моментална позиција и претпостауввам дека во следниот период ако воопшто рационално размислуваме ќе треба да се изнајде решение и за нас како Македонија,- Мерсел Биљали – политички аналитичар.

Според Наумовски, добро е тоа што македонските власти имаат иницијатива за откочување на процесот како што е идејата за уставни измени со одложено дејство, додека Биљали оценува дека ваквиот предлог е политички неповолен и дека треба да се изнајдат други решенија.

-Сметам дека треба да имаме два процеси кои треба да течат паралелно треба да преставуваме наши идеи и решениеја пред европските инстутици и државните членки секако истовремено треба да се обидеме да разговараме со евентуалната нова влада на бугарија з анадминување на билтареалниот проблем.- Васко Наумовски – Поранешен амбасадор.

-Има други методи може многу пофлексибилен начин да се пристапува, ете Бугарија дава изјава или друга инстиуција европска дека нема да бидат такви услови кои ќе ја зкаочат држават анадвр од копенхашките прицнипи, или со некоја изјава со која Бугарија ќе ги прифати пресудаите на ЕСЧП значи има методолгија ако се има политчка волја,- ,- Мерсел Биљали – политички аналитичар.

Агендата на Фон дер Лајен за посета на земјите од Западен Балкан почнува денеска во Албанија, утре ќе допатува во Македонија и Босна и Херцеговина, потоа ќе продолжи во Косово, Србија и Црна Гора.

притисни ентер