Македонија

Димитриевски освои 80 илјади гласови, Ванковска 40 илјади, а Јакимовски 8 илјади

Меѓу останатите кандидати, во македонскиот политички блок лидерот на ЗНАМ Максим Димитриевски освои над 80 илјади гласови, зад него е кандидатката на Левица Билјана Ванковска, а на последно место се најде лидерот на ГРОМ Стевчо Јакимовски...

Откако реши да излезе од сигурната зона на вториот градоначалнички мандат и да се трка за претседателската фотелја Максим Димитриевски, не влезе во топ 2, но заврши на 4тото место од вкупно 7 кандидати. По пребројани 100 отсто од гласовите на вчерашниот прв круг од претседателските избори, и по освоени 83.787 или 9,26% од гласовите, најави уште поголема битка на параламенатрните избори.

ЗНАМ испишува новата политичка историја на македонската сцена им порача Димитриевски на своите поддржувачи, а убедливо неговата победа беше најголема во родното Куманово каде е и актуелен градоначаник.

„Се роди третата политичка сила во македонскиот политички блок во државата кој што имаме намера во следниот период дополнително да ја потврдиме и надоградиме со цел еден ден граѓаните да имаат можност да бираат нешто ново.“

Зад Димитиревски, со поддршка од 41 172 гласа се најде професорката Билјана Ванковска поддржана од Левица. Таа на граѓаните и синоќа им порача мојата цел не беше победа, туку да отвориме нов дискурс.

„Веројатно она што беше наша главна мисија на овие избори која ние ја сработивме од почеток до крај беше не да победиме туку да отовриме нов дискурс, нова дебата, ние отворивме прашања кои се овде табу тема. Ние ќе биде тука и ќе се бориме за македонскиот народ.“

За разлика од кумановскиот градоначлник, неговиот колега од општина Карпош, Стевче Јакимовски, кои исто така реше да ја трча претседателската трка како кандидат на ГРОМ, освои помалку гласови дури и од локалните избори на кој извојува победа. Во Карпош од Димитриевски и од Ванковска добија поголема поддршка од актуелниот градочаланик. . ( слика Карпош стевче максим). ЈАкимовски го призна поразот, а во јавноста се отовори и дилема како Јакимовски ги собра потребните 10 илјади граѓански потписи за својата кандидатура но на вчерашните избори стигна само до 8 103 гласа.

„ Дали резултатите се задоволувачки, според мене нормално дека не се, далеку се од очекувањата, но како и да е битно беше дека граѓаните на МАкедонија имаа избор бираа меу 7 свои кандидати, дали биле во право со тоа што го избрале ќе видиме после 5 години. “

Вториот круг од претседателски избори ќе одржи на 8 мај заедно со парламантраните.

Свет

Ужас во Аризона: Татко си ги пронашол двете тригодишни близначки удавени во базен

Полицијата ги објави имињата на близначките кои трагично загинаа откако нивниот татко ги извлекол нивните безживотни тела од базенот во дворот.

Тригодишните девојчиња, Валентина и Пеналапи Руиз, починале во четвртокот во болница во Феникс, Аризона, соопштија официјални лица, пишува Daily Mail..

„Прелиминарните информации сугерираат дека дошло до случајно давење“, соопшти вчера полицијата.

„Во овој момент, нема ништо што откриле иследниците што изгледа сомнително“, рече пожарникарот на Феникс, Роб Мекдејд, за таткото на близнаците кој се јавил на 911.

Мекдејд додаде дека децата биле под вода „неодредено време“ пред да пристигне помошта околу 15:30 часот во четвртокот.

Девојчињата биле итно пренесени во блиската болница каде што биле прогласени за мртви, соопштија официјални лица.

Воздушните снимки од домот покажале базен во облик на бубрег што немал ограда околу него.

Свет

Расте бројот на жртвите во поплавите во Бразил- најмалку 57 загинати, 67 исчезнати (ВИДЕО)

Бројот на загинати од поројниот дожд во јужната бразилска држава Рио Гранде до Сул се искачи на 57, соопштија локалните власти, додека десетици се уште не се пронајдени, пренесува Ројтерс.

Цивилната заштита на Рио Гранде до Сул соопшти дека 67 лица се уште се водат како исчезнати, додека повеќе од 32.000 луѓе се раселени поради невремето, кое зафати речиси две третини од 497-те градови во државата, која граничи со Уругвај и Аргентина.

Поплавите уништија патишта и мостови во повеќе региони во земјата. Невремето предизвика и лизгање на земјиштето и делумно уривање на брана во мала хидроцентрала. Друга брана во градот Бенто Гонкалвес исто така е во опасност од уривање, соопштија властите.

Во Порто Алегре, главниот град на Рио Гранде до Сул, езерото Гуаиба се излеа, поплавувајќи ги улиците. Меѓународниот аеродром во Порто Алегре ги укина сите летови на неодредено време.

Во следните 36 часа се очекуваат врнежи од дожд во северните и североисточните предели на државата, но количината на врнежи се намалува и би требало да биде далеку под врвот забележан претходно оваа недела, соопшти државната метеоролошка служба.

Сепак, „нивото на водата во реките треба да остане високо неколку дена“, изјави денеска гувернерот Едуардо Леите во видеото на неговите социјални мрежи, додавајќи дека е тешко да се каже колку долго.

Рио Гранде до Сул се наоѓа на географската точка меѓу тропската и поларната атмосфера, што создава метеоролошка шема со периоди на интензивен дожд и други со суша.

Локалните научници веруваат дека оваа шема се интензивира поради климатските промени.

Обилните дождови веќе го погодија Рио Гранде до Сул во септември минатата година, кога екстратропски циклон предизвика поплави во кои загинаа повеќе од 50 луѓе. Ова се случи по повеќе од две години постојана суша поради феноменот Ла Ниња, со само слаби дождови.

Шоу биз

Најбогатата актерка на светот има 3 милијарди долари, но ретко кој ја знае (ВИДЕО)

Кога ќе помислите на најбогатите актерки во светот, веројатно ви паѓаат на ум познати имиња како Џулија Робертс, Сандра Булок, Анџелина Џоли или Џенифер Анистон, но големи се шансите никогаш да не сте го чуле името на најбогатата актерка на светот.

Имено, оваа титула ѝ припаѓа на американската актерка Џејми Герц, чие богатство се проценува на 3,2 милијарди долари. Ако се прашувате која е, не сте единствените затоа што изгледа дека луѓето не можат да се сетат на неа.

58-годишната ѕвезда ја започнала својата кариера во 1981 година со улога во „Бескрајна љубов“ и оттогаш се појавила во голем број филмови, вклучувајќи ги „Изгубените момчиња“, „Твистер“, „Крстопат“, „Помалку од нула“, „Квиксилвер“ и „Шеснаесет свеќи“.

Покрај тоа, таа се појави во хит сериите Seinfeld, The Neighbors, Modern Family и This is Us, а неодамна глумеше во филмот „I Want You Back“ од 2022 година, но таа ретко се појавува на екранот.

Сепак, нејзиното богатство не се должи само на нејзината актерска кариера. Актерката е во брак со милијардерот и инвеститор Тони Реслер, со кого е косопственик на НБА тимот Атланта Хокс. Имаат четири деца, а интересно, кога се венчале во 80-тите, Џејми била хранителка бидејќи компанијата на нејзиниот сопруг пропаднала, но тој подоцна се опоравил и заработил милијарди.