На централната прослава во Париз се очекува да бидат прикажани старите , но и најновите модели на овој најголем гранцуски производител . Низ историјата Цитроен стана најпознат по моделот Спачек , како и луксузната ,,Жаба” во 70 – тите.
Во историјата на Цитроен , најзнчајно е името на младиот инженер и студент Андре Цитроен , кој уште во 1900 доби патент за запчаници во облик на шеврон , што подоцна стана заштитен знак на неговата компанија. Тој во 1912 патува во САД , каде се среќава со Хенри Форд и со процесот на производство на легендарниот модел Т.
Во 1919 Цитроен ја формира истоимената компанија со лансирање на моделот ,,Тип А”, кој е прв масовно произцведен автомобил во Европа.
Во триесетите години на минатиот век , Цитроен е најголемиот европски производител на автомобили , а во тоа време се воведуваат и начините на купување како постпродажна услуга, потрошувачки кредит и лизинг.
Потоа следуваат моделите , кои го сменија начинот на користење на автомобилите за секојдневна употреба , а не само за луксуз . Последниот од серијата модели за овие сто години е Ц4 Кактус , кој е прв автомобил на светот со странични перничиња за ублажување на ударите.