Тие се успешна приказна за поголема туристичка афирмација на Македонија во светот. Затоа, што побргу да се спасат од пропаѓање. Еклатантен пример за негрижа, е единствениот верски објект во македонскиот исток, од каде од едно место, се молат и христијани и муслимани.
- Кој досега се загрижил за да ја исчисти, да биде објектот привлечен за туристите. Да им објасни дека токму ова е црква и дјамија во истовреме. Ова што ние во Македонија го имаме се многу големи реткости во светот каде на исто место се молат христијани и муслимани објасни д-р Тодор Чепреганов-директор на Македонски Институт за национална Историја.
Од повеќегодишниот спор за сопственоста на црквата свети Илија, односно Хусамедин пашина џамија, Брегалничката епархија и овдешното Муфтиство, не можат да видат како парчиња од сводот паѓаат, како дел од надворешната орнаментика ја нема, како се изместени и само што не се урнале дел од носечките камења. За Канал 5 од епархијата и муфтиството денеска се едногласни. Наредната недела ќе се изјаснат по апелот на историчарите за спас на цркво - џамијата.
Ако набргу нешто не се стори, ќе исчезне ова црнило од свеќи пред влезната врата заклучена со четири катанци, ќе го снема и остатокот од минаре. Иронично,но ќе остане оваа сина стаклена плоча со порака за обнова на ваквите вредни објекти.
Дејан Ефремов