Сè се случило во раните попладневни часови во Гњилане, место на околу 50 километри југоисточно од главниот град Приштина.
Полицајката која работела во локалната полициска станица ги убила своите мајка и татко и двајцата браќа. Сите починале на лице место.
Според „Газета експрес“, Валдета го убила еден од своите браќа во креветот на спиење, додека во другите простории на семејниот дом таа им пресудила на другиот брат, мајката и таткото, а потоа и самата се убила. Таа испукала најмалку по два куршума кон секоја од жртвите. Сите жртви биле убиени со истото оружје, а по една жртва била пронајдена во секој дел од куќата.
Едниот брат бил убиен од полицајката додека спиел на вториот кат од куќата. Другиот брат бил пронајден мртов во ходникот. Таа, наводно, го убила својот 70-годишен татко во дневната соба , а 64-годишната мајка ја убила со два истрели во кујната.
Резултатите од досегашната истрага откриваат дека Валдете веднаш не извршила самоубиство. Неколку часови ги набљудувала телата на членовите на нејзиното семејство, а после тоа се самоубила пред влезната врата од куќата.
Убиениот татко се викал Зекир, мајката Ханифа и нејзините браќа Фисник и Блерим.